Founga ke Ngāueʻaki Ai ʻa e Kiʻi Tohí Ni

ʻI he ngaahi peesi hoko maí, te ke maʻu ai ha konga folofola ki he ʻaho taki taha pea mo e fakamatala ʻi he konga tohi ko iá. Neongo ʻe lava ke lau nai ʻa e konga tohí mo e ngaahi fakamatalá ʻi ha faʻahinga taimi pē, ʻoku ʻiloʻi ʻe he tokolahi ʻoku ʻaonga ke lāulea ki ai ʻi he pongipongí. ʻE lava leva ke nau fakakaukau ki he ngaahi fakakaukau ko iá ʻi he kotoa ʻo e ʻahó. Ko e lāulea fakafāmili ki he konga tohí ʻoku mātuʻaki ʻaonga. ʻOku fai pehē ʻa e ngaahi fāmili Pēteli takatakai ʻi he māmaní ʻi he taimi kai pongipongí.

Ko e ngaahi fakamatalá ʻoku toʻo ia mei he ngaahi ʻīsiu Taua Leʻo (w) ʻo ʻEpeleli 2021 ki Maʻasi 2022. Ko e ngaahi mataʻifika ʻoku hoko atu ʻi he ʻaho ʻo e ʻīsiu ʻo e Taua Leʻo ʻoku ʻuhinga ia ki he (ngaahi) peesi ʻo e ʻīsiú pea toki hoko ai ʻa e (ngaahi) palakalafí ʻa ia ʻe maʻu ai ʻa e fakamatalá. (Sio ki he fakatātā ʻi laló.) Ko ha fakamatala lahi ange fekauʻaki mo e kaveingá ʻe lava ke maʻu ia ʻi he kupú tonu.