Mokgwa wa go Bona Tsela wa Nonyane ya Bar-Tailed Godwit

TSELA e nonyane ya bar-tailed godwit e fudugang ka yone e gakgamatsa go feta ditsela tsotlhe tsa go fuduga tse di dirisiwang ke dinonyane tse dingwe tse di itsegeng. Mosepele wa nonyane eno wa dikilometara di le 11 000 o ka tsaya malatsi a feta a le robedi.

Ela Tlhoko: Babatlisisi ba akanya gore mefuta mengwe ya dinonyane e dirisa maatla a lefatshe a a jaaka a makenete (magnetic field) go di thusa go bona tsela, jaaka e kete di na le khampase mo bobokong. Go ka direga gore nonyane ya godwit e kgona go bona tsela le ka go dirisa letsatsi fa go le motshegare le go dirisa dinaledi fa go le bosigo. Gape go lebega nonyane ya godwit e kgona go utlwa fa go tlile go nna le sefefo, mme e thusiwa go fofa ke phefo e e tlang e setse sefefo seo morago. Le fa go ntse jalo, baitse ba sa ntse ba ipotsa gore dinonyane tseno di kgona jang go tsaya maeto a tsone a a gakgamatsang. Moitsethutotshelo e bong Bob Gill a re: “Ke na le dingwaga di le 20 ke di ithuta mme di sa ntse di njesa kgakge.”

O Akanya Eng? A mokgwa wa go bona tsela wa nonyane ya bar-tailed godwit o nnile gone ka boone fela? A kgotsa o ne o tlhamilwe?