Leba Kwa Mokgeleng!

1. Fa ’fofu di bona gape

Bosusu ba utlwa gape,

Dikaka di nna le metsi,

Le naga yotlhe e ungwa,

Ditlhotsa di tla tlolaka,

Batho ba tshelela ruri,

O tla bona tseno tsotlhe,

Fa o leba kwa mokgeleng.

2. Fa ’mumu di bua gape,

Lebatsofe ba ntšhafala,

Fa ’fatshe le ungwa thata

Le ntsha maungo a mantle,

Fa bana ba itumetse,

Go rena kagiso ’fatsheng,

O tla bona tsogo’a baswi,

Fa o leba kwa mokgeleng.

3. Fa phiri e fula le nku,

Bera e fula le kgomo,

Mosimane a di disa,

Mme di reetsa lentswe la ’gwe.

Fa selelo se fedile,

Go se poifo le botlhoko,

O tla bona tseno tsotlhe,

Fa o leba kwa mokgeleng.