“Bolela Ngwaga wa Kamogelo wa ga Jehofa”

“Ngwaga wa kamogelo wa ga Jehofa” ga se ngwaga wa mmatota

61:1, 2

• Ke nako e ka yone Jehofa a nayang batho tshono ya go tsibogela molaetsa wa gagwe wa kgololesego

• Mo lekgolong la ntlha la dingwaga, ngwaga wa kamogelo o ne wa simologa ka 29 C.E. fa Jesu a ne a simolola bodiredi jwa gagwe mme o ne wa tswelela pele go fitlha ka “letsatsi la pusoloso” la ga Jehofa ka 70 C.E. fa Jerusalema e senngwa

• Mo motlheng wa rona, ngwaga wa kamogelo o simolotse ka 1914 fa Jesu a tlhomiwa go nna kgosi kwa legodimong mme o tla fela ka pitlagano e kgolo

Jehofa o segofatsa batho ba gagwe ka “ditlhare tse dikgolo tsa tshiamo”

61:3, 4

• Gantsi ditlhare tse ditelele thata mo lefatsheng di gola mmogo mo sekgweng gore di kgone go tshegetsana

• Medi ya tsone e ka tswa e logagane, mme seno se dira gore ditlhare di kgone go emelana le diphefo tsa matsubutsubu

• Ditlhare tse ditelele di sireletsa dimela ka moriti wa tsone, mme matlhare a a wang mo ditlhareng tseno a nontsha mmu

Maloko otlhe a a mo phuthegong ya Bokeresete mo lefatsheng lotlhe a solegelwa molemo ke tshegetso le tshireletso ya “ditlhare tse dikgolo tsa tshiamo,” e leng batlodiwa