Ntwa​—Se Bogosi Jwa Modimo bo Tla se Dirang

Go ralala lefatshe, dintwa di tsweletse ka go baka tshenyo, kutlobotlhoko le go boga. Ela tlhoko dipego tse di latelang:

• “Mo ngwageng o o fetileng, batho ba le bantsi ba ile ba swa ka ntlha ya ntwa, segolobogolo kwa Ethiopia le kwa Ukraine, go gaisa mo ngwageng ope fela fa e sa le go tloga ka 1994.”​—Peace Research Institute Oslo, June 7, 2023.

• “Ntwa ya kwa Ukraine e ne e se yone fela kgotlhang e e ileng ya gakala ka 2022. Go ralala lefatshe, thubakanyo e e amanang le dikgotlhang tsa sepolotiki e ne ya oketsega ka diperesente di le 27 mo ngwageng o o fetileng go feta ka 2021, mme e ne ya ama batho ba ka nna dibilione di le 1,7.”​—The Armed Conflict Location & Event Data Project (ACLED), February 8, 2023.

Baebele e re naya tsholofelo. E tlhalosa gore “Modimo yo o kwa legodimong o tla tlhoma bogosi jo bo se kitlang bo senngwa.” (Daniele 2:44) Fa Bogosi joo bo busa, Modimo o tla “fedisa dintwa mo lefatsheng lotlhe.”​—Pesalema 46:9.