Mabaka a Rona a go Ipela

1. Re na le mabaka’a go’ipela,

A tshwana le khumo’e kgolo.

Phuthegong tsa rona go tletse

Batho ba merafe yotlhe.

Boipelo jwa rona bo theilwe,

Mo Lefokong la Modimo.

Re rutwa ke lone ka metlha,

Le re nonotsha tumelo.

Fa re tlhagelwa ke mathata

Le fa re le mo ditekong

Jehofa o tla re tshegetsa

Le go re fa boitshoko.

2. Re’ipelela popo ya gagwe,

’Tiro ya diatla tsa gagwe

Fa re ntse re lebile popo,

Re bona maatla a gagwe

Re naya bosupi ka ene,

Le go rera ka Bogosi.

Dikgang tsa gore bo a busa,

Re di rera ’fatsheng lotlhe

Nako e setse e fitlhile

Ya go nna re itumetse

Mo lefatsheng la Paradaise

Re tshela ka bosakhutleng.