Ruta o le Matlhagatlhaga

Fa re le matlhagatlhaga, batho ba tla kgona go tlhoma mogopolo mo go se re se buang. Gape re a bo re bontsha gore re tsaya molaetsa wa rona o le botlhokwa. Re ka kgona go nna matlhagatlhaga go sa kgathalesege tsela e re godisitsweng ka yone kgotsa botho jwa rona. (Bar 12:11) Re ka dira seo jang?

Sa ntlha, ipotse gore molaetsa wa gago o botlhokwa go le kana kang. O na le tshiamelo ya go ‘bolela dikgang tse di molemo tsa dilo tse di molemo!’ (Bar 10:15) Sa bobedi, akanya kafa dikgang tse di molemo di ka tokafatsang matshelo a batho ba o buang le bone ka gone. Ba tlhoka go utlwa se o buang ka sone. (Bar 10:13, 14) Sa bofelo, bua o le matlhagatlhaga, itshikinye mmele mme sefatlhego sa gago se bontshe tsela e o ikutlwang ka yone.

LEBANG BIDIO YA ITUMELELE TIRO YA GO DIRA BATHO BARUTWA—TOKAFATSA BOKGONI JWA GAGO—RUTA O LE MATLHAGATLHAGA, LO BO LO ARABA DIPOTSO TSE DI LATELANG:

• 

  Ke eng se se dirileng gore Lesego a se ka a tlhola a nna matlhagatlhaga fa a ithuta Baebele le Mmasentle?

• 

  Ke eng se se thusitseng Lesego gore a nne matlhagatlhaga gape?

• 

  Goreng re tshwanetse go tlhoma mogopolo mo dilong tse di molemo ka batho ba ba re reeditseng?

• Fa re le matlhagatlhaga, seno se ka thusa jang batho ba re ithutang Baebele le bone le batho ba bangwe?