Meʻa ʻi Lotó

Ki he kakai ʻa Sihová, kuo hoko maʻu pē ʻa e hivá ko ha konga mahuʻinga ʻo e lotú. Kae kehe, ʻoku ʻikai ongoʻi fiemālie ʻa e niʻihi ke hiva ʻi he lotolotonga ʻo e kakaí. ʻE lava fēfē ke tau hiva fakahīkihiki kia Sihova mo e loto-maʻu? ʻOku ʻomai ʻi he kupu ko ení ʻa e ngaahi ʻuhinga lelei ke tau hiva fiefia ai pea ʻomai mo e ngaahi fokotuʻu ʻe niʻihi ki he founga ke fakaleleiʻi ai hotau leʻó ʻi he hivá.

ʻE lava ke tau ako ʻa e ngaahi lēsoni mātuʻaki mahuʻinga mei he fokotuʻutuʻu ʻo e ngaahi kolo hūfanga ʻi ʻIsileli ʻo e kuonga muʻá. ʻI he ʻuluaki kupú, sio ki he founga ʻe hūfanga ai ʻa e kau faiangahalá ʻia Sihova he ʻaho ní. ʻI he kupu hono uá, sio ki he tokoniʻi kitautolu ʻe he faʻifaʻitakiʻanga ʻa Sihová ke tau fakamolemoleʻi ʻa e niʻihi kehé, fakaʻapaʻapaʻi ʻa e moʻuí, pea tōʻongaʻaki ʻa e fakamaau totonú.

Ko e ongo kupu ko ení ʻoku makatuʻunga ia ʻi he tohi naʻe fakamānavaʻi ʻa Paula ke ne hiki ki he kau Kalisitiane ʻi Kolosé. Ko e kupu ʻuluakí ʻoku fakamatala ai ki he meʻa ke fai ʻi heʻetau fanongo ki he ngaahi fakakaukau fakamāmani ʻoku hā ngali ʻuhinga lelei. Ko e kupu hono uá ʻoku fakamatala ai ki he founga ʻe lava ke tau talitekeʻi ai ʻa e ngaahi fakakaukau ʻe lava ke ne taʻofi kitautolu mei hono maʻu ʻa e ngaahi tāpuaki ʻa Sihová.