Ngaahi Fakataha Ngāue ki ʻEpeleli

Uike Kamata ʻEpeleli 5

Hiva 129

10 min: Ngaahi fanongonongo fakalotofonua. Fai ha fakamatala ki he ngaahi makasini ʻoku lolotonga maʻú, ʻo fakaeʻa ʻa e ngaahi kupu ʻoku mahuʻinga tefito nai ʻi ho kauhalá. Fokotuʻutuʻu ki ha ongo meʻa malanga, ko ha tokotaha taʻumotuʻa ange mo ha tokotaha kei siʻi ange, ke na fai ha fakahāhā nounou ʻo ngāueʻaki ʻa e Tohitapú.

15 min: “Ko e Taua Leʻo​—Meʻakai Fakalaumālie ʻi he Taimi Totonu.” Fehuʻi mo e tali. Fakakau ki ai mo e fakamatala ki he fiemaʻu ke ʻi ai ha mahuʻingaʻia moʻoni ki muʻa pea toki tuʻuaki atu ʻa e ngaahi tukuhaú. ʻOku kau ki he mahuʻingaʻia moʻoní ʻa e loto-lelei ke fetalanoaʻaki pea fakahā ha fakakaukau, ko ha kau ki he fetalanoaʻakí, ko ha anga-fakakaumeʻa, ko ha loto-lelei ke muimui ʻi hono lau ʻa e ngaahi konga Tohitapú, pea mo ha tali ke toe foki ange ʻo toe fai ʻa e fetalanoaʻakí. (km 5/90 p. 8) ʻOku faʻa lelei taha ke toe foki mo e ngaahi makasiní ʻi ha ngaahi taimi ke fakapapauʻi ʻa e mahuʻingaʻiá ki muʻa pea toki tuʻuaki atu ha tukuhau māhina ʻe ono.

20 min: “Fakahoko Atu mei he Tulekí ki he Ngaahi Tohi Kehé.” Fehuʻi mo e tali. Fakakau ki ai mo e ngaahi fakahāhā fuonounou ʻo makatuʻunga ʻi he ngaahi fokotuʻu ʻi he palakalafi 2-6. Lave ki he ngaahi poini ʻi he kiʻi puha “Manatuʻi ke Ngāueʻaki ʻa e Ngaahi Polosiuá.”

Hiva 14 mo e lotu tuku.

Uike Kamata ʻEpeleli 12

Hiva 42

10 min: Ngaahi fanongonongo fakalotofonua. Lave ki ha ngaahi meʻa tuʻu-ki-muʻa naʻe hokosia ʻo fekauʻaki mo e Fakamanatú. Fakalototoʻaʻi ʻa e kau malangá kotoa ke nau ngāue fakataha mo ʻenau ngaahi kulupú ʻi he fakaʻosinga ʻo e uiké ni.

20 min: “Ngaahi Toe Foki Faingofua mo Ola Lelei.” Fetalanoaʻaki mo e kau fanongó. ʻAi ha fakahāhā ke fakahā ʻa e anga ʻo hono kamata ha fetalanoaʻaki ʻi ha toe foki. Fakamanatu ki he faʻahinga kotoa ʻa e fiemaʻu ke fakahā ki he tokotaha-ʻapí ʻo fekauʻaki mo honau monū ke tokoni ki he ngāue ʻi māmani lahí. Fai ha ngaahi fokotuʻu fekauʻaki mo e meʻa ke leaʻakí. Ko e fakamatalá ni ʻoku hā ʻi he peesi 2 ʻo e Ko e Taua Leʻo: “Ko e konga eni ʻo ha ngāue fakaeako Tohitapu ʻi māmani lahi ʻa ia ʻoku poupouʻiʻaki ʻa e ngaahi tokoni loto-fiefoaki.” ʻE lava ke ngāueʻaki ha ngaahi kupuʻi lea meimei tatau mo eni.

15 min: Puha Fehuʻi. Ko ha malanga fakalototoʻa mo pau ʻe fai ʻe he ʻovasia ngāué pe ko ha taha kehe ʻo e kau mātuʻá ʻa ia naʻá ne ngāue ko ha taaimuʻa fakataimi. Fakaʻekeʻeke ha toko taha pe toko ua ʻo e kau malangá ʻoku ngāue taaimuʻa ʻi he taimi ki he taimi.

Hiva 149 mo e lotu tuku.

Uike Kamata ʻEpeleli 19

Hiva 222

10 min: Ngaahi fanongonongo fakalotofonua mo e Ngaahi Fanongonongo feʻungamālie mei he Ko ʻEtau Ngāue Fakafaifekau ʻo e Puleʻanga. Fai ʻa e fakamatala paʻangá mo ha fakamālō ki ha tokoni. Lau ʻa e Luke 6:​38, pea fakaongoongoleleiʻi ʻa e fakatahaʻangá ʻi heʻenau nima-homo ʻi hono poupouʻi ʻa e ngāue ʻi māmani lahí pea pehē ki he ngaahi fiemaʻu ʻa e fakatahaʻanga fakalotofonuá.

20 min: “Tokoniʻi ʻa e Kau Foʻoú ke Laka Ki Muʻa.” Ko ha fetalanoaʻaki ʻa ha faiako fakakulupu ʻe toko ua pe toko tolu. ʻI he hili ʻenau lave ki he ngaahi meʻa tefito ʻi he kupú, fakamatalaʻi ʻa e ngaahi fokotuʻutuʻu kuo fai ke ngāueʻaki fakalotofonua ʻa e ngaahi fokotuʻu ʻoku fai maí. ʻE anga-fēfē ʻetau tokoniʻi ʻa e kau mahuʻingaʻia foʻou naʻa nau maʻu ʻa e Fakamanatú? Ko e hā ʻa e ngaahi fiemaʻu kuo pau ke aʻusia ʻe he kau foʻoú kapau ʻoku nau loto ke kau ʻi he ngāue fakamalangá? Ko e hā ʻoku malava ke fai ke tokoniʻi ha faʻahinga kuo tōmokosi ʻenau ngāue fakamalangá? ʻE anga-fēfē hano fakalototoʻaʻi kotoa ke kau kakato ki ai ʻi he māhina taki taha? Ko e hā ʻa e tokoni ʻe lava ke fai ʻe he kau malanga mālohi angé ʻi hono tokoniʻi ʻa e niʻihi kehé?​—Loma 15:​1, 2.

15 min: “Tau O ki he Fale ʻo Sihova.” Fehuʻi mo e tali ʻi he palakalafi 1-8 ʻo e konga fakalahí. Lave nounou ki he ngaahi meʻa tefito ʻi he ngaahi tohi ʻoku lave ki ai ʻi he palakalafi 7. ʻAi ha tokotaha malanga taukei ke ne fakahāhā ʻa e anga hono tokoniʻi ha tokotaha foʻou ke mahino ki ai ʻa e ʻuhinga ʻoku fakatahatahaʻi ai kitautolu ki he ngaahi fakatahaʻangá. (w84 11/1 p. 15 palakalafi 6, 7) Lave ki he ngaahi tafaʻaki ʻo ʻetau ngaahi fakatahá ʻoku mātuʻaki kehekehe mo e ngaahi feingalotu ʻa Puleʻanga-Haʻa-Kalisitiané. Fakalototoʻaʻi ʻa e faʻahinga ʻoku nau fai ʻa e ngaahi ako Tohitapú ke nau fai ha fakamatala nounou ʻi he uike taki taha ʻo fakataumuʻa ke tokoniʻi ʻa e tokotaha akó ke tupulaki ha mahuʻingaʻia lahi ange ʻiate ia ki he kautahá pea mo e fiemaʻu ke ne hoko ko ha konga ʻo iá.

Hiva 207 mo e lotu tuku.

Uike Kamata ʻEpeleli 26

Hiva 163

10 min: Ngaahi fanongonongo fakalotofonua mo e ʻŪ Ongoongo Fakateokalati. Fakaafeʻi ha niʻihi ke nau lave ki heʻenau ngaahi hokosia fekauʻaki mo ʻenau fakalahi ʻenau kau ki he ngāue fakamalangá he lolotonga ʻo e māhina ko ení, ʻo hangē ko e hoko ko e taaimuʻa fakataimi, ko hono kamata ha ngaahi ako Tohitapu foʻou, pe ko hono tokoniʻi ʻa e kau mahuʻingaʻia naʻa nau maʻu ʻa e Fakamanatú.

15 min: “Fanauʻi Foʻou.” Ko e tohi Reasoning, peesi 76-80. Fakahāhā ke fai ʻe he toko ua ʻo e kau malangá ʻokú na fetaulaki mo ha taha ʻi he ngāue fakamalangá ʻo ne ʻeke ange kiate kinaua, “Kuo fanauʻi foʻou kimoua?” Ke fai ʻe he ongo malangá ha tali ʻi he taha ʻo e ngaahi founga ʻoku fokotuʻu ʻi he peesi 79-80. ʻI he hili iá, ʻe fetalanoaʻaki ʻa e ongo malangá ki hono fai ha toe foki ʻo ngāueʻaki ʻa e ngaahi poini mei he ngaahi konga Tohitapu ʻi he palakalafi 1-3 ʻi he peesi 78.

20 min: “Tau O ki he Fale ʻo Sihova.” Fehuʻi mo e tali ʻi he palakalafi 9-14 ʻo e konga fakalahí. ʻI hono ngāueʻaki ʻa e ngaahi fokotuʻu ʻi he palakalafi 12 mo e 13, ʻai ha tokotaha malanga ke ne fakahāhā ʻa e founga ke lea ai ki ha taha ʻoku toumoua.

Hiva 120 mo e lotu tuku.