Ko ha Fakaafe ki ha Malanga Makehe
ʻE Lava Ke Ke Ongoʻi Malu ʻi he Māmani Faingataʻa ko Ení!
Ko e malanga Fakatohitapu ko eni maʻá e kakaí ʻe fakahoko takatakai ia he māmaní ʻi he ngaahi fonua laka hake ʻi he 230. ʻI he ngaahi feituʻu lahi, ʻe fakahoko ai ʻa e malangá ʻi he Sāpate, ʻEpeleli 15, 2007. Ko e hā te ke akó? Ko e fakatātaá, fakakaukau ange ki hení:
Ko e hā kuó ne fakatupunga ʻa e laui piliona takatakai he māmaní ke nau ongoʻi taʻemalú?
Tautefito ki he taimi fē naʻe pulia atu ai ʻa e ongoʻi malú?
Ko fē pea ʻe lava fēfē ke maʻu ʻa e malu moʻoní?
ʻIlo ʻa e ngaahi talí ʻaki ʻa hono maʻu ʻa e malanga Fakatohitapu mahuʻinga ko ení ʻa ia ʻe fakahoko ʻi he ngaahi feituʻu ʻe laui mano. ʻI he ngaahi tuʻunga lahi tahá, ʻe fakahoko ia ʻi he Fale Fakatahaʻanga fakalotofonua ʻo e Kau Fakamoʻoni ʻa Sihová. Ko e Kau Fakamoʻoni ʻi ho feituʻú te nau fiefia ke ʻoatu kiate koe ʻa e taimí mo e tuʻasilá. ʻOku mau fakaafeʻi loto-moʻoni atu koe ke ke maʻu ʻa e malanga Fakatohitapu taimi totonu mo fakalototoʻa ko ení.