Basha—Bolelelang Batsadi ba Lona Gore lo Ikutlwa Jang

Goreng o tshwanetse go bolelela batsadi ba gago tsela e o ikutlwang ka yone? (Dia 23:26) Ka gonne Jehofa o ba neile boikarabelo jwa gore ba go tlhokomele le go go kaela. (Ps 127:3, 4) Go ka nna thata gore ba go thuse fa o sa ba bolelele dilo tse o di kgathalelang le dilo tse di go tshwenyang. Gape o ka se ka wa ithuta go tswa mo maitemogelong a ba nnileng le one ka botshelo. A go phoso gore o se ka wa bua ka dilo dingwe tse o di akanyang? Ga go phoso mme o ele tlhoko gore o se ka wa tsietsa batsadi ba gago gore ba dumele sengwe se se seng boammaaruri.—Dia 3:32.

O ka bua jang le batsadi ba gago? Leka go batla nako e e siameng e o ka buang le bone ka yone. Fa go le thata go dira jalo, kwalela mongwe wa bone lekwalo le o tlhalosang tsela e o ikutlwang ka yone. Jaanong o tla dira eng fa batsadi ba gago ba batla go bua le wena ka sengwe se o sa batleng go bua ka sone? Gopola gore ba batla go go thusa. Tsaya batsadi ba gago jaaka ditsala mme e seng baba ba gago. Matsapa a o a tsayang a go bua le batsadi ba gago ka sengwe le sengwe a tlile go go solegela molemo mo botshelong jwa gago jotlhe.—Dia 4:10-12.

LEBANG BIDIO YA GO NNA MOSHA—NKA BUA LE BATSADI BA ME JANG?, LO BO LO ARABA DIPOTSO TSE DI LATELANG:

• 

  Ke eng se Esther le Partik ba ileng ba se lemoga?

• 

  Ke eng se o ka ithutang sone mo sekaong sa ga Jesu?

• 

  Batsadi ba gago ba go bontshitse jang gore ba a go kgathalela?

• 

  Ke melaomotheo efe ya Baebele e e ka go thusang go bua le batsadi ba gago?