PULUSINGA AKO

KUPU AKO

▪ Fakahoko Ho Ngafa ko ha ʻEvangelioó

Ko e hā ʻa e ʻuhinga ʻo e hoko ko ha ʻevangelioó? ʻOku tali ʻe he kupu ko ení ʻa e fehuʻi ko iá pea fakahaaʻi ʻa e ʻuhinga ʻoku fiemaʻu ai ke ʻilo ʻe he kakaí ʻa e ongoongo leleí. ʻOku toe fakamatalaʻi ai ʻa e founga ʻe lava ke tau fai ai ʻetau lelei tahá ʻi he tuʻunga ko e kau ʻevangelioó.

▪ ʻOkú Ke “Faivelenga Maʻá e Ngaahi Ngāue Leleí”?

ʻOku fakamatala ʻi he kupu ko ení ko e taimi ko ia ʻoku tau ‘faivelenga ai maʻá e ngaahi ngāue leleí,’ ʻe lava ke tau ʻai ai ʻa e niʻihi kehé ke nau loto ke ʻilo fekauʻaki mo e ʻOtuá. (Tai. 2:14) Ko e founga ʻe taha ʻoku tau fai ai ení ʻoku fakafou ia ʻi heʻetau ngāue fakamalangá. Ko e founga ʻe tahá ʻoku fakafou ia ʻi hotau ʻulungaanga faka-Kalisitiane leleí.

▪ Fakaivimālohiʻi Hoʻo Nofo Malí ʻAki ʻa e Fetuʻutaki Lelei

▪ Mātuʻa, Fānau—Fetuʻutaki ʻi he ʻOfa

Kapau ʻoku loto ha husepāniti mo ha uaifi ke na maʻu ha nofo mali fiefia pea fiefia ʻi heʻena moʻui fakafāmilí, kuo pau ke na ako ke fetuʻutaki lelei. Ko e ʻuluaki kupú ʻoku fakamatala ai fekauʻaki mo e ngaahi ʻulungaanga ʻe lava ke ne tokoniʻi kitautolu ke tau fetuʻutaki leleí. Ko e kupu hono uá ʻoku fakamatala ai ki he founga ʻe lava ke solova ai ʻe he ngaahi mātuʻá mo e fānaú ʻa e ngaahi palopalema ʻi he fetuʻutakí.

▪ Maluʻi Ho Tofiʻá ʻAki Hono Fai ha Fili Fakapotopoto

Ko e hā ʻa e tofiʻa kuo talaʻofaʻaki ʻe he ʻOtuá ki he kau Kalisitiané? Ko e hā ʻe lava ke tau ako fekauʻaki mo hotau tofiʻá mei he anga ʻo e vakai ʻa ʻĪsoa ki hono tofiʻá? Ko e hā te ne tokoniʻi kitautolu ke tau fai ʻa e ngaahi fili fakapotopoto pea maluʻi ʻa hotau tofiʻá? Ko e ngaahi fehuʻí ni ʻoku tali ia ʻi he kupu ko ení.