Fanongonongo

◼ Tohi ke tuʻuaki ʻi ʻEpeleli mo Mē: Ko e ngaahi tatau ʻo e Ko e Taua Leʻo mo e Awake! fakatouʻosi. ʻE toe lava ke ngāueʻaki ha faʻahinga polosiua pē ʻi he ngaahi kauhala ʻoku toutou ngāueʻí. ʻI hono maʻu ha mahuʻingaʻia ʻi he ngaahi toe ʻaʻahí, ʻe lava ke tuʻuaki ʻa e ngaahi tukuhaú. Sune: Making Your Family Life Happy. Siulai mo ʻAokosi: Ko ha taha pē ʻo e ngaahi polosiua peesi ʻe 32: Ko e Puleʻanga Te ne ʻOmai ʻa e Palataisí, Moʻui Fiefia ʻi he Māmaní ʻo Taʻengata!, “Vakai! ʻOku Ou Fakafoʻou ʻa e Meʻa Kotoa Pe,” ʻI he Mate ha Taha ʻOkú Ke ʻOfa Ai, mo e ʻOku Totonu Ke Ke Tui ki he Tolu-Tahaʻi-ʻOtua? Kapau ʻoku feʻungamālie, ʻe lava ke tuʻuaki nai ʻa e polosiua Laumālie ʻo e Kau Maté​—ʻOku Malava ke Nau Tokoniʻi Koe pe Uesia Koe? ʻOku Nau ʻI Ai Moʻoni?

◼ Kapau ʻoku ʻaonga, ʻoku totonu ki he kau mātuʻá ke nau fai ha ngaahi fokotuʻutuʻu ki he fakatahaʻangá ke fakamoleki ʻa e taimi lahi ange ʻi he faifakamoʻoni ʻi he efiafí.

◼ Ko e ngaahi fakamatalá ni ʻokú ne ʻomai ʻa e founga hono fetongi ʻo e ngaahi kaati Pioneer Service Identification. Ko hono fetongi ʻo e ngaahi kaati ʻa e kau tāimuʻa ʻoku hikí, liliu honau hingoá, mole ʻenau kaatí, pe kole ke liliu ʻa e vāhenga-ngāué ʻe ʻomai ia ʻe he Sōsaietí. Ko e ngaahi liliu ʻo e hingoá pea mo e vāhenga-ngāué ʻe fakahoko ia ʻe he sekelitalí ʻaki hono hiki ʻa e fakamatala feʻungamālie ʻi he tafaʻaki ki mui ʻo e Congregation Report (S-1) ki he māhina. Ko ia ai, ʻe ʻoatu ʻe he Sōsaietí ki he fakatahaʻangá ʻa e ngaahi kaati foʻou ki he kau tāimuʻá. ʻE ʻomai maʻu pē ʻa e meʻá ni fakataha mo e fakamatala fakamāhiná. Kapau ʻoku ʻi ai ha ngaahi liliu, ʻoku totonu ke ʻoatu leva ia ki he Sōsaietí ʻi he vave tahá koeʻuhi ke lava ʻo tauhi ʻemau ngaahi failé ke moʻoni mo totonu. Pehē foki, ʻi he taimi ʻoku ʻikai ke hokohoko atu ai ha tāimuʻa ʻi he ngāue ko iá pe toʻo mei ai, ko ha tatau ʻo e foomu S-206 ʻoku totonu ke fakafonu pea ʻoatu ia ki he Sōsaietí ʻo ʻoua ʻe toe toloi.

◼ Ko e ngaahi fakaʻekeʻeke kotoa pē ʻo fekauʻaki mo e ngaahi ʻaho pea mo e ngaahi feituʻu ki he ngaahi fakataha-lahi fakavahe ʻi he ngaahi fonua kehé ʻoku totonu ke fakahangatonu ia ki he ngaahi ʻōfisi vaʻa taki taha. Ko e ngaahi tuʻasila ʻo e ngaahi ʻōfisi vaʻa takatakai ʻi māmaní ʻoku maʻu ia ʻi he peesi fakamuimui ʻo e Yearbook.