THUTO 4

Buelela Temana Pele o e Bala

Mathaio 22:41-45

KGANGKGOLO: Baakanya megopolo ya bareetsi pele o bala temana.

Akanya ka lebaka la go bo o bala temana. Pele o bala temana, dira gore bareetsi ba bone ntlha e o batlang go e tlhalosa mo temaneng eo.

Akanya ka ditemana tse di dikologileng temana e o e buelelang. Fa o buelela temana le go tlhalosa gore ke mang a buang mo go yone kgotsa gore ke mang mokwadi wa buka eo ya Baebele, tlhomamisa gore se o se buang se boammaaruri.
Bontsha gore se o se buang se tswa mo Baebeleng. Fa o bua le batho ba ba dumelang mo Modimong, ba bontshe gore Baebele ke Lefoko la Modimo. Fa o dira jalo o tla bo o bontsha gore ke yone fela e ka re thusang go nna botlhale.
Dira gore bareetsi ba kgatlhegele temana e o e balang. Botsa potso e temana eo e tla e arabang, umaka bothata jo temana eo e tla bo rarabololang kgotsa umaka molaomotheo o temana eo e tla thusang bareetsi go o tlhaloganya.

Akanya ka se bareetsi ba se itseng ka kgang eo kgotsa temana eo. Buelela temana e ba setseng ba e itse ka tsela e e kgatlhang e bile o ba thuse go tlhaloganya botoka ntlha nngwe mo go yone.