Ngaahi Fakataha Ngāue ki ʻAokosi
Uike Kamata ʻAokosi 1
Hiva 159
15 min: Ngaahi fanongonongo fakalotofonuá mo e Ngaahi Fanongonongo mei he Ko ʻEtau Ngāue Fakafaifekau ʻo e Puleʻanga. Fakahāhā ʻa e ngaahi poini mahuʻinga ʻi he ngaahi makasini ʻoku lolotonga maʻu ʻe malava ke nguaeʻaki ʻi he ngāue fakamalanga ʻi he fakaʻosinga ʻo e uike ní.
15 min: “Tauhi Maʻu ha Fakakaukau Pau.” Fehuʻi mo e tali. Fakaʻekeʻeke fuonounou ha tāimuʻa pe ko ha tokotaha kuo fuoloa ʻene kau ki he malanga ʻa ia te ne lave ki he anga ʻoku malava ia ke tauhi maʻu ha fakakaukau pau neongo ʻa e loto-noa pe fakafepaki ʻi hotau kauhala.
15 min: “Ngaahi Polosiua—Ko e Ngaahi Meʻangāue Mahuʻinga ki he Ngāue Fakamalanga.” Fetalanoaʻaki mo e kau fanongo. Fokotuʻutuʻu ha ongo fakahāhā ʻosi teuteuʻi lelei ʻi he ongo tuʻuaki kuo fokotuʻu mai, lave ki he totonu ke lave ki he meʻa ʻoku fekauʻaki mo e tokoni ki he ngāue ʻi māmani lahi. Fakaʻaliʻali ʻa e ngaahi polosiua ʻe niʻihi ʻe ngāueʻaki ʻi ʻAokosi. Fakamanatu ki he kau fanongo ke nau ʻave haʻanau ngaahi tatau ke ngāueʻaki ʻi he ngāue fakamalanga ʻi he uike ní.
Hiva 142 mo e lotu tuku.
Uike Kamata ʻAokosi 8
Hiva 216
10 min: Ngaahi fanongonongo fakalotofonuá. ʻŪ Ongoongo Fakateokalati.
15 min: “ʻIlo Lelei ʻa Ho Ngaahi Tokouá.” Fehuʻi mo e tali. Fakaafeʻi ʻa e kau fanongo ke nau lave fuonounou pē ki he ngaahi meʻa kuo hokosia ʻoku hā ai ʻa e anga ʻo ʻenau malava ke maheni lelei ange mo e niʻihi kehe ʻi hono ngāueʻaki ʻa e ngaahi fokotuʻutuʻu ʻi he palakalafi 6.
20 min: Fai Lahi Ange ʻa e Fakamoʻoni ʻIkai ʻi he Founga Anga Maheni. Ko ha kulupu ʻo ha kau malanga ʻe toko tolu pe toko fā ʻoku nau fetalanoaʻaki ki he anga ʻo hono fakalahi ʻo ʻenau kau ki he ngāue ko ʻeni. Ngāueʻaki ʻa e Taua Leʻo ʻo ʻOkatopa 15, 1987, peesi 22-7, ʻoku nau toe sio ki he meʻa naʻe fai ʻe he niʻihi kehé mo talanoa ʻo fekauʻaki mo e anga ʻo ʻenau palani ke fai ke lahi ange ʻa e ngāue ko ʻeni. Fakalototoʻaʻi ʻe he tokotaha-sea ʻa e kau fanongo ke nau tokanga ki he founga ʻe malava ai ke nau kau ki he ngāue ko ʻeni.
Hiva 182 mo e lotu tuku.
Uike Kamata ʻAokosi 15
Hiva 166
5 min: Ngaahi fanongonongo fakalotofonuá, kau ai mo e fakamatala paʻanga mo ha tohi fakamālō mei he Sōsaieti.
15 min: “Fakatupulekina ʻa e Fie Fanongó ʻi he Ngaahi Toe ʻAʻahí.” Fetalanoaʻaki mo e kau fanongo. Fakakau ki ai mo ha ongo fakahāhā taki miniti ʻe 3 ʻo fakahā ai ʻa e anga ʻo e tuʻuaki ʻe ngāueʻaki ʻi he ngaahi toe ʻaʻahi. Fakalototoʻaʻi ʻa e ngaahi feinga ke kamata ha ngaahi ako Tohi Tapu.
25 min: “Ke ʻAʻeva Fakalakalaka ʻi ha Founga Maau.” Fehuʻi mo e tali
Hiva 96 mo e lotu tuku.
Uike Kamata ʻAokosi 22
Hiva 218
15 min: Ngaahi fanongonongo fakalotofonua. “Polokalama Fakataha ʻAho Makehe Foʻou.” Fanongonongo ʻa e ʻaho ki he fakataha ʻaho makehe hono hoko kapau kuo maʻu mo fakalototaʻi katoa ke fai ha ngaahi palani ke kau ki ai.
15 min: “ʻOku Malava Fēfē Ke u Ofi ki he ʻOtua?” Fakahāhā ʻo e ako fakafāmili. Fetalanoaʻaki ʻa e ongo mātuʻa ʻi he fakamatala ʻi he vahe 39 ʻo e tohi ko e Young People Ask mo e fānau ʻi he ako fakafāmili. Lave ki he kaveinga tokoni ko e “Publicly Declaring Your Friendship With God,” peesi 315-18. ʻOku lāunga ʻa e fānau ʻo fekauʻaki mo ʻenau ongoʻi mā ʻi he ʻalu mei he fale ki he fale mo fakamatala ko e ngaahi fakataha ia ko e toe lau fakamanatu pē pea ʻoku fuʻu vāvāofi hono fai. ʻOku feinga ʻa e ongo mātuʻa ke fakalotoʻi kinautolu ʻi ha founga anga-ʻofa, mo fakahā ʻa e ngaahi tefitoʻi moʻoni faka-Tohitapu ʻoku nau fakahā ko e ngaahi ngāue ko ʻeni ʻoku ʻikai ke ala tuku ia ʻo kapau ʻoku nau fie tauhi maʻu ʻa e fetuʻutaki lelei mo Sihova.
15 min: Ngaahi fiemaʻu fakalotofonuá. Pe fai ha malanga ʻi he kupu ko e “Intensely Occupied With the Good News” ʻi he Taua Leʻo (faka-Pilitānia) ʻo Siulai 1, 1991, peesi 28-30.
Hiva 184 mo e lotu tuku.
Uike Kamata ʻAokosi 29
Hiva 199
13 min: Ngaahi fanongonongo fakalotofonuá. Fakahā ʻa e ngaahi fokotuʻutuʻu ngāue fakamalanga makehe ki Sēpitema 5. Fakaʻekeʻeke ha toko taha pe toko ua ʻo e kau malanga ʻoku malava ke tāimuʻa fakataimi pe fakalahi atu ʻena ngāue ʻi he ngaahi māhiná ni. Lave ki ha ngaahi fiefia naʻe hokosia.
15 min: “Te Ke Lava ʻo Toe Kau ki he Tāimuʻa?” Fetalanoaʻaki mo e kau fanongo. Fakakau ki ai mo ha ngaahi meʻa naʻe hokosia fakalotofonua ʻo hā ai ha tokotaha kuo malava ke ne toe kau ki he ngāue tāimuʻa pe ko e anga ʻo e fetokoniʻaki ha fāmili ke tokoniʻi ha mēmipa ʻo e fāmili ke ne ngāueʻaongaʻaki ʻa e monū ko ʻeni.
17 min: Tuʻuaki ʻa e Tohi Moʻui Taʻengata he Lolotonga ʻo Sēpitema. Fakalototoʻaʻi ʻa e ngaahi feinga loto-māfana ke tuku ʻa e tohi ko ʻeni mo kamata ha ngaahi ako ʻi Sēpitema. Naʻe tuku ange mai ʻi he 1982 ʻi he faka-Pilitania pea ʻi he lea faka-Tonga ʻi he 1993 pea talu mei ai kuo ngāueʻaki ko e meʻangāue tefito ia ki hono fai ʻo e ngaahi ako Tohi Tapu. Ko e pōpoaki ʻeni naʻe ʻi he ngaahi tatau naʻe tuku atu ʻi he ngaahi fakataha fakavahe: “ʻOku ʻi he tohi foʻou ko ʻeni ki he ako ʻa e ngaahi meʻa pē ko ia kuo fiemaʻu ke tokoni ki he niʻihi tokolahi ke nau maʻu ʻa e ʻamanaki tatau mo kitautolu. . . . ʻOku ʻi ai kotoa ʻa e ngaahi moʻoni mahuʻinga faka-Tohitapu ʻoku fiemaʻu ki he kau foʻou ke nau maʻu ʻa e mahino koeʻuhi ke nau fakatapuʻi ʻa ʻenau moʻui kia Sihova pea ke nau tauhi fakahōifua kiate ia.” Ko e ngaahi ola kuo fakahā ʻi he tupulekina ʻa e kau malanga mei he toko 2,652,323 ʻi he 1983 ki he 4,709,889 ʻi he 1993. Fakaafeʻi ha niʻihi ke lave ki he anga ʻo ʻenau ako ki he moʻoni ʻi heʻenau ako ʻa e tohi ko ʻeni pe ko e anga ʻo ʻenau tokoni ki he niʻihi kehe ʻaki ʻa ʻenau ako ʻi he tohi mo kinautolu. Fakatatau ki he taimi, fakahā ʻa e poini ʻi he ngaahi tafaʻaki kehe ʻo e tohi ʻe malava ke fakaeʻa ʻi hono tuʻuaki ʻa e tohi, mo fai ha fakamanatu ʻa e monū ʻo e tokotaha ʻapi ke fai ha kiʻi tokoni ki he ngāue ʻi māmani lahi.
Hiva 161 mo e lotu tuku.