Ngaahi Fakataha Ngāue ki Mē

Uike Kamata Mē 5

Hiva 130

10 min: Ngaahi fanongonongo fakalotofonua. Fanongonongo kuo filifili mei he ʻEtau Ngāue Fakafaifekau ʻo e Puleʻanga.

15 min: “Muimui ʻIa Sīsū Maʻu Ai Pē.” Fehuʻi mo e tali. Fakakau atu ki ai mo e ngaahi meʻa naʻe hokosia mei he polosiua Ngaahi Kupu ki he Ako (br1 p. 78-79).

20 min: “Fakahā ʻa e Tokanga Moʻoni ki he Mahuʻingaʻia Kotoa Naʻe Maʻú.” (Palakalafi 1-7) Fetalanoaʻaki mo e kau fanongó ʻi he palakalafi 1-5. Fakamamafaʻi ʻa e fiemaʻu ke toe foki ki he mahuʻingaʻia kotoa pē. Fokotuʻu atu ha ngaahi founga fakapotopoto ʻe niʻihi ki hono kole ha tuʻasila ʻo e ʻapi ʻo e faʻahinga ko ia ʻoku tau fetaulaki ʻi he ngaahi feituʻu kakaí koeʻuhi ke lava ke tau fakamoʻoni lahi ange kiate kinautolu. ʻAi ha ongo malanga taau ke na fakahāhaaʻi ʻa e ongo tuʻuaki ʻe ua ʻoku fokotuʻu mai ʻi he palakalafi 6 mo e 7.

Hiva 151 mo e lotu tuku.

Uike Kamata Mē 12

Hiva 133

10 min: Ngaahi fanongonongo fakalotofonua. Fakamatala paʻangá.

12 min: Puha Fehuʻi. Malanga ke fai ʻe ha tokotaha mātuʻa.

23 min: “Fakahā ʻa e Tokanga Moʻoni ki he Mahuʻingaʻia Kotoa Naʻe Maʻú.” (Palakalafi 8-10) Fetalanoaʻaki mo e kau fanongó. Fakamanatu ʻa e puha, “Founga ke Lavameʻa Ai ʻI Hono Fai ʻa e Ngaahi Toe ʻAʻahí,” ʻi he peesi 3 ʻo e fakalahi ʻi he ʻEtau Ngāue Fakafaifekau ʻo e Puleʻanga ʻo Maʻasi 1997. ʻAi ha ongo malanga taau ke na fakahāhaaʻi ʻa e ongo tuʻuaki ʻoku fokotuʻu mai ʻi he palakalafi 8 mo e 9. Fakalototoʻaʻi kotoa ke fakataimi-tēpileʻi ha taimi ʻe niʻihi ʻi he uike taki taha ke fai ai ʻa e ngaahi toe ʻaʻahí.

Hiva 162 mo e lotu tuku.

Uike Kamata Mē 19

Hiva 195

7 min: Ngaahi fanongonongo fakalotofonua.

20 min: “Ko Hono Fai ʻa e Ngaahi Ako Tohitapu Fakalakalaka ʻi ʻApí.” Ko ha tokoua taau ke ne fetalanoaʻaki ʻi he kupú mo ha toko taha pe toko ua ʻo e kau malangá ʻokú na lavameʻa ʻi hono fai ʻa e ngaahi akó. Ngāueʻaki ʻa e ngaahi konga ʻo e tohi ʻIlo ko ha fakatātā, ʻokú na lave ki he ngaahi founga faiako naʻá ne tokoniʻi kinaua ke na hanganaki hokohoko atu ʻa e akó ʻi ha tuʻunga tuʻumaʻu pea lava ai ke na ʻiloʻi ʻa e meʻa ʻoku ako moʻoni ʻe he tokotaha akó.—Sio ki he fakalahi ʻo ʻEtau Ngāue Fakafaifekau ʻo e Puleʻanga ʻo Sune 1996, palakalafi 5, 8, 12, mo e 21.

18 min: “Sio Fakalaka Atu mei he Ngaahi Meʻa ʻOkú Ke Sio ki Aí!” Fetalanoaʻaki ʻa e tokotaha mātuʻá mo e kau fanongó ʻi he Taua Leʻo ʻo Maʻasi 1, 1996, peesi 19-21.

Hiva 48 mo e lotu tuku.

Uike Kamata Mē 26

Hiva 143

15 min: Ngaahi fanongonongo fakalotofonua. Fakamanatu ʻa e ngaahi tohi ke tuʻuaki ʻi Sune. Ngāueʻaki ʻa e tohi ʻIlo, ʻo fakamatalaʻi ʻa e founga ʻe lava ke ngāueʻaki ai ʻa e ngaahi foʻi fakakaukau ʻi he palakalafi 17-19 ʻi he peesi 10-11 ke teuteu ha tuʻuaki nounou. Fai ha fakamanatu fekauʻaki mo e lave ki he fokotuʻutuʻu ʻo hono fai ʻo e tokoní. Fakalototoʻaʻi kotoa ke tokangataha ki hono feingaʻi ke kamata ha ngaahi ako. Fakamamafaʻi ʻa e fiemaʻu ke tokoniʻi ʻa e faʻahinga mahuʻingaʻiá ke vave ʻenau fakalakalaká.—Sio ki he Taua Leʻo ʻo Fepueli 1, 1996, peesi 12-13.

12 min: “Ko e Hā ʻOku Tau Hanganaki Toe Foki Aí?” Fehuʻi mo e tali. Fakakau atu ki ai mo e ngaahi poini mei he puha ʻi he peesi 570 ʻi he tohi ko e Proclaimers.

18 min: Ngaahi fiemaʻu fakalotofonua. Malanga ke fai ʻe ha tokotaha mātuʻa pe ko ha fetalanoaʻaki ʻa ha toko ua ʻo e kau mātuʻá, ʻo fakataumuʻa ki ha fiemaʻu fakalaumālie ʻa e fakatahaʻangá. ʻOatu ha enginaki Fakatohitapu mo e ngaahi fokotuʻu ʻaonga ke fai ai hano fakaleleiʻi.

Hiva 56 mo e lotu tuku.