LAIPELI Taua Le‘o ‘I HE ‘INITANETÍ
Taua Le‘o
LAIPELI ‘I HE ‘INITANETÍ
Faka-Tonga
ʻ
  • ʻ
  • ā
  • ē
  • ī
  • ō
  • ū
  • TOHI TAPU
  • ‘Ū TOHI
  • NGAAHI FAKATAHA
  • km 9/96 p. 1
  • ʻAʻeva ʻi he Tuí

‘Ikai ala ma‘u ha vitiō

Kātaki, ‘oku ‘ikai ma‘u ha vitiō.

  • ʻAʻeva ʻi he Tuí
  • Ko ʻEtau Ngāue Fakafaifekau ʻo e Puleʻanga—1996
  • Fakamatala Meimei Tatau
  • “ʻOmi Kiate Kimautolu ha Tui Lahi Ange”
    Ko e Taua Leʻo ʻOku Fanongonongo Ai ʻa e Puleʻanga ʻo Sihová—2015
  • Tui—Ko ha ʻUlungaanga Fakatupu Ivi Mālohi
    Ko e Taua Leʻo ʻOku Fanongonongo Ai ʻa e Puleʻanga ʻo Sihová (Ako)—2019
  • Ngāueʻi Hoʻo Tui ki he Ngaahi Talaʻofa ʻa Sihová
    Ko e Taua Leʻo ʻOku Fanongonongo Ai ʻa e Puleʻanga ʻo Sihová (Ako)—2016
  • “Tuʻu Maʻu ʻi he Tuí”
    Ko e Taua Leʻo ʻOku Fanongonongo Ai ʻa e Puleʻanga ʻo Sihová—2015
Sio ki he Me‘a Lahi Ange
Ko ʻEtau Ngāue Fakafaifekau ʻo e Puleʻanga—1996
km 9/96 p. 1

ʻAʻeva ʻi he Tuí

1 ʻOku laui miliona ʻa e kakai ʻoku nau ʻai ʻa e ngaahi koloa fakamatelié ko e meʻa ia ʻoku huʻufataha ki ai ʻenau moʻuí, ʻo falala vale ki he mālohi fakahala ʻo e koloá. (Mt. 13:22) ʻOku nau ongoʻi faingataʻaʻia moʻoni ʻi he taimi ʻoku mole ai ʻenau koloá pe kaihaʻasi pe fakamoʻoniʻi mei ai ha ʻaonga siʻisiʻi. ʻOku enginaki mai kiate kitautolu ke tulimui ki ha ʻalunga fakapotopoto, ʻo feinga ki he ngaahi koloa fakalaumālié. (Mt. 6:​19, 20) ʻOku kau ki heni ʻa e “aeva i he tui.”​—2 Kol. 5:​7, PM.

2 Ko e foʻi lea ko e “tui” ʻoku liliu ia mei he foʻi lea faka-Kalisi ʻa ia ʻokú ne ʻomai ʻa e fakakaukau ʻo e tuipau, falala, fakapapauʻi kakato. Ke ʻaʻeva ʻi he tuí, ʻoku ʻuhingá ke fehangahangai mo e ngaahi tuʻunga faingataʻá ʻaki ʻa e tuipau ki he ʻOtuá, ʻo falala ki heʻene malava ke ne tataki hotau ngaahi ʻalungá pea ki heʻene loto-lelei ke tokanga ki heʻetau ngaahi fiemaʻú. Naʻe fokotuʻu ʻe Sīsū ʻa e faʻifaʻitakiʻanga haohaoá; naʻe huʻufataha ʻene tokangá ki he meʻa naʻe mahuʻinga moʻoní. (Hep. 12:2) ʻI he tuʻunga meimei tatau, ʻoku fiemaʻu ke tau hanganaki fakahuʻufataha hotau lotó ki he ngaahi meʻa ʻoku taʻehāmaí, ʻa e ngaahi meʻa fakalaumālié. (2 Kol. 4:18) Kuo pau ke tau mātuʻaki tokanga ki he tuʻunga puputuʻu ʻo ʻetau moʻui he taimi ní pea ʻiloʻi hotau tuʻunga kakato ʻia Sihová.

3 Kuo pau foki ke tau fakapapauʻi kakato ʻoku tataki kitautolu ʻe Sihova ʻo fakafou ʻi heʻene kautaha hā maí ʻi he malumalu ʻo e fakahinohino ʻa e “tamaioeiki agatonu mo boto.” (Mt. 24:​45-47, PM) ʻOku tau fakahā ʻetau tuí ʻi heʻetau “talagofua kiate kinautolu oku fakahinohino” ʻi he fakatahaʻangá. (Hep. 13:​17, PM) Ko e ngāue anga-fakatōkilalo fakataha mo e fokotuʻutuʻu fakateokalatí ʻoku fakahaaʻi ai ʻetau falala kia Sihová. (1 Pita 5:6) ʻOku totonu ke ueʻi kitautolu ke fai ha poupou ʻaufuatō ki he ngāue ko ia kuo ʻomai ʻe he kautahá ke faí. ʻE tohoaki ai heni kitautolu ke ofi ange ki hotau ngaahi tokouá ʻi ha haʻi mālohi ʻo e ʻofá mo e fāʻūtahá.​—1 Kol. 1:10.

4 Founga ke Mālohi Ai ʻa e Tuí: Kuo pau ke ʻoua te tau tuku ke holomui ʻetau tuí. ʻOku fiemaʻu ke tau fai ha faitau fefeka ke fakatupulekina ia. Ko hono fai maʻu pē ʻa e akó, lotú, pea mo hono maʻu ʻa e fakatahá, ʻe tokoni ia kiate kitautolu ke mālohi ai ʻetau tuí, fakataha mo e tokoni ʻa Sihová, ʻe lava ai ke matuʻuaki ha ʻahiʻahi ʻe niʻihi. (ʻEf. 6:16) Kuó ke fokotuʻu ha taimi-tēpile lelei ki he lau Tohitapu fakaʻahó pea mo teuteu ki he ngaahi fakatahá? ʻOkú ke faʻa fakalaulauloto ki he meʻa ʻokú ke laú, peá ke fakaofiofi kia Sihova ʻi he lotú? ʻOkú ke angaʻaki ke maʻu maʻu pē ʻa e kotoa ʻo e ngaahi fakatahá pea ke kau kiate kinautolu ʻo fakatatau ki he faingamālie ʻoku ala maʻú?​—Hep. 10:​23-25.

5 Ko e tui mālohí ʻoku fakamoʻoniʻi ia ʻe he ngaahi ngāue leleí. (Sēm. 2:26) Ko e founga lelei ʻe taha ke fakahāhā ai ʻetau tuí, ko hono tala atu ʻetau ʻamanakí ki he niʻihi kehé. ʻOkú ke lamalama ʻa e ngaahi faingamālié ke vahevahe atu ai ʻa e ongoongo leleí? ʻE lava ke fokotuʻutuʻu ho ngaahi tuʻungá kae fakaʻatā ai koe ke fai ha meʻa lahi ange he ngāue fakafaifekaú? ʻOkú ke ngāueʻaki ʻa e ngaahi fokotuʻu ʻoku tau maʻú ke fakaleleiʻiʻaki ʻa e tuʻunga pea mo e ola ʻo ʻetau ngāue fakafaifekaú? ʻOkú ke fokotuʻu ha ngaahi taumuʻa fakalaumālie peá ke tōtōivi ke maʻu kinautolu?

6 Naʻe fakatokanga ʻa Sīsū ʻo fekauʻaki mo e kau ʻo fuʻu tōtuʻa ʻi he ngaahi meʻa fakaʻaho ʻo e moʻuí, pea mo hono fakaʻatā ʻa e meʻa fakamatelié pe ngaahi meʻa mahuʻinga fakaesiokitá ke ne fakanenefuʻi ʻetau vakai fakalaumālié. (Luke 21:​34-36) Kuo pau ke tau hanganaki tokanga ʻaupito ki he anga ʻo ʻetau laká koeʻuhí ke fakaʻehiʻehi ai mei hono fakatūkiaʻi ʻetau tuí. (ʻEf. 5:15; 1 Tīm. 1:19) Ko kitautolu kotoa ʻoku tau ʻamanaki ʻe faai atu pē pea te tau malava ke pehē ʻoku tau ‘tau ʻa e tau leleí, lavaʻi ʻa e fakapuepué, tauhi mai ʻa e tui totonú.’​—2 Tīm. 4:7.

    ʻŪ Tohi Faka-Tonga (1987-2026)
    Hū ki Tu‘a
    Hū ki Loto
    • Faka-Tonga
    • Share
    • Sai‘ia
    • Copyright © 2025 Watch Tower Bible and Tract Society of Pennsylvania
    • Makatu‘unga Hono Ngāue‘akí
    • Polisī Fakafo‘ituitui
    • Privacy Setting
    • JW.ORG
    • Hū ki Loto
    Share