Bolelela ba Bangwe ka Lefatshe le Lesha!

Ka November re tla bo re bolelela batho dikgang tse di molemo tsa gore lefatshe lesha le gaufi. (Ps 37:10, 11; Tsh 21:3-5) Dira dithulaganyo tsa gore o nne le seabe ka botlalo mo letsholong leno. Fa o tla bo o direla o le mmulatsela yo o thusang mo kgweding eno, o ka tlhopha go dira diura di le 30 kgotsa 50.

Bua le batho ba le bantsi mo tshimong ya lona ka fa go ka kgonegang ka teng ka temana e e buang ka lefatshe le lesha. Fa o tlhopha temana, akanyetsa gore batho ba ba mo tshimong ya lona ba rata eng. Fa motho a kgatlhegela gore o mo etele gape, mo neye khopi ya makasine wa Tora ya Tebelo No. 2 2021. Dira dithulaganyo tsa go boela kwa go ene ka bonako, o bo o leka go ithuta Baebele le ene o dirisa boroutšhara jwa Itumelele go Tshelela Ruri! O tla itumelela go bolelela ba bangwe “dikgang tse di molemo tsa sengwe se se botoka”!—Isa 52:7.

LEBANG BIDIO YA PINA YA LEFATSHE LE LESHA, LO BO LO ARABA DIPOTSO TSE DI LATELANG:

• Ke dilo dife tse di itumedisang tse mosetsana yono a akantseng ka tsone tse di tla diragalang mo nakong e e tlang?

• Ke dilo dife tse di tlileng go direga kwa lefatsheng le lesha tse o eletsang go di bona?

• Go akanya ka ditsholofetso tseno go tla go thusa jang go ipaakanyetsa go nna le seabe mo letsholong leno le le tla nnang gone ka November?—Luk 6:45