Popo e Dira Gore re Tshepe Tsela e Jehofa a Leng Botlhale ka Yone

A Jehofa o itse se re se tlhokang ka dinako tsotlhe? Ee! Re bontsha gore re botlhale fa re latela kaelo ya gagwe. (Dia 16:3, 9) Mme gone, tsela e re ikanyang ditaelo tsa gagwe ka yone e ka lekwa fa e farologane le tsela e re akanyang ka yone. Re ka nonotsha tsela e re ikanyang botlhale jwa Modimo ka yone fa re akanya ka dilo tse a di bopileng.—Dia 30:24, 25; Bar 1:20.

LEBANG BIDIO YA A DI DIRILWE KE MONGWE? KE ENG SE SE THUSANG DITSHOSWANE GORE DI SE KA TSA THULANA FA DI TSAMAYA?, LO BO LO ARABA DIPOTSO TSE DI LATELANG:

• Ke eng se ditshoswane di se dirang letsatsi le letsatsi?

• Ke eng se ditshoswane di se dirang gore di se ka tsa thulana fa di tsamaya?

• Ke eng se batho ba ka ithutang sone mo tseleng e ditshoswane di tsamayang ka yone?

LEBANG BIDIO YA A DI DIRILWE KE MONGWE? TSELA E DINOTSHE DI FOFANG KA YONE, LO BO LO ARABA DIPOTSO TSE DI LATELANG:

• Ke dikgwetlho dife tse batho ba lebanang le tsone fa ba kgweetsa difofane tse dinnye?

• Ke eng se notshe e se dirang gore e se ka ya phailwa ke phefo?

• Batho ba ka ithuta eng mo botlhaleng jwa notshe?

Mo lefelong le o nnang mo go lone ke eng se o se boneng se se bontshang gore Jehofa o botlhale?