Ngaahi Fakataha Ngāue ki Siulai
Uike Kamata Siulai 7
Hiva 151
10 min: Ngaahi fanongonongo fakalotofonua. Fanongonongo kuo filifili mei he ʻEtau Ngāue Fakafaifekau ʻo e Puleʻanga. Fakamatala ki he līpooti ngāue fakamalanga ʻo ʻEpeleli ki he fonuá mo e fakatahaʻanga ʻi he feituʻú.
15 min: “Ko e Anga-Tonú ʻOku Fakapaleʻi.” Fehuʻi mo e tali. Kau atu ki ai mo e fakatātā ʻoku lave ki ai ʻi he Awake! ʻo Sanuali 22, 1993, peesi 18-21.
20 min: “Tokoniʻi ʻa e Niʻihi Kehé ke Maʻu ha Fakafiemālie.” Fetalanoaʻaki mo e kau fanongó. ʻAi ke fakahāhaaʻi ha tuʻuaki ʻe taha pe ua. Fakaafeʻi ʻa e kau fanongó ke nau lave ki ha ngaahi founga ʻe niʻihi naʻa nau kamata ai ha fetalanoaʻaki, ʻo ngāueʻaki ʻa e ngaahi polosiua tatau. Fakalototoʻaʻi ʻa hono ngāueʻaki ha ngaahi lea ʻosi filifili lelei mo faingofua ke ne langaʻi ha mahuʻingaʻia. (Sio ki he School Guidebook, peesi 7, palakalafi 9-11.) Lave ki ha ngaahi polosiua kehe ʻe tuʻuaki nai pea ʻoku kei maʻu ʻi he sitoka ʻa e fakatahaʻangá. ʻI he taimi ʻoku tuku ai ʻa e ngaahi polosiuá, ʻoua ʻe toumoua ke fai ha fakamatala pau ki he fokotuʻutuʻu ki hono fai ha tokoní.
Hiva 204 mo e lotu tuku.
Uike Kamata Siulai 14
Hiva 48
12 min: Ngaahi fanongonongo fakalotofonua. Fakamatala paʻangá.
18 min: “Faifakamoʻoni ʻi ha Feituʻu Pē ʻOku ʻI Ai ha Kakai.” Ko ha malanga. Fakatatau ki he taimí, ʻoatu ha ngaahi meʻa naʻe hokosia ʻo tānaki atu ki ai mei he 1997 Yearbook, peesi 43-46.
15 min: Ngaahi Mātuʻa—Akoʻi Hoʻo Fānaú mei he Kei Valevalé. Ko hono fakamatalaʻi ʻe ha tokotaha mātuʻa ha ngaahi tefitoʻi moʻoni Fakatohitapu ʻoku hā ai ʻa e fiemaʻu ki he ngaahi mātuʻá ke akoʻi ʻenau fānaú mei he kei valevalé. (Pal. 22:6; 2 Tim. 3:14, 15) ʻOku ongoʻi ʻe he ngaahi mātuʻa ʻe niʻihi ko hono akoʻi fakamātoato ʻa e Tohitapú ki he fānaú ʻoku totonu ke toki fai ia kaeʻoua kuo nau motuʻa feʻunga ke nau fai ha ngaahi fakapapau pē ʻa kinautolu. ʻI he ngaahi tuʻunga peheé, ko e fānau tokolahi kuo nau kamata ke fai ʻa e tōʻonga fakamāmani. Ko e fakahinohino Fakatohitapú ʻoku totonu ke kamata ia mei he kei valevalé. (g-E 97 3/8 26-27; w-E 89 3/1 12-13) Fakaʻekeʻeke ha ongo mātuʻa ʻokú na fakahā ʻa e tokanga fekauʻaki mo e tuʻunga fakalaumālie ʻo ʻena fānaú. Fakahā ʻa e founga ʻoku takimuʻa ai ʻa e tamaí ka ko e ongo mātuʻá fakatouʻosi ʻokú na taki taha fai ʻena tafaʻaki ʻi hono tokonaki ha polokalama hokohoko mo fakaʻāuliliki ki hono akoʻi ʻena fānaú. ʻOku lave ʻa e ongo mātuʻá ki he meʻa ʻokú na lolotonga fai ʻi he feinga ke akoʻi ʻena fānaú ki he moʻoní, ʻo tali ʻa e ngaahi fokotuʻu kuo tokonaki mai ʻe he kautahá ki hono ʻai ha polokalama ʻaonga mo ola lelei ki hono fai ʻa e akó ʻi ʻapi. ʻOku fakamamafaʻi ʻe he tokotaha mātuʻá ʻa e mahuʻinga ʻo hono ngāueʻaki ʻa e meʻa ʻoku enginaki mai ʻe he Folofola ʻa e ʻOtuá ki he ngaahi mātuʻá ke nau faí.—w-E 85 4/1 23; Ef. 6:1-4.
Hiva 32 mo e lotu tuku.
Uike Kamata Siulai 21
Hiva 14
12 min: Ngaahi fanongonongo fakalotofonua. Fakamanatu ʻa e “Polokalama ʻAsemipilī Fakafeituʻu Foʻou.”
13 min: “Ko Hai ʻE ʻAlu Maʻatautolu?” Ko ha malanga pau. Fakakau atu ki ai ʻa e fakalototoʻa ki he tāimuʻa tuʻumaʻú pea mo e meʻa naʻe hokosia ʻoku maʻu ʻi he fakalahi ʻo ʻEtau Ngāue Fakafaifekau ʻo e Puleʻanga ʻo Fepueli 1997, palakalafi 16-17. Ko kinautolu ʻoku ʻikai malava ke nau tāimuʻa tuʻumaʻú te nau loto nai ke palani pe ko fē ha māhina ke tāimuʻa tokoni ai he lolotonga ʻo e taʻu fakangāue ka hoko maí.
20 min: “‘Tui ki he Folofola ʻa e ʻOtuá’ Fakataha-Lahi Fakavahe 1997.” (Palakalafi 1-12) Fehuʻi mo e tali. Lau ʻa e palakalafi 6, 7, 9, mo e 12. Fakamamafaʻi ʻa e mahuʻinga Fakatohitapu ʻo hono tauhi maʻu lelei hotau fōtunga hāmai mo e ʻulungaanga faka-Kalisitiané pea mo hono tokangaʻi lelei ʻo ʻetau fānaú.
Hiva 130 mo e lotu tuku.
Uike Kamata Siulai 28
Hiva 222
12 min: Ngaahi fanongonongo fakalotofonua. Fakamanatu ki he tokotaha kotoa pē ke ʻomai ʻa e ngaahi līpooti ki he ngāue fakamalangá. Fakamanatu ʻa e tohi ʻoku tuʻuaki ʻi ʻAokosí. Tokangataha ke ʻaʻahi ki he ngaahi polosiua naʻe tuku ʻi Siulaí fakataha mo e ngaahi toe ʻaʻahi ʻi ʻAokosí, ʻo feinga ke kamata ha ngaahi ako Tohitapu. Ngāueʻaki ʻa e fakalahi ʻi he ʻEtau Ngāue Fakafaifekau ʻo e Puleʻanga ʻo Maʻasí, ʻo ʻohake ai ʻa e ngaahi fiemaʻu ʻe niʻihi ki ha toe ʻaʻahi ola lelei. ʻOku totonu ke kamata ha ngaahi ako ʻi he polosiua Fiemaʻu pe ko e tohi ʻIlo.
15 min: Ngaahi fiemaʻu fakalotofonua.
18 min: “‘Tui ki he Folofola ʻa e ʻOtuá’ Fakataha-Lahi Fakavahe 1997.” (Palakalafi 13-19) Fehuʻi mo e tali. Lau ʻa e palakalafi 13 pea mo e ngaahi konga Tohitapu ʻoku lave ki aí. Fakamamafaʻi ʻa e fiemaʻu ke maau mo fai ha tokanga ki he niʻihi kehé, tautefito ʻi he fekauʻaki mo e tangutuʻangá. Fakaʻosiʻaki ha malanga nounou ʻo fakamanatu ʻa e “Ngaahi Fakamanatu Fekauʻaku mo e Fakataha-Lahi Fakavahé.”
Hiva 48 mo e lotu tuku.