Ngaahi Fakataha Ngāue ki Tīsema
Uike Kamata Tīsema 2
Hiva 107
10 min: Ngaahi fanongonongo fakalotofonua. Fanongonongo kuo filifili mei he ʻEtau Ngāue Fakafaifekau ʻo e Puleʻanga.
15 min: “Ko Hai ʻE Fanongo ki Heʻetau Pōpoakí?” Fehuʻi mo e tali. Fakakau atu ki ai mo e ngaahi poini mei he Awake! ʻo Maʻasi 22, 1987, peesi 5, ʻi he ʻuhinga ʻoku fakamānako ai ʻetau pōpoakí.
20 min: “ʻOku Talaʻofa Mai ʻe he Folofola ʻa e ʻOtuá ʻa e Meʻa Lelei Ange.” (Palakalafi 1-6) Kamata ʻaki ʻa e konga ʻi he palakalafi 1-2. ʻAi ha kau malanga taukei ke fakahāhaaʻi ʻa e ngaahi tuʻuaki ʻoku fokotuʻu mai ʻi he palakalafi 3-6. Fakaafeʻi ʻa e kau fanongó ke nau fakamatalaʻi ʻa e (1) founga ʻoku tokoni ai hono ʻohake ha ngaahi fehuʻi ke langaʻi ʻa e mahuʻingaʻiá, (2) founga hono ngāueʻaki ʻa e ngaahi konga Tohitapú ke feʻungamālie mo e kaveinga ʻoku fakamatalaʻí, (3) founga ke lave ai ki he ngaahi tokoní, (4) founga ʻoku totonu hono hokohoko atu ai ʻa e toe ʻaʻahí mei he ʻuluaki fetalanoaʻakí, mo e (5) founga ke tuʻuaki ai ke fai ha ako.
Hiva 212 mo e lotu tuku.
Uike Kamata Tīsema 9
Hiva 51
10 min: Ngaahi fanongonongo fakalotofonua. Fakamatala paʻangá.
20 min: Ko Hono Tokoniʻi ʻa e Kau Taʻumotuʻá ke Kau ʻi he Ngāué. ʻOku tokolahi ʻa e kau malanga loto-tōnunga taʻumotuʻa ʻoku nau maʻu ha holi tōtōivi ke kau ʻi he malangá fakataha mo e fakatahaʻangá, ka ʻoku nau maʻu ʻa e ngaahi fakangatangata fakaesino koeʻuhi ko e taʻumotuʻá mo e ʻikai ha moʻuileleí. ʻOku ʻi ai ʻa e ngaahi founga ʻe lava ke tau fakahā ai kiate kinautolu ʻa e tokanga koeʻuhi ke fakakau mai kinautolu ʻi he kulupu ngāué: Tokoniʻi ʻi he fefonongaʻakí; fokotuʻutuʻu mo kinautolu ke ngāue ʻi he ngaahi ʻapi ʻoku ʻikai lahi ai ʻa e kakaʻanga māʻolungá; ʻai ke ofi maʻu pē ʻa e meʻalelé koeʻuhi ke nau malava ʻo mālōlō ki ai ʻi he taimi ʻoku nau helaʻia aí; tala ange te ke ʻave kinautolu ki heʻenau ngaahi toe ʻaʻahí; ʻai ke nau ʻiloʻi te ke ʻave kinautolu ki honau ʻapí ʻi he taimi ʻoku nau ongoʻi ai ʻoku ʻikai malava ke toe hoko atú. ʻOku houngaʻia lahi ʻaupito ʻa e faʻahinga taʻumotuʻá ʻi he tokoni ʻoku fai kiate kinautolú. Lave ki ha ngaahi founga kehe te ke fakahā ai ʻa e tokanga fakalotofonua peheé. Fakamanatu ʻa e ngaahi poini tefito ʻi he kupu ko e “ʻOku Tau Houngaʻia ʻi he Kau Taʻumotuʻá!” ʻoku maʻu ʻi he Watchtower ʻo Fepueli 1, 1986, peesi 28-29.
15 min: “ʻOku Talaʻofa Mai ʻe he Folofola ʻa e ʻOtuá ʻa e Meʻa Lelei Ange.” (Palakalafi 7-9) Fakamatalaʻi ʻa e ʻuhinga ʻoku totonu ke fakamamafaʻi ai ʻe heʻetau ngaahi tuʻuakí ʻa e mahuʻinga ʻo e kumi ha tokoni mei ha matavai māʻolunga angé—ko e ʻOtuá. ʻAi ha tokotaha malanga ke ne fakahāhaaʻi ʻa e ongo tuʻuaki ʻi he palakalafi 7-8. Fakamamafaʻi ko ʻetau taumuʻá ke faifai atu ʻo kamata ha ako Tohitapu ʻi he tohi ko e ʻIlo.
Hiva 48 mo e lotu tuku.
Uike Kamata Tīsema 16
Hiva 27
10 min: Ngaahi fanongonongo fakalotofonua. ʻOatu ha ngaahi fokotuʻu ki he founga ʻo hono fai ha tali fakapotopoto ki he ngaahi talamonū ʻo e ʻaho mālōloó. Fakamatalaʻi ʻa e ngaahi fokotuʻutuʻu ki he ngāue fakamalanga makehe ki Tīsema 25, 26.
15 min: “Foaki Loto-Lelei Atu Kitautolu.” Fehuʻi mo e tali. Fakakau atu ki ai mo e ngaahi fakamatala mei he Watchtower ʻo Mē 1, 1984, peesi 22.
20 min: “Fiefia ʻi he Tupulaki ʻOku ʻOmai ʻe he ʻOtuá.” Malanga fakalotomāfana ke fai ʻe ha tokotaha mātuʻa. Lave ki ha ngaahi meʻa naʻe hoko pe ko ha fakamoʻoni ʻo ha ngaahi tupulekina ʻi he ngaahi fonua ʻoku fakaeʻa maí, ʻo hangē ko ia ʻoku ʻomai ʻi he ngaahi Yearbook ki muí ni maí.
Hiva 48 mo e lotu tuku.
Uike Kamata Tīsema 23
Hiva 84
10 min: Ngaahi fanongonongo fakalotofonua. Lave ki ha ngaahi poini fakatupunga-talanoa ʻi he ngaahi makasini lolotongá ʻe lava ke ngāueʻaki ʻi he ngāue he uike ní. Fakamatalaʻi ʻa e ngaahi fokotuʻutuʻu ngāue fakamalanga makehe ki Sanuali 1, 2.
15 min: Ngaahi fiemaʻu fakalotofonua. Pe malanga ke fai ʻe ha tokotaha mātuʻa ʻi he “Ko e Mālōloó—Ko ha Matapā Ia ʻOku ʻAtā ki he Ngāue Fakateokalatí?” mei he Watchtower ʻo Siulai 15, 1996, peesi 24-25.—Sio ki he Insight, Voliume 2, peesi 794, palakalafi 2-3.
20 min: “Kau ki he Akoʻanga Fakafaifekau Fakateokalatí.” Ko e malanga ke fai ʻe he ʻovasia ʻo e akoʻangá. Fakahā ʻa e fika ʻo e kau fakalotofonua ki aí, pea fakalototoʻaʻi kotoa ʻa e faʻahinga ʻe malava ke kau ki aí. Fakamanatu ʻa e ngaahi fakahinohino ʻo e ngaahi konga ʻoku vaheʻi ki he kau akó ʻa ia ʻoku ʻomai ʻi he “Fakahokohoko ʻa e Akoʻanga Fakafaifekau Fakateokalati ki he 1997.”
Hiva 56 mo e lotu tuku.
Uike Kamata Tīsema 30
Hiva 51
10 min: Ngaahi fanongonongo fakalotofonua. Kapau ko hoʻo fakatahaʻangá ʻoku totonu ke liliu ʻa e taimi fakataha ʻi he taʻu foʻoú, fai ha fakalototoʻa anga-ʻofa ʻo kole kiate kinautolu kotoa ke fai ha ngaahi feʻunuʻaki ʻoku fiemaʻú pea tauhi maʻu ke maʻu maʻu pē ʻa e taimi foʻou ʻo e fakatahaʻangá.
20 min: “Tokoni ʻi he Taimi Totonu.” Fehuʻi mo e tali. Lave ki ha meʻa mahuʻinga ʻoku fakaeʻa mei he ngaahi tohi foʻou taki taha.
15 min: Fakamanatu ʻa e Ngaahi Tohi ke Tuʻuaki ʻi Sanualí. Tuʻuaki ʻa e ngaahi tohi iiki ʻe tolu, ʻo ngāueʻaki ʻa e tohi pē ʻoku maʻu ʻi he sitoka ʻa e fakatahaʻangá, fakataha mo ha feinga makehe ke tufa atu ha ngaahi tatau pē ʻo e ngaahi tohi iiki hangē ko e Nofo ʻAmanaki ki he Maama Foʻou Maʻoniʻoni mo e “Vakai! ʻOku Ou Fakafoʻou ʻAe Meʻa Kotoa Pe.” Ngāueʻaki ʻa e tohi Reasoning, peesi 9-14, ke fakamanatu nounou ʻa e ngaahi lea kamata feʻungamālie ki he kiʻi tohi taki taha. Fakahāhā ha tuʻuaki ʻe taha pe ua.
Hiva 149 mo e lotu tuku.