Mabaka a Rona a go Ipela

1. Re na le mabaka’a go’ipela,

A tshwana le khumo’e kgolo.

Phuthegong tsa rona go tletse

Batho ba merafe yotlhe.

Boipelo jwa rona bo theilwe,

Mo Lefokong la Modimo.

Re rutwa ke lone ka metlha,

Le re tiisa mo tumelong.

Re na le mabaka a mantsi,

A go nna re itumetse.

Le fa re lebana le teko,

Jah o re fa boitshoko.

2. Re’ipelela popo ya gagwe,

Magodimo le lefatshe.

Fa re ntse re lebile popo,

Re mmaka ka ntlha ya yone.

Re naya bosupi ka ene,

Lego rera ka Bogosi.

Dikgang tsa gore bo a busa,

Di rerwa lefatsheng lotlhe.

Jaanong nako e gorogile,

Ya go ipelela ruri.

Mo lefatsheng la Paradaise

Re’ipela ka bosakhutleng.