ba pele, ba ba neng ba sa tseye karolo mo meketeng e e tumileng ya motlha wa bone. Ebile Basupi ba ga Jehofa ba itumelela go neela lebaka la Dikwalo la go sa tseye karolo.​—1 Petere 3:15.

Bangwe ba ka nna ba tsaya Basupi jaaka batho ba ba feteletseng dilo ka ntlha ya go gana ga bone go amogela go tshelwa madi, e leng mokgwa o o tumileng mo bontsing jwa dingaka Fano gape ke kgang ya go obamela molao wa Modimo. Balatedi ba boammaaruri ba ga Jesu Keresete ba laolwa gore ba “ithibè . . . mo madiñ.”​—Ditihō 15:28, 29.

A motho ke mofeteletsi wa dilo fa, ka ntlha ya segakolodi, a gana tsamaiso ya tsa kalafi e e tlwaelegileng? Bangwe ba eseng Basupi ba ga Jehofa ba gana go tshelwa madi ba tshaba go tsenwa ke AIDS kana malwetsi a mangwe Ka gone a ga go utlwale rao Basuping go kopa kalafi e e seng kgatlhanong le digakolodi tsa bone?

Mme he, go tshwanetse ga konelwa jang mo go seno? Gore Basupi ba ga Jehofa ga se batho ba ba feteletsang dilo ka ntlha ya gore ba farologane le bontsi mme ba ganelela mo go nneng kutlo mo Modimong. Lemororo ba na le tlhagafalo mo Modimong, ga ba na “go ya kgakala thata kana tlhagafalo e e senang tlhaloganyo” jaaka ekete ba na le badimo; kana le eleng go lebega ekete ba lwala tlhaloganyo, ba tlhakane-ditlhogo kana “ba a tsenwa.” Le ka motlha ga ba ise ba ke ba ikgobatse kana ba gobatsa ba bangwe ka ntlha ya tlhagafalo ya bone ya bodumedi Go na le moo, tumalanong le se Bibela e se buang kaga Bakeresete ba boammaaruri ba “kagishō le batho botlhe.”​—Baroma 12:18.

Ka gone phuthego ya Bokeresete e Jesu Keresete a e simolotseng mo lekgolong la ntlha la dingwaga e le setlhare se se molemo e tswelela gompieno go supa maungo a a molemo fela. Ka gone, ga go kake ga diragala gore Bokeresete jwa boammaaruri bo dire gore batho ba feteletse dilo.

◼ A Jehofa le Jesu ke bone ba go buiwang ka bona mo go Diane 30:4, e e botsang ka gore: “E mañ leina ya gagwe le leina ya ga morwawe e mañ?”

Temana eno e phepafatsa ka moo motho a tlhaelang ka teng fa a bapisiwa te Mogodimodimo. Dipotso tsa yone tse go sa lebelelwang karabo di ka nna tsa bodiwa kaga motho mongwe le mongwe, mme dipotso tseno di tshwanetse go gogela motho yo o nang le tlhaloganyo kwa go Mmopi.

Agure wa mokwadi o ne a botsa jaana: “E mañ eo o tlhatlogetsen legodimon, a ba a hologa? E mañ eo o huparetsen dipheho mo macweleñ a gagwè? E mañ eo o boheletseñ metse mo seaparoñ sa gagwe? E mañ eo o tlhomamisitseñ dikhutlo cotlhe tsa lehatshe? E mañ leina ya gagwè, le leina ya ga morwawe e man, ha u itse?”​—Diane 30:1, 4.

Ga go na motho ope yo o sa itekanelang yo o kileng a ya kwa legodimong le go boela mo lefatsheng a tla a itse sengwe le sengwe. Lefa e le gone gore motho ope a ka kgona oo laola phefo, mawatle, kaha maatla a tlholego a a bopang Lefatshe. Tota, he, Agure o ne a botsa jaana: ‘A o itse leina la motho ope kana losika lwa gagwe yo o kileng a dira dilo tseno?’ Re tshwanetse go araba ka gore nnyaa.​—Bapisa Yobe 38:1–42:3; Isaia 40:12-14; Yeremia 23:18; 1 Bakorintha 2:16.

Ka gone, re tshwanetse go leba ka kwantle ga letatshe la motho go batla yo o nang le thata e e fetang ya motho go laola maatla a tlholego. Lefa go le jalo, ga re a lekanyediwa ka moo re ka ithutang ka ene ka go elatlhoko se a se dirileng tela. (Baroma 1:20) Seno ke ka ntlha ya gore, jaaka go ka buiwa, o fologetse kwa tlase ka boikitsiso kaga gagwe le ditiro tsa gagwe. O ile a neela boikitsiso jo bo tlhomameng. Ka sekai, o dirile seno fa a ne a ‘fologela kwa tlase’ go neela Moshe Molao mo Thabeng ya Sinai. (Ekesodo 19:20; Bahebera 2:2) Gape o thusitse batlhanka ba gagwe go tlhaloganya leina la gagwe le le nang le bokao,ebong Jehofa (Ekesodo 3:13, 14; 6:3) Moragonyana, o ile a supa Morwawe, yo o neng a bidiwa Jesu le yo a neng a fologela kwa tlase ka sebele a tswa kwa legodimong ka boikitsiso jo bo oketsegileng kaga Mmopi.​—Yohane 1:1-3, 14, 18.

Seno se tshwanetse go re thusa rotlhe go tla mo diphetsong tse di rileng: Jaaka Agure, ga te kake ra bona botlhale mo go rona. (Diane 30:2, 3) Gape ga re kake ra bolela motho ope yo o nang le thata e e fetang ya motho kana kitso. Ka ntlha ya gone moo, ka boikokobetso re tshwanetse go lebelela Ene yo o kgonang go re neela botlhale jo re bo tlhokang. Yono ke Yo o Boitshepo, yo leina la gagwe re ka le itseng le yo Morwawe a neng a swa e le gore re tle re kgone go rekololwa le go bona botshelo jo bosakhutleng.​—Mathaio 20:28.