Ngaahi Fakataha Ngāue ki ʻEpeleli

Uike Kamata ʻEpeleli 7

Hiva 48

12 min: Ngaahi fanongonongo fakalotofonua. Fanongonongo kuo filifili mei he ʻEtau Ngāue Fakafaifekau ʻo e Puleʻanga. Lave ki he ngaahi poini fakatupunga talanoa ʻi he ngaahi makasini lolotongá.

15 min: “Ko e Tokolahi Kuo Tānaki Mai.” Fehuʻi mo e tali. Vakai ki he ngaahi fokotuʻu mahuʻinga ʻoku ʻomai ʻi he Taua Leʻo ʻo Tīsema 1, 1993, peesi 21-​26.

18 min: “Tokoniʻi ʻa e Faʻahinga ʻIkai ke Taukeí ke Nau Maʻu ʻa e Mahinó.” Fehuʻi mo e tali. Fakamanatu ʻa e ngaahi meʻa ʻoku fakaeʻa ʻi he polosiua Fiemaʻu: founga ako faingofua, ngaahi fehuʻi taimi totonu, ngaahi fakatātā fakamānako, ngaahi maʻuʻanga fakamatala faka-Tohitapu lahi. Fakamamafaʻi ʻa e taumuʻa ʻo hono kamata ha ngaahi ako ʻa ia ʻe faifai ʻo taki atu ki he tohi ko e ʻIlo. ʻAi ha tokotaha malanga taukei ke ne fakahāhaaʻi ʻa e founga ʻo hono kamata ha ako ʻo ngāueʻaki ʻa e lea kamata ʻoku ʻomai ʻi he palakalafi 4. Fakalototoʻaʻi ʻa e kotoa ʻo e ngaahi mātuʻa ʻi he fakatahaʻangá ke nau ako ʻa e polosiuá mo ʻenau fānau tupú.

Hiva 130 mo e lotu tuku.

Uike Kamata ʻEpeleli 14

Hiva 107

10 min: Ngaahi fanongonongo fakalotofonua. Fakamatala paʻangá. Fakatatau ki he taimí, lave nounou ki he ngaahi meʻa naʻe hokosia ʻi he malaʻe malangá ʻo fekauʻaki mo hono tufa ʻo e polosiua Fiemaʻu pe ko hono kamata ha ngaahi ako Tohitapu ʻo ngāueʻaki ia.

15 min: “Tataki ʻa e Kau Akó ki he Kautaha ʻOku Fakafofongaʻi ʻe Hotau Hingoá.” (Palakalafi 1-6) Fehuʻi mo e tali. Lau ʻa e palakalafi 5-6 pea mo e ngaahi konga Tohitapu ʻoku hiki maí. Lave ki ha ngaahi meʻa naʻe hokosia ʻi he feituʻú fekauʻaki mo e anga ʻo e tali ʻa e kau ako Tohitapú ki heʻenau sio ʻi he foʻi vitiō ko e Jehovah’s Witnesses​—The Organization Behind the Name.

20 min: “Akoʻi ʻa e Niʻihi Kehé ki he Meʻa ʻOku Fiemaʻu ʻe he ʻOtuá.” Fetalanoaʻaki mo e kau fanongó ʻi he palakalafi 1-4. ʻAi ke fakahāhaaʻi ʻa e ngaahi tuʻuaki ʻi he palakalafi 5, ʻo ngāueʻaki ʻa e ngaahi fokotuʻutuʻu kehekehe ʻe fā​—ʻi he halá, ʻi ha fale, ʻi ha feituʻu pisinisi, pea ʻi ha paʻake. Fakamanatu ki he tokotaha kotoa pē ke ʻave haʻanau ngaahi polosiua mo e ngaahi makasini ki he ngāue he malaʻe malangá ki muʻa ke nau mavahe mei he Fale Fakatahaʻangá he pō ní.

Hiva 32 mo e lotu tuku.

Uike Kamata ʻEpeleli 21

Hiva 113

15 min: Ngaahi fanongonongo fakalotofonua. Fakamatalaʻi ʻoku ʻikai ke fuʻu tōmui ke ʻomai ha tohi kole ki he tāimuʻa tokoni ʻi Meé. Fakamanatu ʻa e Puha Fehuʻí, pea ʻai ke ʻilo ʻe he fakatahaʻangá kapau ʻoku fiemaʻu ha ngaahi tohi pau ke fakakakatoʻaki ʻa e laipeli ʻi he Fale Fakatahaʻangá.

15 min: “Tataki ʻa e Kau Akó ki he Kautaha ʻOku Fakafofongaʻi ʻe Hotau Hingoá.” (Palakalafi 7-​14) Fehuʻi mo e tali. ʻAi ha tokotaha faiako taukei ke ne fakahāhaaʻi ʻa e founga hono fai ha fetalanoaʻaki loto-moʻoni mo ha tokotaha ako fekauʻaki mo e fiemaʻu ke maʻu ʻa e ngaahi fakatahá.

15 min: Ngāue Kakato ʻAki ʻa ʻEtau Ngaahi Tohí. Malanga ke fai ʻe ha tokotaha mātuʻa. (Sio ki he ʻEtau Ngāue Fakafaifekau ʻo e Puleʻanga ʻo Sepitema 1995, peesi 3-5.) ʻOku hā mei he ngaahi līpootí ko e ngaahi fakatahaʻangá ʻoku nau faʻa ʻota ʻa e ngaahi makasini ʻo lahi ange ia ʻi he meʻa ʻoku nau tufa ʻi he māhina taki taha. ʻOku aʻu ki he peseti ʻe 50 ʻoku ʻikai pē ke līpooti ia ko ha ngaahi tohi ʻoku tufa. (Fakahaaʻi ʻa e meʻa ʻoku hā ʻi he ngaahi fika ʻi ho feituʻú.) Ko e hā ʻa e meʻa ʻoku hoko ki he ngaahi makasini ko ʻení? Ko e lahi tahá ʻoku tuku pē ia ʻi ha funga laupapa pe kuo laku. ʻE lava fēfē ke fakaʻehiʻehi mei he meʻá ni? Ko e tokotaha malanga taki taha ʻoku totonu ke ne fakafuofua lelei ʻa ʻene ngaahi fiemaʻú pea ʻota pē ʻa e meʻa te ne malava ke tufá. ʻAi ke tōʻongaʻaki ke tuʻuaki ʻa e ngaahi makasiní ki he faʻahinga kotoa ʻoku tau feʻiloakí. ʻOua ʻe maumauʻi ʻa e ngaahi tatau motuʻá. Kau maʻu pē ki he ngāue makasiní. Manatuʻi ʻoku fiemaʻu kiate kitautolu ke tau lave ki he fokotuʻutuʻu ʻo hono fai ʻo e tokoní pea vave hono ʻomai ʻa e ngaahi tokoní kotoa.

Hiva 204 mo e lotu tuku.

Uike Kamata ʻEpeleli 28

Hiva 51

15 min: Ngaahi fanongonongo fakalotofonua. Fakamanatu ki he tokotaha kotoa pē ke ʻomai ʻenau ngaahi līpooti ngāue fakamalanga ki ʻEpelelí. Fanongonongo ʻa e ngaahi hingoa ʻo e faʻahinga te nau tāimuʻa tokoni ʻi Meé. Fakamatalaʻi ʻa e ngaahi fokotuʻutuʻu ʻoku tānaki atu kuo fai ʻi he feituʻú ki he ngaahi fakataha ki he ngāue fakamalangá. ʻI he lolotonga ʻo Meé ʻoku totonu ke fai ha feinga makehe ke toe foki ki he ngaahi polosiua naʻe tukú mo ha taumuʻa ko hono kamata ha ngaahi ako. Fokotuʻu nounou ʻa e ngaahi founga ʻe lava ke tau fakapotopoto ai hono ʻeke ʻa e hingoa pea mo e tuʻasila ʻo e kakai ʻoku tau faifakamoʻoni ki ai ʻi he founga ʻikai anga-mahení. ʻE lava ke ke ʻuluaki ʻoange ho hingoá pea mo ho tuʻasilá pea ke ʻeke ange pe ʻoku ʻi ai ha fika telefoni ʻa ia ʻe lava ke fetuʻutaki atu ai kiate kinautolu. Fakaafeʻi ʻa e kau fanongó ke nau ʻomai ha ngaahi fokotuʻu kehe ʻa ia naʻe ola lelei kiate kinautolu.

15 min: “Ko e Hā ʻOku Nau Fai Ai Iá?” Ko ha mātuʻa ʻokú ne fetalanoaʻaki ʻi he kupú fakataha mo e kau tāimuʻa tuʻumaʻu ʻe toko ua pe toko tolu. (Kapau ʻoku ʻikai malava, ngāueʻaki ha faʻahinga ʻoku nau faʻa hoko ko e kau tāimuʻa tokoní.) Fakakau atu ki ai mo e ngaahi meʻa mahuʻinga mei he kupu ko e “Foaki Atu ʻa e Kau Tāimuʻa pea Maʻu ʻa e Ngaahi Tāpuaki,” ʻi he Watchtower ʻo Sanuali 15, 1994. ʻAi ʻa e tokotaha taki taha ke ne fakamatalaʻi ʻa e ʻuhinga naʻá ne kau ai ki he ngāue tāimuʻá. ʻEke ange kiate kinautolu ke nau lave ki ha ngaahi meʻa naʻa nau hokosia ʻo hā ai ʻa e founga naʻe tāpuakiʻi ai kinautolu ʻi heʻenau fai peheé.

15 min: Ngaahi fiemaʻu fakalotofonua. ʻE ngāueʻaki nai ʻe he kau mātuʻá ʻa e taimi ko ʻení ke ʻoatu ai ha fakamatala ki he ngaahi fiemaʻu pau fakalotofonuá.

Hiva 129 mo e lotu tuku.