Fanongonongo

◼ Tohi ke tuʻuaki ʻi ʻOkatopa: Ko e ngaahi tatau tāutaha ʻo e Taua Leʻo mo e Awake! ʻI hono maʻu ha mahuʻingaʻia ʻi he ngaahi toe ʻaʻahí, ʻe lava ke tuʻuaki ʻa e ngaahi tukuhaú. ʻE tufaki atu ʻa e Ongoongo ʻo e Puleʻangá Fika 35 ʻo kamata ʻi ʻOkatopa 12. Nōvema: ʻE hokohoko atu pē ʻa hono tufaki ʻa e Ongoongo ʻo e Puleʻangá Fika 35. Ko e ngaahi fakatahaʻanga kuo nau fakakakato honau feituʻú ʻaki ʻenau aʻu ki he tokotaha-ʻapi ʻi he ʻapi pe fale nofoʻanga taki taha mo ha tatau ʻo e Ongoongo ʻo e Puleʻangá Fika 35 ʻe lava ke nau tuʻuaki nai ʻa e tohi ʻIlo. Tīsema: Te ke Malava ʻo Moʻui Taʻengata he Palataisi ʻi he Māmaní. Sānuali: Fāʻūtaha ʻi he Lotu ki he ʻOtua Moʻoni Pē Taha.

◼ Ko e fakalahi ʻi he tatau ko ʻeni ʻo ʻEtau Ngāue Fakafaifekau ʻo e Puleʻanga ko e “Fakahokohoko ʻa e Akoʻanga Fakafaifekau Fakateokalati ki he 1998” pea ʻoku totonu ke tauhi ia ko e tatau ki he 1998 fakakātoa.

◼ ʻI he ʻi ai ʻa e fakaʻosinga ʻo e uike kakato ʻe nimá, ko e māhina ko Nōvemá ko ha taimi feʻungamālie nai ia ki he tokolahi ke nau tāimuʻa tokoni.

◼ Ko e ngaahi tohi fakaafe ki he Fakamanatú ki he 1998 ʻi he ngaahi lea tefito ʻo e fakatahaʻanga taki taha, ʻe fakakau atu ia fakataha mo e uta fakataʻu ʻo e ngaahi fōmú. Kapau ʻoku ʻi ai ha ngaahi lea kehe ia ʻoku leaʻaki ʻi ho feituʻú pea te ke saiʻia ke ʻi ai ha tatau ʻo e ngaahi tohi fakaafé ʻi he ngaahi lea ko iá, ʻoku totonu ke kole leva ia ʻi he Literature Request Form (S-14). ʻOku ala maʻu ʻa e ngaahi tohi fakaafe ki he Fakamanatú ʻi he ngaahi lea faka-Fisi, faka-Haʻamoa, faka-Pilitānia, faka-Tonga mo e faka-Tuvalu. Kātaki ʻo kole pē ʻa e ngaahi lea ko ia ʻoku fiemaʻu ki ho feituʻú.

◼ ʻOku totonu ke kamata kole leva ʻe he ngaahi fakatahaʻangá ʻa e Ko Hono Vakaiʻi Fakaʻaho ʻa e Tohitapú​—1998 fakataha mo ʻenau kole tohi ki ʻOkatopá. ʻE ala maʻu ʻa e fanga kiʻi tohi iikí ni ʻi he lea faka-Fisi, faka-Haʻamoa, faka-Pilitānia, faka-Tonga mo e faka-Tuvalu. Ko e fanga kiʻi tohi iiki ko ʻení ʻoku fai ha kole makehe ki ai pea ʻe hā ia ko e “Pending” ʻi he ngaahi lisi fakaheka ʻa e fakatahaʻangá kaeʻoua ke lava hono fakaheka atú.