Bontsha Gore o Rata Jehofa Ka go Sa Dirisane le Batho ba ba Kgaotsweng

Fa motho yo o sa ikwatlhayeng a kgaolwa seno se sireletsa ba bangwe mo phuthegong e bile se ka thusa ene motho yoo gore a feleletse a ikwatlhaya. (1Bak 5:6, 11) Fa re ema nokeng thulaganyo eno ya ga Jehofa ya go otlhaya ba ba sa mo ikobeleng, re a bo re bontsha gore re a mo rata. Goreng re rialo mme e le selo se se utlwisang ba losika botlhoko tota le komiti ya boatlhodi?

Sa botlhokwa ke gore, fa re sa dirisane gotlhelele le motho yo o kgaotsweng, re a bo re bontsha gore re rata Jehofa le melao ya gagwe e e boitshepo. (1Pe 1:14-16) Gape re a bo re bontsha gore re rata motho yo o kgaotsweng. Le fa gone kotlhao e le botlhoko, e thusa gore motho yo o otlhailweng a ‘ungwe leungo la kagiso, e leng tshiamo.’ (Bah 12:5, 6, 11) Fa re dirisana le motho yo o kgaotsweng kgotsa yo o itomolotseng (motho yo o sa tlholeng a batla go itsege e le Mosupi wa ga Jehofa) re a bo re sa ikobele Jehofa. Gakologelwa gore Jehofa o otlhaya batho ba gagwe “ka selekanyo se se tshwanetseng.” (Jer 30:11) Re solofela gore motho yoo o tla boela kwa go Jehofa, Rraarona yo o kutlwelobotlhoko. Rona re tshwanetse go tswelela re ema nokeng tsela e Jehofa a otlhayang ba bangwe ka yone mme re dire sotlhe se re ka se kgonang go atamalana le ene.—Isa 1:16-18; 55:7.

LEBANG BIDIO YA IKANYEGE KA PELO E E FELETSENG, LO BO LO ARABA DIPOTSO TSE DI LATELANG:

• 

  Batsadi ba Bakeresete ba utlwa botlhoko go le kana kang fa ngwana wa bone a tlogela Jehofa?

• 

  Ba bangwe mo phuthegong ba ka ema nokeng jang Bakeresete ba go nang le mongwe mo lelapeng, yo o tlogetseng Jehofa?

• 

  Ke pego efe ya Baebele e re rutang gore go ikanyega mo go Jehofa go botlhokwa go feta go ikanyega mo go ba lelapa?

• 

  Re ka bontsha jang gore re ikanyega mo go Jehofa go feta ba malapa a rona?