Ngaahi Fakataha Ngāue ki Siulai
Uike Kamata Siulai 1
Hiva 48
12 min: Ngaahi fanongonongo fakalotofonua. Fanongonongo kuo filifili mei he ʻEtau Ngāue Fakafaifekau ʻo e Puleʻanga. Fakamatalaʻi ʻa e lipooti ngāue fakamalanga ʻo ʻEpeleli ki he fonuá mo e fakatahaʻanga ʻi ho koló.
15 min: “Ko Hono Fakahoko ʻEtau Tukumoʻuí ʻi he ʻAho ki he ʻAho.” Fehuʻi mo e tali. Fakakau atu ki ai ʻa e ngaahi fakamatala mei he Insight, Voliume 2, peesi 1162, palakalafi 6-7, ʻo fakahā ai ʻa e ʻuhinga ko ha fatongia mamafa ha tukumoʻui.
18 min: “Faʻifaʻitaki kia Sihova ʻAki ʻa e Tokanga Moʻoni ki he Niʻihi Kehé.” (Palakalafi 1-3) Ngāueʻaki ʻa e ʻuluaki palakalafí ke ne langaʻi hake ʻa e kaveinga ʻo e kupú. Fakapapauʻi pe ko fē ʻa e ngaahi polosiua ʻoku lolotonga ʻi he sitoka ʻa e fakatahaʻangá ʻe tali lelei nai ʻi ho feituʻú. Fakamanatu pē ʻa e palakalafi 2-3, pea fakahā ʻa e founga ʻe lava ke ngāueʻaki ai ʻi he ʻuluaki ʻaʻahí mo e toe ʻaʻahí ʻa e polosiua “Vakai! ʻOku Ou Fakafoʻou ʻa e Meʻa Kotoa Pe.” Fakahā ʻa e founga ʻe faʻu nai ai ʻe he kau malangá haʻanau tuʻuaki pē ʻa kinautolu ki ha toe polosiua ʻe taha ʻe feʻungamālie ki he feituʻu fakalotofonuá. Fakakau atu ki ai ʻa e ngaahi fokotuʻu ki he ngaahi tokoni ki he ngāue ʻi māmani lahí ʻoku tali fiefia.
Hiva 135 mo e lotu tuku.
Uike Kamata Siulai 8
Hiva 204
10 min: Ngaahi fanongonongo fakalotofonua. Fakamatala paʻangá.
15 min: “Faʻifaʻitaki kia Sihova ʻAki ʻa e Tokanga Moʻoni ki he Niʻihi Kehé.” (Palakalafi 4-5) Fetalanoaʻaki pē he palakalafi 4-5 mo e niʻihi ʻo e ngaahi meʻa mahuʻinga ʻo e polosiua ʻI he Mate ha Taha ʻOkú Ke ʻOfa Ai. Fakahāhaaʻi leva ʻa e ngaahi tuʻuaki ʻoku fokotuʻu ki he ʻuluaki ʻaʻahí mo e toe ʻaʻahí.
20 min: “ʻOku Fiemaʻu ʻa e Ngaahi Tokoua Lahi Ange ʻi he Ngāue Tāimuʻá.” Fehuʻi mo e tali. Fakatatau ki he taimí, fakamanatu ʻa e ngaahi fokotuʻu ʻi he founga ke tokanga ai ki he ngaahi fiemaʻu fakapaʻangá, ʻa ia ʻoku fakamatalaʻi ʻi he Watchtower ʻo Sepitema 15, 1993, peesi 28-31.
Hiva 107 mo e lotu tuku.
Uike Kamata Siulai 15
Hiva 162
10 min: Ngaahi fanongonongo fakalotofonua.
20 min: “Kuó Ke ʻAhiʻahiʻi ʻa e Faifakamoʻoni he Efiafí?” Ko ha malanga fakataha mo e kau ki ai ʻa e kau fanongó pea mo e ngaahi fakaʻekeʻeke ʻe niʻihi. Lave ki he meʻa kuo fakatokangaʻi fakalotofonuá ʻi hono ngāueʻi ʻa e feituʻú ʻi he konga ki mui ʻo e ʻahó. Fakakau atu ki ai ʻa e ngaahi meʻa naʻe hokosia ʻoku hā ai ʻa e ngaahi ola pau mei he faifakamoʻoni ʻi he efiafí. Fakamatala nounou ʻa e taimi-tēpile fakauike fakalotofonua ʻo e ngaahi fakataha ki he ngāue fakamalangá.
15 min: “Faʻifaʻitaki kia Sihova ʻAki ʻa e Tokanga Moʻoni ki he Niʻihi Kehé.” (Palakalafi 6-8) Ngāueʻaki ʻa e palakalafi fakamuimui ʻi he kupú ke fakalototoʻaʻi kotoa ke fai ha toe ʻaʻahi vave ki he faʻahinga naʻe tuku ai ʻa e polosiuá. Ngāueʻaki ʻa e palakalafi 6-7 ke fakahāhā ʻa e founga ke tuʻuaki ai ʻa e polosiua Moʻui Fiefia ʻI He Mamani ʻO Taʻengata ʻi he ʻuluaki ʻaʻahí pea mo e founga ke kamata ai ha ako ʻi he ʻuluaki vahe ʻo e tohi ko e ʻIlo ʻi he toe ʻaʻahí. Fakamanatu ki he kau malangá ʻe lava ke nau faʻu pē haʻanau ngaahi tuʻuaki ki he ngaahi polosiua kehé, ʻo muimui ʻi he sīpinga ʻo e ngaahi tuʻuaki ʻoku fokotuʻu mai ʻi he ʻEtau Ngāue Fakafaifekau ʻo e Puleʻanga.
Hiva 98 mo e lotu tuku.
Uike Kamata Siulai 22
Hiva 149
10 min: Ngaahi fanongonongo fakalotofonua. Fakamanatu nounou ʻa e ngaahi tatau fakamuimui ʻo e ngaahi makasiní, fakahaaʻi ha ngaahi meʻa mahuʻinga ʻe ngāueʻaki nai ʻi hono tuʻuaki kinautolu ʻi he matapaá.
15 min: Tuli ki he Kolo ko e Ngāue Taimi-Kakato. Fetalanoaʻaki ʻi he vahaʻa ʻo ha tokotaha mātuʻa mo e toko taha pe toko ua ʻo e kau talavoú, ʻo makatuʻunga ʻi he Taua Leʻo ʻo Mē 1, 1989, peesi 30-32. ʻOku feinga ʻa e kau talavoú ke fakakaukau pe ko e hā ʻa e ngaahi kolo te nau tuli ki ai ʻi he hili ʻenau ʻosi mei he akoʻanga māʻolungá. ʻOku nau fakahāhā ʻa e mahuʻingaʻia ʻi he ngaahi lelei fakamatelie ʻoku tuʻuaki mai ʻe he ngaahi ngāue fakamāmaní. ʻOku fakahā atu ʻe he tokotaha mātuʻá ʻa e ngaahi ʻuhinga lelei ki he ʻuhinga ʻoku lelei ange ai ke kakapa atu ki he ngāue tāimuʻá. ʻOku loto ki ai ʻa e kau talavoú ka ʻoku nau veiveiua pe ʻe lava ke nau tāimuʻa mo tokonaki fakamatelie maʻanautolu. ʻOku fakahā ʻe he tokotaha mātuʻá ʻa e ngaahi meʻa naʻe hokosia mei he kupu ʻi he Taua Leʻo, ʻo hā ai ko e ngāue tāimuʻá ko ha taumuʻa ʻoku ala lavaʻi mo totonu ʻokú ne ʻomai ʻa e loto-fiefia ki he tokolahi. ʻOku fakaʻosiʻaki ʻa e fetalanoaʻakí ʻi hono fakahā ʻe he kau talavoú ʻa e houngaʻia ki he ngaahi fakamatala ʻa e tokotaha mātuʻá pea mo ʻenau loto-ʻalovili ke fai ha fakakaukau fakamātoato ke tuli ki he kolo ko e kau kakato ʻi he ngāue ʻo e Puleʻangá.
20 min: “Founga ke Ngaohi Ākonga ʻAki Ai ʻa e Tohi ko e ʻIlo.” Ko ha malanga ke fai ʻi he palakalafi 12-16 ʻo e fakalahi ʻo Sune 1996. Fakakau atu ki ai mo e fakahāhā ʻe ua ʻo ha ako Tohitapu ʻoku lolotonga fai. Ko e ʻuluakí ʻoku fakahā ai ʻa e founga ke akoʻi ʻa e tokotaha akó ke teuteu ʻa e lēsoní ʻaki hono fakaʻilongaʻi pe laineʻi ʻa e ngaahi lea tefitó mo e kupuʻi lea ʻoku lahi taha ʻene tali fakahangatonu ʻa e ngaahi fehuʻi ʻoku pulusi maí. Ko e fakahāhā hono uá, ko e meʻa ia te ke leaʻaki nai ke fakalototoʻaʻi ʻa e tokotaha ako Tohitapú ke maʻu ʻa e Fakataha Maʻá e Kakaí mo e Ako Taua Leʻo.
Hiva 113 mo e lotu tuku.
Uike Kamata Siulai 29
Hiva 212
10 min: Ngaahi fanongonongo fakalotofonua. Fakamanatu “Polokalama ʻAsemipilī Fakafeituʻu Foʻou.”
20 min: Ko e Hā ke Fai ke Maʻu ha Ako Tohitapu? Ko ha tokotaha mātuʻa ʻokú ne fetalanoaʻaki hangatonu mo ha toko ua pe toko tolu ʻoku nau lavameʻa ʻi he ngāue ko hono fai ʻo e ako Tohitapú, ʻo fakamanatu ʻa e ngaahi founga ke lavameʻa lahi ange ai ʻi hono kamata ha ngaahi ako: (1) Lotu ki he tokoni ʻa Sihová. (2) Kau maʻu pē ʻi he ngaahi tafaʻaki kehekehe ʻo e ngāue fakafaifekaú ke maʻu ha faʻahinga mahuʻingaʻia. (3) Lēkooti ʻa e faʻahinga mahuʻingaʻia kotoa, pea fai leva ha ngaahi toe ʻaʻahi ki ai. (4) Tuʻuaki maʻu pē ha ako ʻi he taimi ʻoku hā mai ai ha mahuʻingaʻia. (Sio ki he kaveinga tokoni “Maʻu ha Ngaahi Ako Tohitapu ke Kamata,” ʻi he peesi 20 ʻo e Watchtower ʻo Fepueli 15, 1996.) (5) Langa hake ʻa e tuipau ʻi hoʻo malava ke ke faiakó ʻaki hono ngāueʻaki ʻa e ngaahi fokotuʻu ʻe fā ʻoku fokotuʻu mai ʻi he peesi 13-17 ʻo e Watchtower ʻo ʻAokosi 1, 1984.
15 min: Ngaahi fiemaʻu fakalotofonua. Pe malanga ke fai ʻe ha tokotaha mātuʻa ʻi he “Fakafiemālie mo e Fakalototoʻa—Ko e Maka-Koloa ʻo e Ngaahi Tafaʻaki Lahi,” mei he Watchtower ʻo Sanuali 15, 1996, peesi 21-23.
Hiva 48 mo e lotu tuku.