Dithapelo Tsa Rona di Botlhokwa mo go Jehofa

Dithapelo tse di amogelesegang di tshwana le maswalo a a nkgang monate a a neng a fisiwa ka metlha fa pele ga ga Jehofa kwa tempeleng. (Ps 141:2) Re bontsha gore re tsaya botsala jwa rona le Jehofa bo le botlhokwa fa re mmolelela gore re a mo rata le gore re anaanela dilo tse a re direlang tsone. Gape re ka bontsha seo fa re mmolelela ka dilo tse di re tshwenyang, tse re batlang go di dira le go mo kopa gore a re kaele. Jehofa o leba dithapelo tse di rapelwang kwa dipokanong e le karolo ya botlhokwa ya kobamelo ya rona. Mme gone, Jehofa o a itumela fa re ipha nako e e lekaneng ya go mo rapela, fa re mmolelela se re se akanyang le tsela e re ikutlwang ka yone.​—Dia 15:8.

LEBANG BIDIO YA KE RATA GO RAPELA, LO BO LO ARABA DIPOTSO TSE DI LATELANG:

• Mokaulengwe Johnson o ne a itumelela dikabelo dife mo tirelong ya ga Jehofa?

• Mokaulengwe Johnson o ile a ikaega jang ka Jehofa?

• O ithutile eng mo maitemogelong a ga Mokaulengwe Johnson?