Puha Fehuʻi

◼ Ko e hā ʻa e founga totonu ki hono lau ʻo e kau maʻu fakatahá?

Naʻe tali ʻa e fehuʻi ko ʻení ʻi he Our Kingdom Service ʻo Siulai 1979, ʻa ia naʻe ʻomai ai ʻa e ngaahi tataki ko ʻení:

ʻOku totonu ke lau ʻa e kakai lalahi kotoa pē. Pea ko e hā ʻa e taʻumotuʻa ʻo e fānaú koeʻuhi ka nau kau ai ʻi he laú? Naʻe ʻikai ke fokotuʻu mai ha taʻumotuʻa pau. Ka, ʻo kapau ʻoku tui ʻa e kau fakanofonofó ʻoku maʻu ʻe he kiʻi tamá ha ʻaonga pea ʻokú ne ako mei he fakatahá, naʻa mo ha tuʻunga fakangatangata, ʻoku totonu ke kau ia ʻi he laú. Ko ia, neongo ʻoku ʻikai nai ke fuʻu tokanga ʻa e fānau īkí ʻi he kotoa ʻo e fakatahá, kapau ʻoku nau maʻu ha ʻaonga pea ako ha meʻa, ʻoku totonu ke lau mo kinautolu. (Nehe. 8:2) ʻOku fakapotopoto moʻoni ʻa e ngaahi mātuʻá ʻi hono akoʻi ʻenau fānaú ke nau tokanga, kae ʻikai ko hano ʻomai ha ngaahi tohi tā valivali pe ngaahi meʻa kehe ke ne taʻofi ai ʻa e fānaú mei he fanongó mo e akó.

ʻI he ngaahi ʻasemipilií, kapau ʻoku malava ʻe ha faʻahinga ke fanongo ki he polokalamá pea ʻoku nau maʻu ʻi ha vahaʻa taimi ha ʻaonga mei ai, ʻoku totonu ke lau kinautolu, neongo ʻoku ʻikai te nau tangutu. Ko ia ai, ʻoku fakalototoʻaʻi ʻa e tokotaha kotoa pē ke ne tangutu pea fiefia kakato ʻi he polokalamá, ʻo fakahaaʻi ʻa e fakaʻapaʻapa totonu ki he meʻa ʻoku ʻomai mei he peletifōmú.

ʻOku fokotuʻu mai ko hono lau ʻo e tokolahí ke fai ia he lolotonga ʻo e konga fakamuimui ʻo e fakatahá.