A Basupi ba ga Jehofa ba Dumela Gore ke Bone Fela ba ba Tlileng go Bolokwa?

Nnyaa. Dimilione tsa batho ba ba neng ba tshela makgolokgolo a dingwaga a a fetileng ba e neng e se Basupi ba ga Jehofa ba tlile go nna le tshono ya go bona poloko. Baebele e tlhalosa gore mo lefatsheng le lesha le Modimo a le solofeditseng, “go tlile go nna le tsogo ya ba ba siameng mmogo le ba ba sa siamang.” (Ditiro 24:15) Mo godimo ga moo, batho ba bantsi ba gone jaanong ba tshelang ba ka nna ba simolola go direla Modimo, mme le bone ba tla bolokwa. Tota ga se tiro ya rona go atlhola gore ke bomang ba ba tla bolokwang le gore ke bomang ba ba se kitlang ba bolokwa. Eo ke tiro ya ga Jesu.—Johane 5:22, 27.