POROJEKE YA GO ITHUTA
O ka Kgona go Itshoka Fa o Sa Tshwarwe Sentle
Bala Genesise 37:23-28; 39:17-23 go bona gore Josefa o ile a itshwara jang fa a ne a sa tshwarwe sentle.
Akanyetsa kwa teng ka se go buiwang ka sone. Goreng batho ba bangwe ba ne ba sa tshware Josefa sentle? (Gen. 37:3-11; 39:1, 6-10) Josefa o ile a tshwanelwa ke go itshoka ka lobaka lo lokae? (Gen. 37:2; 41:46) Jehofa o ile a thusa Josefa jang ka nako eo, mme ke eng se Jehofa a sa se dirang?—Gen. 39:2, 21; w23.01 17 ¶13.
Dira dipatlisiso. Le fa mosadi wa ga Potifaro a ile a bua maaka ka Josefa, Baebele ga e re bolelele gore Josefa o ile a re se mosadi yoo a neng a mo latofatsa ka sone ke maaka. Diane 20:2; Johane 21:25 le Ditiro 21:37 di re thusa jang go bona lebaka le le ka tswang le dirile gore Josefa a se ka a bua ka kgang eo, e bile di re thusa jang go lemoga gore ga re tlhoke go bolelelwa sengwe le sengwe? Ke dinonofo dife tse di ka tswang di ile tsa thusa Josefa go itshoka fa a ne a sa tshwarwe sentle?—Mik. 7:7; Luke 14:11; Jak. 1:2, 3.
O ithuta eng? Ipotse jaana:
• ‘Batho ba ka ntshwara jang ka gonne ke le molatedi wa ga Jesu?’ (Luke 21:12, 16, 17; Baheb. 10:33, 34)
• ‘Ke eng se nka se dirang gone jaanong gore ke kgone go itshoka fa ke sa tshwarwe sentle?’ (Pes. 62:7, 8; 105:17-19; 105:17-19; w19.07 2-7)