Basha—A Jehofa ke Tsala ya Lona e Kgolo?

O ka rata go nna le tsala e e nang le dinonofo dife? Gongwe o ka rata go nna le tsala e e ikanyegang, e e pelontle le e e pelotshweu. Jehofa o na le dinonofo tseno tsotlhe. (Ek 34:6; Dit 14:17) O a go reetsa fa o mo rapela. Nako le nako fa o tlhoka thuso, o a go thusa. (Pes 18:19, 35) Fa o dirile diphoso o a go itshwarela. (1Jo 1:9) Ruri Jehofa ke tsala e e molemo tota!

Ke eng se se ka go thusang go nna tsala ya ga Jehofa? Ithute ka ene ka go bala Lefoko la gagwe. Mo ikanye. (Pes 62:8; 142:2) Bontsha gore o anaanela dilo tse Jehofa a di tsayang di le botlhokwa, tse di jaaka Morwawe, Bogosi jwa gagwe, le ditsholofetso tse a tla di dirang mo nakong e e tlang. Bolelela ba bangwe ka ene. (Dut 32:3) Fa o lwela go nna le kamano e e molemo le Jehofa, o tla nna Tsala ya gago go ya go ile.—Pes 73:25, 26, 28.

LEBANG BIDIO YA, BASHA—“LEKANG MME LO BONE GORE JEHOFA O MOLEMO,” LO BO LO ARABA DIPOTSO TSE DI LATELANG:

• 

  O ka dira eng gore o ipaakanyetse go ineela le go kolobediwa?

• 

  Ba bangwe mo phuthegong ba ka go thusa jang gore o kgone go direla Jehofa?

• 

  Tiro ya go rera e nonotsha kamano ya gago le Jehofa jang?

• 

  Ke dikabelo dife tse o ka nnang le tsone mo phuthegong?

• Ke eng se o se ratang ka Jehofa?