Fakamanatu Akoʻanga Fakafaifekau Fakateokalati
Fakamanatu ʻo e ngaahi fakamatala mei he konga ʻi he Akoʻanga Fakafaifekau Fakateokalati ki he ngaahi uike ʻo Sanuali 6 ki ʻEpeleli 21, 1997. Ngāueʻaki ha lauʻi pepa kehe ke tohi ki ai ʻa e ngaahi tali ki he lahi taha ʻo e ngaahi fehuʻi te ke lava ʻo tali ʻi he taimi ʻoku vaheʻi maí.
[Fakatokangaʻi: Lolotonga ʻa e fakamanatu tohinimá, ko e Tohitapú pē ʻe lava ke ngāueʻaki ke tali ha fehuʻi. Ko e ngaahi maʻuʻanga fakamatala ʻoku hoko mai he ngaahi fehuʻí, ko e ʻai pē ia ki hoʻo fekumi fakafoʻituituí pē. Ko e ngaahi fika ʻo e peesí mo e palakalafí ʻoku ʻikai ke ʻasi nai ia ʻi he ngaahi maʻuʻanga fakamatala kotoa ki he Taua Leʻo.]
Tali Moʻoni pe Loi ki he ngaahi fakamatala taki taha ʻoku hoko haké:
1. Ko e kikite ʻi he Taniela 9:24, 25 ʻoku tuhu ia ki hono ʻaloʻi ʻo Sīsuú. [kl p. 36 pal. 8]
2. Naʻe ʻikai ha mafai ʻi he māmaní te ne lava ke fakamolemoleʻi ʻa e ngaahi angahalá kae ʻoua ke pekia ʻa Sīsū pea tokonaki mai ʻa e huhuʻí. [Lau Tohitapu fakauike; sio ki he w-E 96 4/15 p. 29.]
3. ʻI hono fakahoko ʻa e Sakalaia 9:2-4, naʻe fakaʻauha ʻosiʻosingamālie ʻa Tāia ʻe Nepukanesa. [si p. 169 pal. 4]
4. Ko e papitaisó ko hano fakapapauʻi ia ʻo e fakahaofí. [uw p. 100 pal. 12]
5. Naʻe kamata ʻa e papitaiso ʻa Sīsū ki he maté ʻi he 29 T.S. pea naʻe teʻeki ai ke kakato kae ʻoua kuó ne pekia pea toetuʻu. [uw p. 97 pal. 6]
6. Ko e ngaahi angahala kotoa ʻa e faʻahinga ʻo e tangata taʻehaohaoá naʻe ʻufiʻufi ʻe he huhuʻí. [Lau Tohitapu fakauike; sio ki he w-E 95 12/15 p. 29.]
7. ʻI he lotolotonga ʻo e “fanga kosi” ʻoku lave ki ai ʻi he Mātiu 25:31-46, ʻa ia te nau fuesia ʻa e fakaʻauha taʻengatá, ʻe ʻi ai ʻa e kau mēmipa longomoʻui ʻo Pāpilone ko e Lahí pea mo honau kau taki lotú. [Lau Tohitapu fakauike; sio ki he br2 p. 50 pal. 13-15.]
8. ʻOku fakahaaʻi ʻe he ngaahi lea ʻa Sīsū ʻoku hā ʻi he Mātiu 23:33 ko e kau sikalaipé mo e kau Fālesí, ʻi he tuʻunga ko ha kulupú, ko e konga kinautolu ʻo e hako ʻo e Ngatá. [Lau Tohitapu fakauike; sio ki he w96 6/1 p. 21 pal. 11.]
9. Ko hono fakamolemoleʻi ʻa e niʻihi kehé ʻoku hā mahino ai ʻa e founga ki hono fakamolemoleʻi ʻe he ʻOtuá ʻetau ngaahi angahalá. [Lau Tohitapu fakauike; sio ki he w95 1/1 p. 7.]
Tali ʻa e ngaahi fehuʻi ko ʻení:
10. Ko e hā ʻoku ʻikai ai ko e ngaahi ngāue fakaofo ʻoku fakahoko ʻi he huafa ʻo Sīsuú ko e fakamoʻoni papau ia ʻa e hōifua pe poupou ʻa e ʻOtuá? [kl p. 46 pal. 6-7]
11. ʻI he ʻuhinga fē ʻe ʻikai fakaʻauha ai ʻa e Puleʻanga ʻo Sīsuú? (Tan. 7:14) [uw p. 86 pal. 15]
12. Ko e hā ʻa e ongo ngafa ʻe ua naʻe fakahoko ʻe Sīsū Kalaisi naʻe fakamatalaʻi ʻia Sakalaia 6:12, 13? [si p. 172 pal. 25]
13. ʻI he ʻikai ke fakaangaʻi ʻa e faʻahinga ʻoku tau ongoʻi nai ʻoku lava ke nau fai ʻa e meʻa lahi ange ʻi he ngāue ʻo e Puleʻangá, ko e hā ʻoku totonu kiate kitautolu tāutaha ke faí? (Kal. 6:4) [uw p. 93 pal. 13]
14. Ko e hā naʻe ʻuhinga ki ai ʻa hono motuhi ʻe Sākalaia ʻa e tokotoko naʻe ui ko e Hōifuá? (Sak. 11:7-11) [Lau Tohitapu fakauike; sio ki he w89 6/1 p. 25.]
15. Ko e hā ʻa e ʻuhinga ʻo e huafa fakaʻotua, ko e Sihová? [kl p. 25 pal. 7]
16. ʻI he ʻuhinga fē naʻe fai ai ʻe he “palofita ko Ilaisia” ha hā mai ʻi he ʻuluaki senitulí, ʻi hono fakahoko ʻo e Malakai 4:5? [si p. 174 pal. 15]
17. ʻE lava fēfē ha taha ke kaihaʻa mei he ʻOtuá? (Mal. 3:8, PM) [Lau Tohitapu fakauike; sio ki he w95 8/1 p. 25 pal. 15.]
18. Ko fē ʻi he tohi ʻa Mātiú te tau maʻu ai ʻa e akonaki lelei naʻe ʻomai ʻe Sīsū fekauʻaki mo hono fakaleleiʻi ha ngaahi faingataʻaʻia mamafá? [Lau Tohitapu fakauike; sio ki he w-E 95 7/15 p. 22.]
19. Ko e hā ʻa e “tenali” ʻoku lave ki ai ʻi he talanoa fakatātā ʻa Sīsū ʻoku hiki ʻia Mātiu 20:1-16? [Lau Tohitapu fakauike; sio ki he gt 97 pal. 6.]
20. Ko hai ʻa e palōfita naʻe lave ki he māmaní ʻo pehē ʻoku “takatakai,” pea ko fē ʻi he ngaahi Konga Tohitapú ʻoku ʻi ai ʻa e fakamatala ko ʻení? [kl p. 17 pal. 14]
Fakakakato ʻa e ngaahi fakamatala ko ʻení ʻaki ha foʻi lea pe kupuʻi lea ʻoku totonú:
21. ʻOku fiemaʻu ke tau lotu ki he ʻOtuá ʻi he ․․․․․․․․, hoko ʻo ueʻi ʻe he ngaahi loto ʻoku fonu ʻi he tui mo e ʻofa; kuo pau ke lotu foki kiate ia ʻi he ․․․․․․․․ ʻaki hono ako ʻene Folofolá. [kl p. 45 pal. 4]
22. Ko e pekia ʻoku lave ki ai ʻia Fakahā 20:12 ʻe fakamāuʻi ʻo fakatatau ki heʻenau ngaahi ngāue naʻe fai ․․․․․․․․ ʻenau toetuʻú. ʻOku tokoni ʻeni kiate kitautolu ke mahino ko haʻanautolú ʻe ʻikai pau ko ha toetuʻu ia ki he ․․․․․․․․ (Sione 5:28, 29) [uw p. 75 pal. 12]
23. Neongo naʻe ʻikai ke ʻoange moʻoni kia Sīsū ʻa e huafa fakafoʻituitui ko e ․․․․․․․․, ko hono ngafa ʻi he tuʻunga ko e tangatá naʻe fakahoko ai ʻa e ․․․․․․․․ ʻo e huafa ko iá. (Ai. 7:14; Mt. 1:22, 23) [Lau Tohitapu fakauike; sio ki he w-E 92 1/15 p. 22.]
24. Ko e ngaahi ʻuhinga ʻe tolu ʻo e fakamoʻoni ʻa ia ʻoku nau fakamoʻoniʻi ko Sīsuú ko e Mīsaiá ko e (1)․․․․․․․․, (2)․․․․․․․․, mo e (3)․․․․․․․․ [kl p. 34-38 pal. 6-10]
Fili ʻa e tali ʻoku tonú ʻi he ngaahi fakamatala taki taha ʻi laló:
25. ʻOku ʻi ai ʻa e fakamoʻoni naʻe tohi ʻe Mātiu ʻene Kōsipelí ʻi he lea (faka-Hepelū; faka-Alamea; faka-Kalisi) pea ki mui maí naʻe liliu ia ki he lea (faka-Hepelū; faka-Alamea; faka-Kalisi). [si p. 176 pal. 6]
26. Ko e tokolahi taha ʻo e (toenga ʻo e kau paní; 144,000) ʻoku nau ʻi hēvani, pea ko e (toenga ʻo e kau paní; 144,000), ʻoku kei ʻi māmani, ʻo faʻuʻaki ʻa e (Kulupu Pule; kalasi tamaioʻeiki anga-tonu mo potó). [uw p. 80 pal. 7]
27. Ko e tō ʻa Pāpiloné naʻe tala ki muʻa ia ʻe (Tāniela mo Hosea; Sioeli mo ʻĒmosi; ʻAisea mo Selemaia). [kl p. 18 pal. 17]
28. Ko e papitaiso ʻi he “Huafa ʻo e Tamai mo e ʻAlo mo e Laumalie Maʻoniʻoni” naʻe kamata ia ʻi he (29 T.S.; 33 T.S.; 36 T.S.). (Mt. 28:19) [uw p. 98 pal. 9]
29. Ko e pale naʻe talaʻofa ki ai ʻe Sīsū maʻá e faʻahinga ʻoku nau tali ʻene kau ākongá ko e kau palōfitá, ʻa ia naʻe hiki ʻia Mātiu 10:41, ko e (moʻui taʻengata; maluʻi fakaʻotua; fanongo ki he pōpoaki ʻo e Puleʻangá). [Lau Tohitapu fakauike; sio ki he w88 5/1 p. 24.]
Fakahoa totonu ʻa e ngaahi konga Tohitapú ki he ngaahi fakamatala ʻoku hā ʻi laló:
Sak. 4:6; Mt. 4:8-10; Mt. 16:19; Fili. 1:9-11; Hep. 13:5, 6; 1 Sione 2:15-17
30. ʻI he tuʻunga ko e kau Kalisitiane moʻoní, kuo pau ke tau fakaʻehiʻehi mei he ngaahi tōʻonga kotoa pē ʻa ia ʻe tapua mai mei ai ʻa e laumālie ʻo e māmani fakaʻotuamate ʻoku takatakai kiate kitautolú. [kl p. 50 pal. 17]
31. ʻOku totonu ke tau ngāueʻaki ʻetau moʻuí ʻi ha founga ʻoku hā mei ai ʻoku mahino moʻoni kiate kitautolu ʻa e ngaahi meʻa ʻoku mahuʻinga angé. [uw p. 91 pal. 9]
32. Naʻe fakafisi ʻa e kau muimui moʻoni ʻo Sīsuú ke hoko ʻo kau ʻi he ngaahi meʻa fakapolitikale ʻo e māmani ko ʻení. [Lau Tohitapu fakauike; sio ki he w96 5/1 p. 24 pal. 9.]
33. Ko e ʻilo fekauʻaki mo e Puleʻanga ʻo e ʻOtuá ʻokú ne fakaava ai ʻa e hala ki hēvani ki he kau Siú, kau Samēliá, mo e kau Senitailé. [Lau Tohitapu fakauike; sio ki he w-E 91 3/15 p. 5.]
34. Kuo ikuʻi ʻa hono fakafepakiʻi ʻetau ngāue fakamalangá ʻi māmani lahi, ʻikai ʻaki ʻa e feinga fakaetangatá, kae ʻaki ʻa e maluʻi mo e tataki ʻa Sihová. [Lau Tohitapu fakauike; sio ki he w94 12/1 p. 27 pal. 4.]
35. Neongo ʻa e hikihiki ʻa e totongi ʻo e koloá pea mo e mafolalahia ʻa e taʻemaʻu ngāué, ʻe fakapapauʻi ʻe Sihova ʻoku tau maʻu ʻa e meʻa ʻoku fiemaʻu moʻoni kiate kitautolú. [uw p. 89 pal. 6]