Elang Tlhoko Dikgang Tse di Seng Boammaaruri

Gompieno tshedimosetso e ka fitlhelela dimilione tsa batho ka bonako ka radio, ka thelebishene le ka Internet. Batho ba ba ikobelang “Modimo wa boammaaruri,” ga ba batle go phasalatsa tshedimosetso e e seng boammaaruri le fa ba ne ba sa ikaelela. (Pes 31:5; Ek 23:1) Go phasalatsa tshedimosetso e e seng boammaaruri go ka utlwi- sa batho ba bangwe botlhoko. Fa o batla go tlhomamisa gore a sengwe se boammaaruri, ipotse jaana:

• ‘A ke ikanya motho yo o buileng kgang eo?’ Motho yo a ka tswang a go boleletse kgang eo a ka tswa a se na dintlha tsotlhe. Fa motho a bolelela batho ba bangwe kgang nngwe, go le gantsi kgang eo e a fetoga. Ka jalo nna kelotlhoko, segolobogolo fa o sa itse gore kgang eo e tswa kae. Ba ba nang le maikarabelo mo phuthegong ba tshwanetse go nna kelotlhoko gore ba se ka ba bua tshedimosetso e ba se nang bosupi ka yone e re ka ba bangwe mo phuthegong ba ba tsaya jaaka metswedi ya tshedimosetso e e boammaaruri

• ‘A kgang eno e senya ba bangwe maina?’ Fa e le gore kgang eo e ka dira gore batho bangwe ba akanye dilo tse di sa siamang ka batho ba bangwe kgotsa setlhopha sengwe, go tla bo go se botlhale go phasalatsa kgang eo.—Dia 18:8; Baf 4:8

• ‘A nka dumela kgang eo?’ Nna kelotlhoko fa o utlwa maitemogelo kgotsa dikgang tse di kgatlhang

LEBANG BIDIO YA NKA DIRA JANG GORE KE TLOGELE GO SEBA? LO BO LO ARABA DIPOTSO TSE DI LATELANG:

• 

  Go ya ka Diane 12:18, mafoko a ka re utlwisa botlhoko jang?

• 

  Lokwalo lwa Bafilipi 2:4 lo re thusa jang gore re nne kelotlhoko fa re bua ka batho ba bangwe?

• 

  Ke eng se re tshwanetseng go se dira fa re utlwa batho ba bua dilo tse di sa siamang ka batho ba bangwe?

• 

  Ke dipotso dife tse re tshwanetseng go ipotsa tsone pele re bua ka batho ba bangwe?