Amogela Thuso ya Bakaulengwe ba Rona

Jehofa o re neile bakaulengwe le bokgaitsadi gore ba re thuse. (1Pe 5:9) Ba ka re thusa ka dikgwetlho tse re nnang le tsone mo bodireding. Ka sekai, moaposetoloi Paulo o ile a kgothadiwa ke Akhwila le Perisila, Silase, Timotheo le ba bangwe.—Dit 18:1-5.

Bakaulengwe le bokgaitsadi ba ka go thusa jang mo bodireding? Ba ka go naya kgakololo e e tla go thusang fa mongwe a leka go go thibela go rera, fa o ya kwa maetong a go boela kgotsa fa o tshwara thuto ya Baebele. Akanya ka mongwe yo o ka go thusang mo phuthegong ya lona, mme o mo kope gore a go thuse. Seno se tla lo thusa e bile se tla dira gore lo itumele.—Baf 1:25.

LEBANG BIDIO YA ITUMELELE TIRO YA GO DIRA BATHO BARUTWA—AMOGELA THUSO YA GA JEHOFA—BAKAULENGWE BA RONA, LO BO LO ARABA DIPOTSO TSE DI LATELANG:

• 

  Lesego o ne a kgothaletsa Mmasentle jang go tla dipokanong?

• 

  Goreng re tshwanetse go laletsa baboledi ba bangwe fa re tshwara dithuto tsa Baebele?

• 

  Mmasentle le Kgaitsadi Tiro ba ne ba rata eng se se tshwanang?

• Bakaulengwe le bokgaitsadi ba ba farologaneng ba ka go ruta go nna le bokgoni bofe mo bodireding?