Thulaganyo Ya Pokano Ya Tirelo
Beke e e Simololang ka June 12
Pina 136
8 mets: Dikitsiso tsa phuthego ya lona. Dikitsiso tse di tlhophilweng go Tirelo ya Rona ya Bogosi.
15 mets: “Tiro ya Lona ya Bonatla Ga se Ya Lefela.” Matseno a gago a se ka a feta motsotso, mme go latele motlotlo wa dipotso le dikarabo. Akaretsa le dintlha tse di malebana le maitemogelo a a boletsweng mo makasineng wa Tora ya Tebelo ya June 15, 1996, tsebe 32.
22 mets: Go Simolola Dithuto ka Boroutšhara Jwa Re Direng. Puo e e sekasekang setlhogo se se mo kgatisong ya Tirelo ya Rona ya Bogosi ya January 1999, tsebe 4. Dira pontsho ya puisano e e akantshitsweng mo serapeng sa 6. Dira gore go nne le mmoledi a le mongwe kana ba le babedi ba bolele ka bokhutshwane ka fa ba atlegileng ka gone go simolola dithuto, ba bolele ka fa ba simolotseng thuto ka gone le ka fa ba dirileng ka gone gore thuto e tswelele pele beke nngwe le nngwe.
Pina 209 le thapelo e e konelang.
Beke e e Simololang ka June 19
Pina 14
12 mets: Dikitsiso tsa phuthego ya lona. Pego ya diakhaonto le kitsiso ya go tlhatlhobiwa ga diakhaonto morago ga dikgwedi dingwe le dingwe tse tharo. Fa e le gore phuthego e na le dikhopi tsa buka ya Dipotso Tse Basha Ba Di Botsang kana ya Bosha mo setokong, bontsha ka fa di ka dirisiwang ka gone ka tsela e e molemo mo bodireding ka malatsi a sekolo a boikhutso, ka gonne re ka nna ra fitlhela basha mo gae.
8 mets: Lebokoso la Dipotso. Puo ka mogolwane.
25 mets: “Ke ka Dira Jalo Jang, fa Mongwe a sa Nkaele?” Motlotlo wa dipotso le dikarabo ka molebedi wa tirelo. Dira gore serapa sengwe le sengwe se balelwe kwa godimo, mme go balwe dikwalo tse di mo dirapeng tsa 3, 4 le 7. Fa o le mo serapeng sa 6, tlhalosa seabe sa molebedi wa tirelo malebana le go sekaseka gore a go a tshwanela go ka tsosolosa dithuto tsa Baebele le batho ba ba kolobeditsweng.—Bona Lebokoso la Dipotso la Tirelo ya Rona ya Bogosi ya November 1998.
Pina 89 le thapelo e e konelang.
Beke e e simololang ka June 26
Pina 39
10 mets: Dikitsiso tsa phuthego ya lona. Gakolola baboledi gore ba tlise dipego tsa tirelo ya tshimo tsa June. Sekaseka buka e e tsamaisiwang ka July. Bontsha diboroutšhara tsa bogologolo tse di leng teng mo phuthegong, mme o tlhalose ka bokhutshwane boikaelelo jwa nngwe le nngwe ya tsone. Dira gore go nne le pontsho e e baakanyeditsweng sentle e e bontshang ka fa go ka tsamaisiwang nngwe ya tsone ka gone mo bodireding.
17 mets: “Go Aba ka Bopelontle, go Iketleeletsa go Abelana.” Dipotso le dikarabo. Akaretsa le mabaka a manè mo setlhogong se se reng “Lebaka La go Bo re Aba” se se leng mo makasineng wa Tora ya Tebelo ya November 1, 1996, ditsebe 29-30.
18 mets: Itseng Ka fa Lo ka Arabang ka Gone. (Bakol. 4:6) Puo le motlotlo le bareetsi. Ke eng se o se dirang fa o kopana le motho yo o buang sengwe se se sa dumalaneng le Dikwalo? Gantsi buka ya Go Fetolana e re thusa ka go re neela dikakantsho tse di molemo malebana le ka fa re ka arabang ka gone ka botlhale. Ka sekai, le mororo re leba loso e le mmaba yo o tla fenngwang ka thekololo ya ga Keresete, batho ba bangwe ba tlhatswegile pelo gore ga go na sepe se se ka fedisang seno, e bile ba dumela mo kgopolong ya maaka ya go tsalwa ka mmele o mosha. Tlotla ka dikarabo tse di leng mo bukeng ya Go Fetolana mo karolong ya “Fa Mongwe A Re—” mo ditsebeng tsa 183 le 247-8. Kgothaletsa mongwe le mongwe go tsamaya a tshwere buka eno mo bodireding jwa tshimo.
Pina 44 le thapelo e e konelang.
Beke e e Simololang ka July 3
Pina 213
10 mets: Dikitsiso tsa phuthego ya lona. Kopa baboledi ba ba setseng ba simolotse dithuto ka boroutšhara jwa Re Direng gore ba bolele ka fa ba dirileng seno ka gone. Tlotla ka setlhogo se se reng “Go Direla Kwa go Tlhokegang Thuso Thata gone.” Kgothaletsa batho ba maemo a bone a ba letlang gore ba akanyetse ka thapelo go fudugela kwa go nngwe ya ditoropo tseno.
15 mets: Dilo tse phuthego ya lona e tlhokang go di ela tlhoko.
20 mets: Go Dirisa Melaometheo ya Baebele go Nonotsha Botshelo Jwa Lelapa. Motlotlo wa bakaulengwe ba babedi, o o theilweng mo dintlheng tse robedi tse di leng mo bukeng ya Go Fetolana, ditsebe 239-40. Tlhalosa botlhokwa jwa go thusa baithuti ba Baebele go ithuta gore sephiri sa boitumelo mo lelapeng se ikaegile ka go tlhaloganya le go dirisa melaometheo ya Lefoko la Modimo. O dirisa thuto 8 ya boroutšhara jwa Re Direng, dira pontsho ya ka fa seno se ka dirwang ka gone. Malapa a a amogelang kgakololo ya Baebele a a momagana e bile a itumelela thata go nna le lorato le kutlwano e kgolo. Bolela maitemogelo a a mo bukeng ya Boitumelo mo Lelapeng, kgaolo 13, dirapa 1, 21-2.
Pina 51 le thapelo e e konelang.