Ngaahi Fakataha Ngāue ki Sanuali
Uike Kamata Sanuali 2
Hiva 195
5 min: Ngaahi fanongonongo fakalotofonua mo e Fanongonongo kuo filifili mei he Ko ʻEtau Ngāue Fakafaifekau ʻo e Puleʻanga.
20 min: “Tauhi-Sipi ʻOku Fakatupu Langa Haké.” Malanga ke fai ʻe ha tokotaha ʻo e kau mātuʻá ʻo makatuʻunga mei he fakamatala ʻi he kaveinga tokoni ʻi he peesi 21-23 ʻi he tatau ʻo e The Watchtower ʻo Sepitema 15, 1993. Fakaeʻa ʻa e akonaki Fakatohitapú ke tokoni ʻi he fekuki mo e ngaahi palopalemá.
20 min: “Ngāueleleiʻaki ʻa e Polosiua ‘Vakai!’” Fetalanoaʻaki mo e kau fanongó. Fokotuʻutuʻu ha fakahāhā fuonounou ʻe taha pe ua ʻi he ngaahi founga malanga ʻoku fokotuʻu maí.
Hiva 212 mo e lotu tuku.
Uike Kamata Sanuali 9
Hiva 157
15 min: Ngaahi fanongonongo fakalotofonua. Fakamatala paʻangá. Fakamanatu ʻa e ngaahi meʻa mahuʻinga ʻi he polosiua ʻI he Mate ha Taha ʻOkú Ke ʻOfa Ai. (Sio ki he Ko ʻEtau Ngāue Fakafaifekau ʻo e Puleʻanga ʻo ʻOkatopa 1994, peesi 7.) Fakalototoʻaʻi kotoa ke ʻave ha ngaahi tatau ke tuʻuaki atu ʻi heʻene feʻungamālié.
15 min: “Founga Hono Fokotuʻutuʻu ha Laipelí.” Ko ha malanga ʻo makatuʻunga mei he Watchtower ʻo Nōvema 1, 1994, peesi 28-31.
15 min: ʻOkú Ke Mateuteu ke Fehangahangai mo ha Poleʻi ʻo e Tuí ʻi ha Tuʻunga Fakafaitoʻo? Ko ha malanga fakatupu loto-māfana ʻe fai ʻe ha mātuʻa alafua ke tokoni ki he ngaahi tokouá ke nau houngaʻia ʻi he mahuʻinga ʻo e maluʻi ʻoku fai ʻe he kaati Advance Medical Directive/Release, ʻo ngāueʻaki ʻa e ngaahi poini mei he palakalafi 1-3 ʻo e fakalahi ʻo e Ko ʻEtau Ngāue Fakafaifekau ʻo e Puleʻanga ʻo Nōvema 1990. Tufa ʻa e ngaahi kaati foʻoú ki he kau malanga ʻosi papitaisó pē, pea lave ki he tohi fakahinohino ki hono fakafonu ʻo e ngaahi kaatí, ʻo ʻOkatopa 15, 1991. Fakahā ki he ngaahi tokouá ke ʻOUA te nau fakafonu ʻa e kaatí ʻi he poó ni ka nau ō mo ia ki ʻapi, fai ha lotu mo vakaiʻi ʻa ʻenau fiemaʻú, pea toki fakafonu leva. Kae ʻOUA ʻE FAKAMOʻONI HINGOA leva ʻi he kaatí. ʻOmai ʻa e kaati kuo ʻosi fakafonú ki he Ako Tohi ʻa e Fakatahaʻangá, ʻa ia ʻe tokoni ai ʻa e kau mātuʻá ki hono vakaiʻi ʻa e ngaahi kaatí ke fakamoʻoni hingoa ki aí, fakamoʻoni hingoa ki ai mo ha fakamoʻoni kehe, pea fokotuʻu mo e ʻahó. ʻE ngāueʻaki ʻe he faiako ʻi he Ako Tohi ʻa e Fakatahaʻangá ha fakahokohoko totonu ke fakapapauʻi ko e tokotaha kotoa ʻi heʻene kulupú kuo nau fai ʻa e meʻá ni. (ʻE lava ke tokoni ʻa e ngaahi mātuʻa kuo ʻosi papitaisó ki hono fakafonu ʻa e ngaahi Identity Card ki heʻenau fānaú.) Ko ha taha te ne liʻaki ʻa e ako tohi ko iá ʻe lava ke kei tokoniʻi pē ʻe he kau faiako pe kau mātuʻa ʻi he Fakataha Ngāue hono hoko maí kaeʻoua ke fakafonu totonu kotoa ʻe he kau malanga ʻosi papitaisó ʻa ʻenau ngaahi kaatí mo fakamoʻoni hingoa ki ai. ʻOku totonu ki he kau mātuʻá ke nau ʻai ha fakahokohoko ʻo e faʻahinga kotoa ʻoku kei toé pea feinga ke fakakakato ʻa e ngaahi kaatí hono kotoa ʻi he faingamālie vave tahá.
Hiva 51 mo e lotu tuku.
Uike Kamata Sanuali 16
Hiva 42
10 min: Ngaahi fanongonongo fakalotofonua. Fetalanoaʻaki ki he ngaahi poini mahuʻinga mei he ngaahi makasini fakamuimui tahá. Fakalototoʻaʻi kotoa ke kau ki he ngāue fakamalangá ʻi he fakaʻosinga ʻo e uike ní.
18 min: “Fakahā ʻa e Fakaʻatuʻi ki he Niʻihi Kehé—Konga 1.” Fehuʻi mo e tali. Kau ki ai mo e ngaahi fakamanatu ʻo fekauʻaki mo e fiemaʻu ki he kau mātuʻá ke nau ngāue fakataha kotoa ki hono vakaiʻi ʻa e ʻató, ngāue fakapalamá, mo e ngaahi meʻa fakaʻuhilá, mo e ngaahi tokonaki ki he maluʻi ʻo e Kingdom Hall ke monomono fakalelei.—Sio ki he Ko ʻEtau Ngāue Fakafaifekau ʻo e Puleʻanga ʻo Nōvema 1984, peesi 4, mo e Ko ʻEtau Ngāue Fakafaifekau ʻo e Puleʻanga ʻo Tīsema 1985, peesi 6.
17 min: “Fakahā Hoʻo Tokangá ʻaki ʻa Hono Fai ha Ngaahi Toe ʻAʻahi.” Ko ha kau malanga ʻe toko tolu pe fā ke nau fetalanoaʻaki ki he taumuʻa mo e mahuʻinga ʻo hono fai ʻo e ngaahi toe ʻaʻahí. Fakamamafaʻi ʻa e kolo ko hono kamata ha ngaahi ako. Toe lave ki he ngaahi tuʻuaki naʻe fokotuʻu maí. ʻAi ha fakahāhā ʻe taha pe ua, ko ha kau malanga ke nau fai ʻa e fakaongoongoleleiʻi mo e ngaahi fokotuʻu ke fai ha fakaleleiʻi.
Hiva 207 mo e lotu tuku.
Uike Kamata Sanuali 23
Hiva 163
5 min: Ngaahi fanongonongo fakalotofonua.
20 min: Ngaahi fiemaʻu fakalotofonua, pea kapau ʻoku feʻungamālie, fakakau ai mo e fetalanoaʻaki ki he feituʻu ʻoku tātātaha hono ngāueʻí. Toe lave ki he tohi ʻi Sanuali 1, 1995. Fakalototoʻaʻi ʻa e kau malangá ke nau kole kei taimi ki muʻa ki ha ngāue ʻoku nau fiefai. Kapau ʻoku ʻi ai ha kau malanga ʻoku nau fietokoni ʻi he ngaahi feituʻu ngāue ʻo e ngaahi fakatahaʻanga ofi maí, ʻoku totonu ke fai ʻa e fetuʻutaki ki he ʻovasia fakafeituʻú ʻo fakafou ʻi he Kōmiti Ngāue ʻa e Fakatahaʻangá.
20 min: “Ako Fakafoʻituitui—Ko ha Meʻa ke Fakakaukauʻi.” Fehuʻi mo e tali. Fakakau ai mo e ngaahi fakamatala kuo filifili mei he Watchtower ʻo Sune 15, 1985, peesi 8-13.
Hiva 27 mo e lotu tuku.
Uike Kamata Sanuali 30
Hiva 195
10 min: Ngaahi fanongonongo fakalotofonua. Ongoongo Fakateokalati.
17 min: “Tupulekina Maʻu Pē ʻi he Ngāué.” Fehuʻi mo e tali. Fokotuʻutuʻu ha fakaʻekeʻeke fuonounou ʻe ua pe tolu ʻo e kau malanga femoʻuekiná, ʻo hangē ko e taha ʻo e kau mātuʻá, ko ha uaifi, pe ha tāimuʻa; kole kiate kinautolu ke nau fakamatala pe ʻoku anga-fēfē ʻa ʻenau malava ke tauhi maʻu ha taimi-tēpile kakato pea mo kei tauhimaʻu.
18 min: Tuʻuaki ʻa e Tohi Moʻui Taʻengata ʻi Fēpueli. Fakamatala ki he ʻuhinga ʻoku fiemaʻu ai ki he kakaí ke nau maʻu ʻa e fakamatala ʻoku ʻi he tohi ko ʻení. (Sio ki he Watchtower ʻo ʻEpelei 1, 1988, peesi 25-26, palakalafi 17, 18.) Lave fuonounou ki he ngaahi meʻa naʻe hokosia ʻo hā ai ʻa e houngaʻia naʻe fakahāhā ʻe he faʻahinga loto-totonu naʻa nau lau iá. (Sio ki he Watchtower ʻo Sepitema 1, 1989, peesi 32, mo e Watchtower ʻo Tīsema 1, 1991, peesi 32.) Fai ha ngaahi fokotuʻu ʻo fakahā ai ʻa e anga ʻo haʻatau kamata nai ha ngaahi ako Tohi Tapu mo e kau mahuʻingaʻia ʻa ia naʻa tau tuku ai ʻa e tohi Moʻui Taʻengata. ʻAi ha tokotaha malanga alafua ke ne fakahāhā fuonounou ʻa e tuʻuaki hono ua ʻi he kaveinga “Moʻui pe Fiefia” ʻi he tohi Reasoning, peesi 13. Pe ngāueʻaki ha tuʻuaki kehe ʻoku feʻunga mo e kauhala fakalotofonuá. Fakamanatu ki he kau fanongó ke nau ʻave ha ngaahi tohi ke ngāueʻaki ʻi he ngāue fakamalanga ʻi he uike ní.
Hiva 56 mo e lotu tuku.