LEBOKOSE LA GO RUTA 20A

Go Kgaoganngwa ga Lefatshe

Tsela e Esekiele a ileng a tlhalosa ka botlalo gore lefatshe le tlile go kgaoganngwa jang, e ile ya netefaletsa Bajuda gore ba tla boela kwa lefatsheng la bone le ba le ratang. Re ka ithuta eng mo ponatshegelong eno? Ela tlhoko dintlha tse pedi tsa ponatshegelo eno.

Mmapa o o bontshang melelwane ya lefatshe le Baiseraele ba neng ba le neilwe. Le kgaogantswe ka go lekalekana go tswa kwa bokone go ya kwa borwa, go simolola ka Dana, Ashera, Nafetali, Manase, Eferaime, Rubene, Juda, Karolo e e Ntshitsweng e le Moneelo, Benjamine, Simeone, Isakare, Zebulone le Gada.

Mongwe le mongwe o botlhokwa

Mojuda mongwe le mongwe yo a neng a tswa kwa botshwarwa o ne a tla nna le boswa kwa Lefatsheng le le Solofeditsweng. Ka tsela e e tshwanang, batlhanka ba ga Jehofa botlhe gompieno ba nna mo lefatsheng la tshwantshetso. Le fa re ka tswa re akanya gore ga re dire go le kalo mo phuthegong, re tshwanetse go nna re gopotse gore se re se dirang se botlhokwa. Rotlhe re botlhokwa mo go Jehofa.

Lefatshe le kgaoganngwa ka go lekalekana

Mo ponatshegelong e Esekiele a ileng a e bona, mongwe le mongwe o ne a tla itumelela dijo tse Lefatshe le le Solofeditsweng le neng le di ntsha. Ka tsela e e tshwanang, batlhanka ba ga Jehofa ba itumelela masego a a tshwanang mo paradaiseng ya tshwantshetso.

Boela kwa kgaolo 20, serapa 5-11