Utlwela Batho Botlhoko

Go utlwela ba bangwe botlhoko ke go tlhaloganya gore ba akanya eng, ba ikutlwa jang, ba rata eng le gore ke dilo dife tse ba di tlhokang. Batho ba kgona go lemoga fa re ba utlwela botlhoko. Fa e le gore tota re rata go thusa ba bangwe, seo se tla dira gore re ba utlwele botlhoko. Fa re utlwela batho botlhoko mo bodireding, re etsa kafa Jehofa a ratang le go amega ka batho ka gone mme seno se tla dira gore batho ba batle go mo itse.—Baf 2:4.

Go utlwela ba bangwe botlhoko ga se mokgwa fela o re o dirisang fa re ruta batho. Re ba bontsha kutlwelobotlhoko ka go ba reetsa ka kelotlhoko. Gape re ka bontsha gore re ba utlwela botlhoko ka tsela e re buang ka yone, tsela e re itshikinyang mmele le e re dirisang matsogo ka yone le tebego ya rona ya sefatlhego. Gape re bontsha gore re utlwela ba bangwe botlhoko fa re kgatlhegela go itse dilo tse ba di ratang, tse ba di dumelang le maemo a bone a botshelo. Re ba ruta dilo tse ba tshwanetseng go di itse le go ba thusa mme ga re ba pateletse go fetoga. Fa batho ba re ba rutang ba dumela gore re ba thuse, seo se dira gore re itumele.

LEBANG BIDIO YA ITUMELELE TIRO YA GO DIRA BATHO BARUTWA—TOKAFATSA BOKGONI JWA GAGO—UTLWELA BATHO BOTLHOKO, LO BO LO ARABA DIPOTSO TSE DI LATELANG:

• 

  Fa Mmasentle a ne a le thari, Lesego o ile a bontsha jang gore o mo utlwela botlhoko?

• 

  Fa Mmasentle a ne a bolelela Lesego gore o na le seterese se sentsi le gore a ka se kgone go ithuta, Lesego o ile a mmontsha jang gore o mo utlwela botlhoko?

• 

  Fa Mmasentle a ne a re botshelo jwa gagwe bo tlhakatlhakane le gore ga a rulagana, Lesego o ne a mmontsha jang gore o mo utlwela botlhoko?