Kabelo e e Thata E ne Ya Atlega ka Ntlha ya Moya o o Boitshepo

Mo hisitoring, batlhanka ba Modimo ba fitlheletse dilo tse di kgatlhang ka ntlha ya thuso ya ga Jehofa mme e seng bokgoni jwa bone. Ka 1954, phuthego ya ga Jehofa e ne ya golola filimi ya setlhogo se se reng, The New World Society in Action. E ne ya dirwa ke ba ba direlang kwa Bethele mme ba ne ba se na maitemogelo a go dira difilimi. Porojeke eno e e thata e ne ya atlega ka ntlha ya moya o o boitshepo wa ga Jehofa. Seno se dira gore re dumele ka pelo yotlhe gore re ka kgona go dira kabelo nngwe le nngwe e re e newang fa re ikaega ka Jehofa.—Sek 4:6.

LEBANG BIDIO YA, FA GO NE GO DIRWA FILIMI YA “THE NEW WORLD SOCIETY IN ACTION,” LO BO LO ARABA DIPOTSO TSE DI LATELANG:

• Ke eng fa go ne ga dirwa tshwetso ya go dira filimi e e buang ka ntlokgolo ya lefatshe lotlhe?

• Filimi eo e ne ya bontsha jang gore Bethele e tshwana le dikarolo tsa mmele?​—1Bk 12:14-20.

• Bakaulengwe ba ile ba kopana le mathata afe fa ba ne ba dira filimi eo mme ba ile ba a rarabolola jang?

• Maitemogelo ano a re ruta eng ka moya o o boitshepo wa ga Jehofa?