PULUSINGA AKO

KUPU AKO

▪ Ki he Faʻahinga ʻOku ʻOfa kia Sihová, “ʻOku ʻIkai ha Tukiaʻanga”

Ko e kau Kalisitiane kotoa pē ʻoku nau ʻi ha lova ki he pale ʻo e moʻui taʻengatá. Ka koeʻuhí ʻoku tau taʻehaohaoa, ʻoku tau tūkia kotoa pē. ʻE fakamatalaʻi ʻi he kupu ko ení ʻa e ngaahi meʻa ʻe nima ʻe lava ke ne ʻai kitautolu ke tau tūkia. ʻE toe fakamatalaʻi ai ʻa e founga ʻe lava ke tau fakaʻehiʻehi ai mei he ngaahi meʻa ko ení koeʻuhí kae lava ke tau ikuna ʻa e lová.

▪ ʻOkú Ke Maʻu ‘ha Loto ke Iloʻi’ ʻa Sihova?

ʻOku lahi ʻa e ngaahi meʻa ʻi he tohi ʻa Selemaiá ke tala mai fekauʻaki mo e lotó. ʻE tokoniʻi kitautolu ʻe he kupu ko ení ke tau sio ko e hā ʻa e ‘loto taʻekamu’ pea mo e founga ʻe hoko nai eni ko ha fakatuʻutāmaki ki he kau Kalisitiané. Pehē foki, ʻe lava fēfē ke tau maʻu ‘ha loto ke iloʻi’ ʻa Sihova?—Selemaia 9:26; 24:7, PM.

▪ ʻI he “Hoko ʻo ʻIloʻi ʻa e ʻOtuá”—Pea Hā Leva?

Ko e hā ʻa e ngaahi sitepu te tau fou ai ʻa ia ʻe lava ke tau hoko ʻo ʻiloʻi ai ʻa e ʻOtuá pea hoko ʻo ʻiloʻi ʻe ia? ʻOku anga-fēfē pea ko e hā hono ʻuhinga ʻoku totonu ai ke tau hanganaki fai ha fakalakalaka, neongo kapau kuo tau hoko ko ha Kalisitiane ʻi ha taimi fuoloa? ʻE tokoniʻi koe ʻe he kupú ni ke tali ʻa e ongo fehuʻi ko ení.

▪ Ko Sihova—ʻA Hotau Nofoʻangá

ʻOku tau moʻui ʻi ha māmani ʻoku fehiʻa ʻia kitautolu, ka ʻoku ʻikai fiemaʻu ke tau manavahē. ʻOku fakahaaʻi mai kia kitautolu ʻi he kupu ko ení ʻoku maluʻi maʻu pē ʻe Sihova ʻene kakaí.

▪ Fakalāngilangiʻi ʻa e Huafa Lahi ʻo Sihová

ʻOku ʻuhinga ki he hā ʻa e ʻilo ki he huafa ʻo e ʻOtuá? ʻOku ʻuhinga ki he hā ʻa e ʻaluʻaki ʻa e huafa ko iá? Pea ʻoku anga-fēfē ongoʻi ʻa e ʻOtuá fekauʻaki mo e faʻahinga ʻoku nau taʻefakaʻapaʻapaʻi hono huafá? ʻE tali ʻi he kupú ni ʻa e ngaahi fehuʻi ko ení.