Tshedimosetso e e Boammaaruri Le e E Tlhatswang Pelo

Luke 1:3

KGANGKGOLO: Dirisa tshedimosetso e e ikanyegang go thusa bareetsi gore ba fitlhelele tshwetso e e siameng.

KAFA O KA DIRANG SEO KA GONE:

• Dirisa metswedi ya tshedimosetso e e ikanyegang. Tlhomamisa gore se o se buang se tswa mo Lefokong la Modimo mme o le bale ka tlhamalalo fa go kgonega. Fa e le gore o bua ka kgang nngwe ya saense, pego nngwe ya dikgang, maitemogelo kgotsa bosupi jo bo tlaleletsang se o se buang, tlhomamisa gore tshedimosetso eo ke ya bosheng le gore motswedi wa yone o a ikanyega.

• Dirisa tshedimosetso sentle. Tlhomamisa gore tsela e o tlhalosang temana ka yone e dumalana le ditemana tse di e dikologileng, molaetsa wa Baebele le dikgatiso tsa “motlhanka yo o boikanyego le yo o botlhale.” (Math. 24:45) Fa o dirisa tshedimosetso e e sa tsweng mo dikgatisong tsa rona, o se ka wa fetola bokao kgotsa wa bua selo se se farologaneng le se mokwadi a se buang.

• Ntsha mabaka a a utlwalang. Fa o fetsa go bala temana kgotsa go nopola tshedimosetso nngwe, botsa dipotso kgotsa dira setshwantsho se se tla thusang bareetsi go fitlhelela tshwetso e e siameng.