Kgothatso

Tlhaloso: Sengwe seo se neelang bopelokgale kana se se fang tsholofelo. Mongwe le mongwe o tlhoka kgothatso. Go e neela go ka tlhoka go neela thuso ya botho kana go bontsha kanaanelo. Gantsi go kopanyeletsa go thusa mongwe go bona kafa a ka emelanang le boemo jo bo thata kana go tlotla mabaka a go nna le tsholofelo mo bokamosong jo bo botoka. Bibela e baakanyetsa ka motheo o o molemo wa kgothatso e e ntseng jalo, mme dikwalo tse di tsopotsweng fa tlase di ka thusa mo go e neeleng batho bao ba lebaneng le maemo a a farologaneng. Ka dinako tse dingwe go dirwa molemo o mogolo thata ka go supa boikutlo jwa bobelotlhomogi.—Bar. 12:15.

Go bao ba itemogelang diteko ka ntlha ya BOLWETSI—

Tshen. 21:4, 5: “[Modimo] o tla phimola dikeledi cotlhe mo matlhoñ a bōnè; me ga go ketla go tlhōla go le losho; le gōna ga go ketla go tlhōla go le bohutsana, leha e le selelō, leha e le botlhoko: dilō tsa pele di hetetse rure. Me eo o dutseñ mo setuloñ sa bogosi, a re, Bōnañ, dilō cotlhe ke di diha sesha. Me a re, Kwala: gonne mahoko a, a boikañō, le boamarure.”

Math. 9:35: “Me Yesu a tlhatlologanya metse le metsana eotlhe, a èta a ruta . . . a rera Mahoko a a Molemō a bogosi, a hodisa dipobolō diñwe le diñwe cotlhe, le malwetse mañwe le mañwe aotlhe hèla.” (Ka go nyalanya phodiso e e ntseng jalo le go rera ga gagwe kaga Bogosi, Jesu o ne a baakanyetsa ka tekeletso e e gakgamatsang ya seo a tla se direlang setho ka nako ya puso ya gagwe ya Dingwaga tse di Sekete.)

2 Bakor. 4:13, 16: “Le rona rea dumèla, . . . Ke gōna ga re ñodiege: me leha motho oa rona oa kaha ntlè a ōnala [mebele ya rona ya nama] leha go nntse yalo motho oa rona oa kaha teñ oa ba a nntse a shahadiwa [kana a neelwa nonofo e ntšha] ka letsatsi le letsatsi.” (Re ka tswa re felelwa ke maatla mo mmeleng. Mme kafa semoyeng re ntse re shafadiwa jaaka re tswelela re ikotla ka ditsholofetso tse di rategang tsa Modimo.)

Bona gape Luke 7:20-23.

Go batho bao ba latlhegetsweng ke baratiwa mo LOSONG—

Isa. 25:8, 9: “O komeditse losho ka bosakhutleñ; Yehofa Modimo o tla phimola dikeledi mo matlhoñ aotlhe; le eōna kgōbō ea batho ba gagwè o tla e tlosa mo lehatshiñ yeotlhe hèla; gonne Yehofa o le boletse. Me go tla buiwa mo letsatsiñ yeuō go twe, Bōnañ, Modimo oa rona, ko ōna o; re nntse re o lebeletse, o tla re boloka; eo, ke èna Yehofa; re nntse re mo lebeletse; re tla itumèla re ipela mo polokeñ ea gagwè.”

Yoh. 5:28, 29: “Se gakgamaleleñ mo: gonne lobaka loè tla, lo botlhe ba ba mo diphupuñ ba tla utlwañ lencwe ya gagwè ka lona, Me ba tla cwa; ba ba dihileñ molemō ba cwèle cogeloñ ea botshelō; me ba ba dihileñ boshula ba cwèle cogeloñ ea tshekishō.”

Yoh. 11:25, 26: “Yesu a mo raea, a re, Ke nna cogō le botshelō; eo o dumèlañ mo go nna, leha a shwa, leha go nntse yalo o tla tshela; Me leha e le mañ eo o tshelañ, a ba a dumèla mo go nna, ga a ketla a shwa gopè. A mo ua go dumèla?”

Pes. 146:5, 9: “Go segō èna . . . eo cholohèlō ea gagwè e leñ mo go Yehofa, Modimo oa gagwè: . . . O tshegetsa khutsana le mosadi eo o motlholagadi.” (Gone jaanong Modimo o na le kamego e e lorato ka ba ba hutsafetseng.)

Bona gape Luke 7:11-16; 8:49-56.

Go batho ba ba lebaneng le POGISO ka ntlha ya go dira thato ya Modimo—

Pes. 27:10: “Gonne rrè le mmè ba ntatlhile, me Yehofa o tla nchola.”

1 Pet. 4:16: “Ha motho a boga botlhoko ka a le Mokeresete, a a se tlhaywe ke ditlhoñ; me a galaletsè Modimo mo leineñ ye.”

Dia. 27:11: “Morwaaka u tlhalehè, me u ipedisè pelo ea me, gore ke tlè ke hetolè èna eo o nkgōbañ.” (Ka boikanyego re baakanyetsa ka karabo mo tatofatsong ya maaka ya ga Satane ya gore ga go ketla go nna le ope yo o tla tswelelang go direla Modimo fa a boga bothata jo bogolo.)

Math. 5:10-12: “Go segō ba ba bogisedicweñ tshiamō: gonne bogosi yoa legodimo ke yoa bōnè. Le segō mogañ batho ba lo kgobañ, ba lo bogisa, ba lo pateletsa boshula boñwe le boñwe, ka ntlha ea me. Itumeleñ, lo bo lo ipelè thata: gonne tuèlō ea lona e kgolo kwa legodimoñ: gonne ba bogisitse hèla yalo baperofeti ba ba neñ ba le pele ga lona.”

Dit. 5:41, 42: “[Baaposetoloi] ba cwa ha pele ga lekgotla, ba itumèla ka ba kailwe chwanèlō ea go tlotlololwa ka ntlha ea Leina. Me ka malatsi aotlhe, mo tempeleñ le mo ma ga bōnè, ba se ka ba bakèle go ruta, le go rèra Yesu ha e le Keresete.”

Bafil. 1:27-29: “A mokgwa oa lona oa botshelō e nnè o o chwanetseñ Mahoko a a Molemō a ga Keresete . . . Lo sa boihisiwe mo go sepè ke baganetsi: mo e leñ seshupō se se bōnalañ sa tatlhègō mo go bōnè, me mo go lona sa polokō, e e bileñ e le e e cwañ mo Modimoñ; Gonne lona lo neilwe kaga Keresete, e señ go dumèla mo go èna go le gosi, me le gōna go utlwisiwa botlhoko ka ntlha ea gagwè.”

Go bao ba feletsweng ke tshepo ka ntlha ya TSHIAMOLOLO—

Pes. 37:10, 11: “E tla re kwa pelenyana, moikepi a bo a sa tlhole a le gōna: E, u tla sekaseka helō ga gagwè ka tlhōahalō, me èna o tla bo a seeō. Me bapelonomi ba tla rua lehatshe; ba tla inatehisa mo letlotloñ ya kagishō.”

Isa. 9:6, 7: “Gonne ñwana re mo tsalecwe, ñwana oa mosimane re mo neilwe; me pushō e tla nna mo lerudiñ ya gagwè: me leina ya gagwè le tla bidiwa Kgakgamaco, Mogakolodi, Modimo Mothata, Rara oa Bosakhutleñ, Kgōsana ea Kagishō. Ga go tota ga pushō ea gagwè, le ga kagishō ga go ketla go nna le bokhutlō, a le mo setuloñ sa bogosi sa ga Dafide, le mo bogosiñ yoa gagwè go bo tlhōmamisa, le go bo tshegetsa ka katlholō le ka tshiamō, go tloga gompieno go ea bosakhutleñ. Tlhōahalō ea ga Yehofa oa mashomōshomō e tla dihatsa selō se.”

Dan. 2:44: “Me e tla re mo metlheñ ea dikgosi tseuō, Modimo oa legodimo o tla tlhōma bogosi yo bo se ketlañ bo señwa gopè, me le mmushō oa yōna ga o ketla o tlogèlèlwa chaba e sele, me bo tla thubaganya bo nyèlètsa magosi auō aotlhe, me bo tla èma ka bosakhutleñ.”

Bona gape Isaia 32:1, 2; 2 Petere 3:13.

Go bao ba gateletsweng ke MATHATA A ITSHOLELO—

Isa. 65:21, 22: “Me ba tla aga matlo, ba nna mo go aōna: ba tla tlhōma masimo a mafine, ba ya mauñō a aōna. Ga ba ketla ba aga, me go nne o sele; ga ba ketla ba tlhōma me go ye o sele: . . . me baitshenkedwi ba me ba tla ya tihō ea diatla tsa bōnè ka monate, ka lobaka lo loleele.”

Pes. 72:8, 16: “[Kgosi ya Bomesia] o tla na le pushō go cwa lewatleñ le go ea lewatleñ, le go cwa Nokeñ le go ea dikhutloñ tsa lehatshe. Go tla nna letlōtlō ya mabèlè mo lehatshiñ, mo ditlhoeñ tsa dithaba.”

Math. 6:33: “Batlañ pele bogosi yoa gagwè, le tshiamō ea gagwè; me dilō cotlhe [dilo tse di tlhokafalelang botshelo] tse lo tla di okelediwa.”

Bar. 8:35, 38, 39: “Mañ eo o tla re kgaoganyañ le loratō loa ga Keresete? A ke pitlaganō, kgotsa tlalèlō e e mahèhè, kgotsa pogishō, kgotsa tlala, kgotsa bosaikatègañ, kgotsa poitshègō, kgotsa chaka? Gonne kea tlhōmamisa, go re, go le losho, go le botshelō, go le baengele, go le magōsana, go le dilō tse di leeoñ, go le dilō tse di tla tlañ, go le dinonohō, Go le bogodimo, go le boteñ, leha e ka bo e le sebopiwa señwe se sele, ga go ketla go nonoha sepè go re kgaoganya le loratō loa Modimo, lo lo mo go Keresete Yesu Morèna oa rona.”

Bona gape Bahebera 13:5, 6.

Go batho ba ba kgobegileng marapo ka ntlha ya DITLHAELO tsa bone—

Pes. 34:18: “Yehofa o gauhi le ba ba pelo e phatlogileñ, o boloka ba ba mōea o o ñomogileñ.”

Pes. 103:13, 14: “Yaka rra bana a tla a utlwèle bana ba gagwè botlhoko, Yehofa le èna o tlhomogèla ba ba mmoihañ pelo yalo. Gonne o itse popègō ea rona, o gakologecwe ha re le lorole hèla.”

Neh. 9:17: “U Modimo o o maichwarèlō; u pelo chweu, u tletse bopelotlhomogi, u bonya go galeha, me u letlōtlō ya boutlwelō botlhoko.”

2 Pet. 3:9, 15: “[Jehofa] ga a bonya kaga polèlō ea gagwè ea choloheco, yaka bañwe ba tle ba kaee bonya; me o pelotelele mo go lona, a sa rate gore opè a shwè, ha e se gore botlhe ba tlè mo boikwatlhaoñ. Me lo kaeè, go re, bopelotelele yoa Morèna ke poloka.”