Ngaahi Fakataha Ngāue ki Siulai
Uike Kamata Siulai 3
Hiva 42
10 min: Ngaahi fanongonongo fakalotofonua mo e Fanongonongo kuo filifili mei he ʻEtau Ngāue Fakafaifekau ʻo e Puleʻanga.
17 min: “Hanganaki ‘Leʻo.’” Fehuʻi mo e tali.
18 min: “Ngāueʻaki ha Ngaahi Polosiua Kehekehe ʻi Hoʻo Ngāue Fakafaifekaú.” Fetalanoaʻaki mo e kau fanongó ki he ngaahi tuʻuaki kuo fokotuʻu maí. Fai ha fakamatala nounou fekauʻaki mo e ngaahi meʻa mahuʻinga ʻoku fakaeʻa ʻe he ngaahi polosiuá. ʻAi ha fakahāhā ʻe ua pe tolu ke fakahā ʻa e founga ʻe malava ai ke tuʻuaki ʻaki iá.
Hiva 212 mo e lotu tuku.
Uike Kamata Siulai 10
Hiva 56
10 min: Fanongonongo fakalotofonua. Fakamatala paʻangá.
15 min: “ʻOku Langaʻi Fakalaumālie Kitautolu ʻe he Ngaahi Fakamanatu ʻa Sihová?” Fehuʻi mo e tali.
20 min: ʻAi ʻa e Ngaahi Faingamālié ke Faifakamoʻoni Ai. Ko e tokolahi ʻo kitautolu ʻoku ʻi ai ʻa e faingamālie ke folau ʻi he fekauʻaki mo e ngaahi fakatahalahí mo e ngaahi ʻaho mālōloó, pea ko e ngaahi faingamālie lelei ia ke fai ai ʻa e fakamoʻoni ʻikai ʻi he founga anga-mahení. Ngāueʻaki ʻa e School Guidebook, peesi 80-82, palakalafi 11-16, fakamanatu ʻa e ngaahi fokotuʻu ki he founga ke kamata ai ha ngaahi fetalanoaʻaki mo e faʻahinga foʻoú. Fakahā ʻa e founga ʻoku tokoni ai ʻa e teuteu ki muʻá ke maʻu ai ha ngaahi ola lelei. ʻAi ʻa e kau malanga kehekehe ʻe toko tolu ke nau fakahāhaaʻi nounou ʻa e founga ke kamata ai ha fetalanoaʻaki mo ha tokotaha ngāue he pausá, ha pāsese ʻoku ʻi he meʻalele fakapuleʻanga, mo ha tokotaha ʻokú ne tuʻu laine ki he fale koloá. Fakamanatu ki he kau malangá ke tauhi ha lēkooti ʻo e faʻahinga ʻoku fakahā ha mahuʻingaʻiá pea fokotuʻutuʻu ke ʻai ha tokotaha ke fetuʻutaki kiate kinautolu ʻamui ange.
Hiva 84 mo e lotu tuku.
Uike Kamata Siulai 17
Hiva 195
10 min: Fanongonongo fakalotofonua.
20 min: “Fai ha Ngaahi Toe ʻAʻahi ki he Polosiua Kotoa Pē Naʻe Tufá.” Ko e tokoua kuo vaheʻi ki ai ʻa e konga ko ʻení te ne fetalanoaʻaki mo e kau malanga kehe ʻe toko tolu ki he ʻuhinga ʻoku mahuʻinga ai ke toe foki kiate kinautolu kotoa pē ʻoku mahuʻingaʻia naʻe tuku ai ʻa e ngaahi tohí. Te nau fakamanatu ʻa e ngaahi tuʻuaki kuo fokotuʻu atú pea fefakahāhāʻaki ʻa e founga ʻe lava ke ngāueʻaki ai iá.
15 min: Ko Hono Fai ha Ako Tohitapu ʻi ʻApi. Ko ha malanga ke fai ʻe ha mātuʻa ʻokú ne fai ha ngaahi ako ʻoku fakalakalaka ki muʻa. Fakalototoʻaʻi ha feinga lahi ke kamata ha ngaahi ako Tohitapu. Fakamanatu ʻa e ngaahi fokotuʻu ʻoku hā ʻi he Organized to Accomplish Our Ministry, peesi 89-91. ʻE lava pē nai ke fakakau atu mo ha ngaahi hokosia fakalotofonua.
Hiva 98 mo e lotu tuku.
Uike Kamata Siulai 24
Hiva 123
10 min: Fanongonongo fakalotofonua. Fakamanatu ʻa e “Polokalama ʻAsemipilī Fakafeituʻu Foʻou.”
15 min: Ngaahi fiemaʻu fakalotofonua. Pe fai ha malanga ʻi he “Ko Hono Fakahā ʻa e ʻOfa faka-Kalisitiane ki he Kau Taʻumotuʻá,” ʻo makatuʻunga ʻi he Watchtower ʻo ʻAokosi 1, 1994, peesi 27-30.
20 min: Ko e Hā ʻe Fakakaukau ki ai ʻa e Ngaahi Kaungāʻapí? Malanga mo e fakahāhā ʻo makatuʻunga ʻi he Watchtower ʻo ʻEpeleli 1, 1974, peesi 201-203. Fai ha malanga ki he ʻuhinga ʻoku faʻa tenge ai kitautolu ʻe hotau ngaahi kaungāʻapi fakaemāmaní. (Lave ki he peesi 201 mo e ʻuluaki palakalafi ʻi he peesi 202.) Pea fai ha fakahāhā ʻo fakahā ai ha ongo meʻa mali taukei ʻi ha ako Tohitapu mo ha fāmili mahuʻingaʻia foʻou ʻa ia ʻoku faʻa fakamanaʻi ʻe he ngaahi kaungāʻapi fakaemāmani ʻoku nau fakafepaki ki hono ako ʻa e Tohitapú mo e Kau Fakamoʻoni ʻa Sihová. (Lave ki he ngaahi poini tefito ʻi he konga ʻoku toe ʻi he kupu ko iá.) Fakamamafaʻi ʻa e ngaahi ʻuhinga ʻoku totonu ai ki he fāmili mahuʻingaʻia foʻoú ke ʻoua ʻe hoko ʻo lotosiʻi pe foʻi.
Hiva 168 mo e lotu tuku.
Uike Kamata Siulai 31
Hiva 135
10 min: Fanongonongo fakalotofonua. Ongoongo Fakateokalati.
15 min: “Hoko ʻo Fakatupu Langa Hake.” Fetalanoaʻaki mo e malanga ʻe fai ʻe ha mātuʻa.
20 min: Fakamanatu ʻa e Tohi ke Tuʻuaki ʻi ʻAokosí. Lave ki he ngaahi polosiua peesi 32 ʻe lava ke ngāueʻakí. Fakaafeʻi ʻa e kau malangá ke nau fakamatala ki he ngaahi meʻa mahuʻinga naʻa nau hokosia ʻi heʻenau tuʻuaki ʻa e ngaahi polosiuá lolotonga ʻo Siulaí.
Hiva 162 mo e lotu tuku.