Go Direla Kwa go Tlhokegang Thuso Thata Gone

Diphuthego tse di latelang di tlhoka bagolwane, batlhanka ba bodiredi le babulatsela. A o ka kgona go thusa? Tsweetswee ikgolaganye le Mokgatlho gore o bone dintlha tse di oketsegileng.

Clocolan: Phuthego eno e nnye ga e kgone go wetsa tshimo ya yone e e nang le matswela. Go tlhokega malapa a a nonofileng kana babulatsela, segolobogolo bakaulengwe.

Dennilton: Phuthego eno e na le tshimo e kgolo. Go tlhokega malapa a a nonofileng le babulatsela gore ba kgone go wetsa tshimo eno le go etelela pele mo phuthegong.

Dzumeri, e e ka fa bokone jwa Tzaneen: Ke phuthego e nnye e e nang le baboledi ba le 10 ba ba nang le tshimo e kgolo. Go tlhokega mogolwane kana motlhanka wa bodiredi yo o nang le lelapa le le nonofileng.

Folovhodwe: Go na le baboledi ba le robong fela mo setlhopheng seno se se kwa thoko. Go tlhokega babulatsela gore ba thuse batho ba ba kgatlhegang.

Van Stadensrus, gaufi le Wepener: Go na le kgaitsadi yo o eteletseng dilo pele mo setlhopheng seno se sennye se se kwa thoko. Go tlhokega babulatsela, bagolwane, kana batlhanka ba bodiredi gore ba etelele pele le go dira tshimo eno e e nang le matswela.