Ngaahi Fakataha Ngāue ki Tīsema
Uike Kamata Tīsema 1
Hiva 51
10 min: Ngaahi fanongonongo fakalotofonua. Fanongonongo kuo filifili mei he ʻEtau Ngāue Fakafaifekau ʻo e Puleʻanga.
15 min: “Lea Fekauʻaki mo Sihova ʻi he ʻAho Kotoa Pē.” Fehuʻi mo e tali. ʻI hono fai ʻa e palakalafi 4, fakakau atu ki ai mo e fakamatala mei he School Guidebook, ako 16, palakalafi 14-16.
20 min: “Tokoniʻi ʻa e Niʻihi Kehé ke Nau Maʻu ʻa e ʻAonga mei he Tataki ʻa e Tohitapú.” Ko ha tokotaha mātuʻa ʻokú ne fakamatalaʻi ʻa e kupú fakataha mo e ngaahi ʻuhinga ki he ʻuhinga ʻoku totonu ai ke hoko ʻo ueʻi ʻa e tokotaha kotoa pē ke ne sivisiviʻi ʻa e Tohitapú. (Sio ki he polosiua A Book for All People, peesi 30, 32.) Fakaʻekeʻeke nounou ha ongo malanga ʻe toko ua ki he founga naʻá na teuteu ai ke ngāueʻaki ʻa e ngaahi tuʻuaki ʻoku fokotuʻu mai ʻi he palakalafi 3-8. Fakahāhaaʻi ha taha ʻo kinautolu ʻi he ʻuluaki aʻahí pea mo e toe ʻaʻahi fehoanaki mo ia.
Hiva 48 mo e lotu tuku.
Uike Kamata Tīsema 8
Hiva 135
10 min: Ngaahi fanongonongo fakalotofonua. Fakamatala paʻangá.
20 min: Ko e Hā ke Līpooti Ai ʻa e Meʻa ʻOku Koví? Ko e malanga ke fai ʻe ha tokotaha mātuʻa ʻo makatuʻunga ʻi he Watchtower ʻo ʻAokosi 15, 1997, peesi 26-30.
15 min: “ʻOku Ongo Hoʻo Pulí!” Fetalanoaʻaki mo e kau fanongó ke fai ʻe ha tokotaha mātuʻa. Fakahaaʻi ʻa e ʻavalisi ʻo e kau maʻu fakatahá ki he fakatahaʻangá. Fakaafeʻi ha niʻihi ke nau lave ki he ngaahi ʻuhinga ʻoku fakaivifoʻou ai kinautolu ʻi heʻenau hoko ʻo fakataha ʻi he ngaahi fakatahá.
Hiva 172 mo e lotu tuku.
Uike Kamata Tīsema 15
Hiva 133
10 min: Ngaahi fanongonongo fakalotofonua. Fakahaaʻi ha ngaahi fokotuʻu ʻi he founga ke tali fakapotopotoʻaki ʻa e ngaahi talamonū ki he ʻaho mālōlō fakamāmaní. Fakamatalaʻi ʻa e ngaahi fokotuʻutuʻu ngāue fakamalanga makehe ki he ngaahi ʻaho mālōlō fakamāmaní ʻi Tīsema 25, 26 pea mo Sanuali 1, 2.
15 min: “ʻOku Totonu ke Tau Hoko ko e Kau Faiako, ʻIkai ko e Kau Malanga Pē.” Palakalafi 1-8. Faiʻaki ʻa e fehuʻi mo e tali.
20 min: “ʻOku Totonu ke Tau Hoko ko e Kau Faiako, ʻIkai ko e Kau Malanga Pē.” Palakalafi 9-15. Fetalanoaʻaki ʻi he vahaʻa ʻo ha tokotaha mātuʻa pea mo e ongo malanga ʻe toko ua. ʻI hono fai ʻa e palakalafi 11, lau ʻa e School Guidebook, ako 15, palakalafi 11. Fakamatalaʻi nounou foki ʻa e ngaahi poini tefito mei he fakalahi ʻo ʻEtau Ngāue Fakafaifekau ʻo e Puleʻanga ʻo Sune 1996.
Hiva 27 mo e lotu tuku.
Uike Kamata Tīsema 22
Hiva 51
5 min: Ngaahi fanongonongo fakalotofonua.
18 min: “Ko e Akoʻanga Fakafaifekau Fakateokalati ki he 1998.” Ko ha malanga ke fai ʻe he ʻovasia ʻo e akoʻangá. Fakamanatu ʻa e ngaahi founga ʻe lava ke ʻaonga kakato ange ki he tokotaha kotoa mei he akoʻangá lolotonga ʻa e taʻu hoko maí. Fakalototoʻaʻi ke hokohoko atu mo e “Fakalahi ʻo e Fakahokohoko ki he Lau Tohitapu” foʻoú ʻi he uike taki taha.
22 min: Malangaʻi ʻa e Ongoongo Leleí ʻi he Feituʻu Kotoa Pē. Fetalanoaʻaki mo e kau fanongó ʻi he tohi Our Ministry, peesi 92-97, ʻo ngāueʻaki ʻa e ngaahi fehuʻi ko ʻení: (1) Ko e hā ʻoku ola lelei ai hono ngāueʻaki ʻetau ngaahi tohí ki hono fakamafola atu ʻa e ongoongo leleí? Ko e hā ʻoku totonu ai ke tau tuʻuaki ʻa e ngaahi tohí ʻi he faingamālie kotoa pē? Ko e hā ʻoku mahuʻinga ai ke lave ki he fokotuʻutuʻu ki hono fai ʻo e tokoní? (2) Ko e hā ʻoku totonu ai ke tau hoko ʻo tokanga ke fai ʻa e fakamoʻoni ʻi he founga ʻikai anga-mahení? Ko e hā ʻa e ngaahi founga ʻe niʻihi ke fakamoʻoni ai ʻi he founga ʻikai anga-mahení? (Fakaafeʻi ha niʻihi ke lave ki he ngaahi meʻa naʻe hokosia ʻi he fakamoʻoni ʻi he founga ʻikai anga-mahení.) (3) Ko e hā ʻoku totonu ai ke feinga ʻa e fakatahaʻangá ke ngāueʻi lelei honau feituʻu kuo vaheʻí? ʻI he feituʻu ʻoku fuʻu lahí, ko e hā ʻa e lelei ʻo hono maʻu ha feituʻu fakatāutaha? (4) ʻOku ʻaonga fēfē kiate kitautolu ʻa e ngaahi fokotuʻutuʻu ki he fakamoʻoni fakakulupú? ʻE lava fēfē ke tau palani ʻetau ngāue fakaefakamoʻoní ke fakapapauʻi ʻoku tau ngāueleleiʻaki hotau taimí?
Hiva 222 mo e lotu tuku.
Uike Kamata Tīsema 29
Hiva 204
8 min: Ngaahi fanongonongo fakalotofonua. Fakamanatu ki he tokotaha kotoa pē ke ʻomai ʻa e līpooti ngāue fakamalangá. Kapau ʻe liliu ʻe hoʻo fakatahaʻangá ʻa e taimi ki he fakataha he taʻu foʻoú, fai ha fakalototoʻa lelei ʻi hono fakaʻaiʻai ʻa e tokotaha kotoa ke tauhi maʻu ʻa hono maʻu maʻu pē ʻa e taimi foʻou ʻa e fakatahaʻangá.
12 min: Fakamanatu ʻa e Tohi ke Tuʻuaki ʻi Sanualí. ʻI he lolotonga ʻo Sanualí te tau tuʻuaki ai ʻa e tohi Fāʻūtaha ʻi he Lotu ki he ʻOtua Moʻoni Pē Taha. Lave ki he ngaahi poini fakatupunga talanoa mahuʻinga ʻa ia ʻe hoko ʻo tokoni ki hono teuteu ha ngaahi tuʻuaki. Fakakau atu ki ai mo e fakahāhā ʻe taha. ʻOku totonu ke tau hokohoko atu ʻetau ngaahi feingá ke kamata ha ngaahi ako ʻi he polosiua Fiemaʻu pe ʻi he tohi ʻIlo.
10 min: Ngaahi fiemaʻu fakalotofonua.
15 min: “Ko Hono ʻIloʻi ʻo e Tefitoʻi Moʻoní ʻOku Tapua Ai ʻa e Matuʻotuʻa.” Ko e malanga makatuʻunga ʻi he kupu ʻi he Taua Leʻo ʻo Nōvema 1, 1997, peesi 8-10.
Hiva 133 mo e lotu tuku.