Ko e Hā ʻOku Leaʻaki ʻe he Tohi Tapú?

ʻOku tau moʻui “ʻi he ngaahi ʻaho fakaʻosí”?

Ko e hā te ke leaʻakí?

• ʻIo

• ʻIkai

• Mahalo Pē

Meʻa ʻoku leaʻaki ʻe he Tohi Tapú

“ʻI he ngaahi ʻaho fakaʻosí ʻe ʻi heni ai ʻa e ngaahi taimi fakalilifu ʻa ia ʻe faingataʻa ke fekuki mo ia.” (2 Tīmote 3:1) Ko e kikite Fakatohitapú, fakataha mo e ngaahi meʻa ʻoku lolotonga hokó ʻoku fakapapauʻi ai ko hotau taimí ʻoku “ʻi he ngaahi ʻaho fakaʻosí.”

Ko e hā te tau toe ako mei he Tohi Tapú?

• Ko e ngaahi ʻaho fakaʻosí ʻe fakaʻilongaʻi ʻaki ha ngaahi tau, ngaahi honge, ngaahi mofuike mo e ngaahi mahaki fakaʻauha.—Mātiu 24:3, 7; Luke 21:11.

• ʻI he lolotonga ʻo e ngaahi ʻaho fakaʻosí, ʻe tofanga ʻa e sōsaieti ʻo e tangatá ʻi ha faingataʻa lahi fakaeʻulungaanga mo ha tō lalo fakalaumālie.—2 Tīmote 3:2-5.

Ko e hā ʻoku tuku tauhi mai ʻi he kahaʻú maʻá e faʻahinga ʻo e tangatá?

ʻOku tui ʻa e kakai ʻe niʻihi . .  ko e ngataʻanga ʻo e ngaahi ʻaho fakaʻosí ko hono fakaʻauha ʻa e foʻi māmaní mo e meʻa kotoa pē ʻi aí, lolotonga ia ʻoku ʻamanaki ʻa e niʻihi ʻe ʻalu ke lelei ange ʻa e tuʻungá. Ko e hā hoʻo fakakaukaú?

Meʻa ʻOku Leaʻaki ʻe he Tohi Tapú

“Ko haʻa fai totonu te nau maʻu ʻa e fonua, pea te nau nofo ai ʻo tuputupuʻa.”​—Saame 37:29.

Ko e hā te tau toe ako mei he Tohi Tapú?

• Ko e ngaahi ʻaho fakaʻosí ʻe fakangata ia ʻaki hono toʻo atu ʻa e kotoa ʻo e fulikivanú.​—1 Sione 2:17.

• Ko e foʻi māmaní ʻe liliu ia ko ha palataisi.​—ʻAisea 35:1, 6.