Fanongonongo

◼ Tohi ke tuʻuaki ʻi ʻAokosi: Ko ha taha pē ʻo e ngaahi polosiua peesi ʻe 32: Ko e Puleʻanga Te ne ʻOmai ʻA e Palataisi, Laumālie ʻo e Kau Maté, Moʻui Fiefia ʻI He Mamani ʻO Taʻengata!, ʻI he Mate ha Taha ʻOkú Ke ʻOfa Ai, mo e ʻOku Totonu Ke Ke Tui ki he Tolu-tahaʻi-ʻotua? Sepitema: Ko Hono ʻAi Hoʻo Moʻui Fakafāmilí ke Fiefia. ʻOkatopa: Ko e ngaahi tatau tāutaha ʻo e Taua Leʻo mo e Awake! ʻI hono maʻu ha mahuʻingaʻia ʻi he ngaahi toe ʻaʻahí, ʻe lava ke tuʻuaki nai ʻa e ngaahi tukuhaú. Kamata ʻi he konga ki mui ʻo e māhiná, ʻe tufa atu ai ʻa e Ongoongo ʻo e Puleʻangá Fika 35. Nōvema: Ko hono tufaki ʻo e Ongoongo ʻo e Puleʻangá Fika 35 ʻe hokohoko atu pē. Ko e ngaahi fakatahaʻanga kuo nau fakakakato honau feituʻú ʻaki ʻenau aʻu ki he tokotaha-ʻapi ʻi he ʻapi pe fale nofoʻanga taki taha mo ha tatau ʻo e Ongoongo ʻo e Puleʻangá Fika 35 ke tuʻuaki nai ʻa e tohi ʻIlo.

◼ ʻI he feituʻu kotoa pē ʻi ha ngaahi taimi kehekehe lolotonga ʻo e taʻú, ʻoku ʻi ai ʻa e ngaahi ʻaho mālōlō fakamāmani ʻoku mālōlō ai ʻa e fānaú mei he akoʻangá pea ʻi ai mo ha taimi mālōlō mei he ngāue fakamāmaní. ʻOku maʻu ai heni ʻa e ngaahi faingamālie lelei ki he fakatahaʻangá ke fakalahi ʻa e kau ki he ngāue fakamalangá. ʻOku totonu ki he kau mātuʻá ke nau fakapapauʻi ʻa e taimi ʻe hoko ai ʻa e ngaahi meʻa ko ʻení pea ʻai ke ʻilo lelei ʻe he fakatahaʻangá ki muʻa, ʻa e ngaahi fokotuʻutuʻu kuo ʻosi fai ki he faifakamoʻoni fakakulupu he lolotonga ʻo e ngaahi taimi mālōloó.

◼ Ko ha ngaahi foomu feʻunga ke ngāueʻaki ʻi he taʻu fakangāue ʻo e 1998 ʻoku ʻoatu ia ki he fakatahaʻanga taki taha. Kātaki ʻo ngāuetotonuʻaki ʻa e foomu ko ʻení. ʻOku totonu ke ngāueʻaki pē ia ki he meʻa naʻe taumuʻa ki aí.

◼ ʻE maʻu ʻe he fakatahaʻanga taki taha ha ngaahi foomu ʻe tolu ʻo e Literature Inventory (S(d)-18). ʻOku totonu ke fakataha ʻa e sekelitali ʻa e fakatahaʻangá mo e sevāniti ki he ngaahi tohí ʻi he kamataʻanga pē ʻo ʻAokosi pea fokotuʻu ha ʻaho ke fai ai ʻa hono lau ʻo e ngaahi tohi ʻa e fakatahaʻangá ʻi he fakaʻosinga ʻo e māhiná. Kuo pau ke fai hano lau totonu ʻo e ngaahi tohi ʻi he sitoká, pea ko e ngaahi fakakātoa ke fakahū ia ki he foomu Literature Inventory. Ko e fika fakakātoá ʻo e ngaahi makasini ʻoku kei maʻú ʻe lava ke maʻu ia mei he sevāniti ki he makasiní. Kātaki ʻo meili ʻa e ʻuluaki tataú ki he Sōsaietí ʻo ʻoua ʻe tōmui ange ʻi Sepitema 6. Tauhi ha tatau kāponi ʻi hoʻo failé. Ko e tatau hono tolú ʻe ngāueʻaki nai ia ko ha tatau ngāue. ʻOku totonu ke tokangaʻi ʻe he sekelitalí ʻa hono lau ʻo e ngaahi tohí, pea ʻi he kakato ʻa e fōmú ʻoku totonu ke vakaiʻi ia ʻe he ʻovasia tauhí. Ko e sekelitalí mo e ʻovasia tauhí te na fakamoʻoni ʻi he fōmú.

◼ ʻOku totonu ki he ngaahi fakatahaʻangá ke kamata ʻa hono kole ʻa e 1998 Calendar of Jehovah’s Witnesses fakataha mo ʻenau kole tohi ki Sepitemá.

◼ Compact Disc Foʻou ʻOku Ala Maʻu:

Kingdom Melodies​—On Compact Disc, Volume 5