Ngaahi Fakataha Ngāue ki Sanuali
Uike Kamata Sanuali 5
Hiva 56
8 min: Ngaahi fanongonongo fakalotofonua. Fanongonongo kuo filifili mei he ʻEtau Ngāue Fakafaifekau ʻo e Puleʻanga.
17 min: “Fiefia ʻi Hono Fai ʻo ha Fakamoʻoni Fakaʻāuliliki.” Fetalanoaʻaki mo e kau fanongó ʻi he kupú. Fakaeʻa ha ngaahi fiemaʻu ʻo ha tuʻuaki ola lelei: (1) Fai ha fakafeʻiloaki anga-fakakaumeʻa, (2) fakamatalaʻi pe ʻohake ha fehuʻi fekauʻaki mo ha kaveinga ʻo ha meʻa fakatupu mahuʻingaʻia lolotonga, (3) lave ki ha konga Tohitapu feʻungamālie, mo e (4) fakahanga ʻa e mahuʻingaʻiá ki he tohi ʻoku tuʻuakí. ʻAi ha tokotaha malanga taukei ke ne fakahāhaaʻi ha ʻuluaki tuʻuaki kuo ʻosi fokotuʻu mai pea hoko atu ki ha toe ʻaʻahi fehoanakimālie mo ia.
20 min: Teuteu he Taimí Ni ke Pouaki ʻa e Lao ʻa e ʻOtuá ki he Totó. Ko ha tokotaha mātuʻa taau ke ne fakamatalaʻi ʻa e mahuʻinga ʻo hono fakafonu ʻa e kaati Advance Medical Directive/Release. Ko e fakahinohino fakamānavaʻi ʻi he Sāme 19:7 ʻoku hā ai ko e Ngāue 15:28, 29 ko ha fakahāhā ia ʻo e lao haohaoa ʻa e ʻOtuá ki he totó. ʻOku feinga ʻa e kau lotu mateakí ke pouaki ʻa e lao ko iá. Ko e kaati ko ʻení te ne ʻai ke ʻiloa hoʻo fakapapau ke fai peheé pea lea maʻau ʻi he taimi ʻoku ʻikai ai te ke malava ke ke lea maʻaú. (Fakafehoanaki mo Palovepi 22:3.) Ko ha kaati foʻou ʻoku tokonaki mai ai ha fakamatala lolotonga ʻo hoʻo fakafisi ke huhu totó. ʻI he hili ʻa e fakataha ko ʻení, ko e Kau Fakamoʻoni ʻosi papitaiso ʻoku nau loto ke maʻu ha kaati foʻoú ʻe ʻoatu ki ai ha taha, pea ko e faʻahinga ʻoku ʻi ai haʻanau fānau iiki ʻoku teʻeki ke papitaisó ʻe ʻoatu ki ai ʻa e Identity Card ki he tama taki taha. Ko e ngaahi kaatí ʻe ʻikai ke fakafonu ia ʻi he poó ni. ʻOku totonu ke nau fakafonu fakalelei ia ʻi ʻapi kae ʻOUA ʻe fakamoʻoni hingoa ai. Ko e fakamoʻoni hingoá, fakamoʻoní, pea mo e ʻaho ki he ngaahi kaatí kotoa ʻe fai ia ʻi he Ako Tohi ʻa e Fakatahaʻangá ka hoko maí, ʻo tokangaʻi ʻe he tokotaha faiako ʻo e ako tohí. Te ne fakapapauʻi ai pe ko e tokotaha kotoa pē ʻi heʻene kulupú ʻa ia ʻoku loto ki he tuʻunga fakafaitoʻo ko ʻení ʻokú ne maʻu ʻa e tokoni ʻoku fiemaʻú. Ko e faʻahinga ʻoku nau fakamoʻoni hingoa ko e kau fakamoʻoní ʻoku totonu ke nau sio tonu ʻi he fakamoʻoni hingoa ʻa e tokotaha ʻoku ʻaʻana ʻa e kātí. Ko ha taha ʻe liʻaki ʻi he taimi ko iá pea ʻokú ne fiemaʻu ke fakafonu mo fakamoʻoni hingoa ʻi ha kātí ʻe tokoniʻi ia ʻe he kau faiakó/kau mātuʻa ʻi he Fakataha Ngāue hono hokó kae ʻoua ke fakafonu fakalelei ʻe he kau malanga ʻosi papitaiso kotoa pē ʻenau ngaahi kātí. (Fakamanatu ʻa e tohi ʻi ʻOkatopa 15, 1991.) ʻI hono liliu lea mei he kaati ko ʻení ki honau ngaahi tuʻunga mo e ngaahi tuipau pē ʻa kinautolú, ko e kau malanga teʻeki papitaisó te nau hiki nai haʻanau fakahinohino pē ʻa kinautolu ke nau ngāueʻaki pea mo ʻenau fānaú.
Hiva 195 mo e lotu tuku.
Uike Kamata Sanuali 12
Hiva 135
10 min: Ngaahi fanongonongo fakalotofonua. Fakamatala paʻangá.
15 min: “Ngāueleleiʻaki ʻa e Ngaahi Lauʻi Pepa Tuʻuakí.” Fetalanoaʻaki mo e kau fanongó. Fakakau atu ki ai mo e meʻa naʻe hokosia ʻi he Taua Leʻo ʻo Tīsema 1, 1996, peesi 23, palakalafi 15.
20 min: “ʻOku Foaki ʻe Sihova ʻa e Mālohi ʻo Makehe Atu.” Fehuʻi mo e tali. (Sio ki he w90-E 7/15 19, palakalafi 15-16.) Fokotuʻutuʻu ha niʻihi ke nau lave ki ha meʻa fakalototoʻa naʻe hokosia ʻo hā ai hono fakaivimālohiʻi kinautolu ʻe Sihová.
Hiva 149 mo e lotu tuku.
Uike Kamata Sanuali 19
Hiva 48
10 min: Ngaahi fanongonongo fakalotofonua.
15 min: Ngaahi fiemaʻu fakalotofonua.
20 min: Ko e Ako Fakafāmilí ʻOkú Ne ʻOmai ʻa e Fiefia. Fetalanoaʻaki ʻa ha ongo meʻa mali ki he ngaahi fiemaʻu fakalaumālie ki hona fāmilí. Tokanga fekauʻaki mo e ngaahi tākiekina fakamāmani ʻokú ne uesia ʻena fānaú ʻi ha founga taʻepau, ʻokú na ongoʻi ha fiemaʻu ke fakaivimālohiʻi ʻa e tuʻunga fakalaumālie ʻo ʻena fānaú ka ʻokú na ʻiloʻi ko ʻenau ako fakafāmilí kuo tōmokosi pea faʻa ʻikai ola lelei. ʻOkú na fakamanatu fakataha ʻa e ngaahi fokotuʻu ki he founga ke fai ai ha ako fakafāmili mohu ʻuhinga ʻa ia ʻoku ʻomai ʻi he Watchtower ʻo ʻAokosi 1, 1997, peesi 26-29. ʻOkú na fakakaukau fakatouʻosi ke muimui ofi ʻi hono maluʻi ʻa e moʻui lelei fakalaumālie ʻo ʻena fānaú.
Hiva 143 mo e lotu tuku.
Uike Kamata Sanuali 26
Hiva 195
12 min: Ngaahi fanongonongo fakalotofonua. Fakamanatu ʻa e tohi ke tuʻuaki ʻi Fepuelí. Lave ki ha poini ʻe taha pe ua mei he tohi Ngaahi Talanoa Faka-Tohitapú ʻa ia ʻe ʻaonga ʻi he taimi ʻe tuʻuaki aí.
15 min: “Fakahā ʻa e Fakaʻapaʻapa ki he Feituʻu Faiʻanga Lotu kia Sihová.” Fehuʻi mo e tali. Ke fai ʻe ha tokotaha mātuʻa, ʻa ia ʻoku totonu ke ne fai anga-ʻofa ia ki hono ngāueʻaki fakalotofonuá.
18 min: Ko Hono Līpooti ʻo ʻEtau Kau ʻi he Ngāue Fakaefakamoʻoni ʻi Māmani Lahí. (Makatuʻunga ʻi he tohi Our Ministry, peesi 100-102, 106-110.) Malanga mo e fetalanoaʻaki ke fai ʻe he sekelitalí. ʻI he hili hono fakahā ʻa e fakakaukau Fakatohitapu ki hono līpooti maʻu pē ʻetau ngāué, ʻokú ne fakaafeʻi ha sevāniti fakafaifekau ʻe toko ua ke na fakamanatu ʻa e kaveinga tokoni “ʻUhinga ke Tau Līpooti Ai ʻEtau Ngāue Fakamalangá.” ʻOku fakamamafaʻi leva ʻe he sekelitalí ʻa e mahuʻinga ʻo hono ʻomai vave ʻa e ngaahi līpooti totonú. ʻOkú ne lave ki he ngaahi ʻuhinga ʻoku ʻaonga ai ʻa hono fokotuʻu ha ngaahi kolo fakafoʻituituí, ʻo fakaʻosiʻaki ʻa e ngaahi fakamatala fakalototoʻa fekauʻaki mo e ngaahi tāpuaki ʻe maʻu ʻe he faʻahinga ʻoku nau kau kakato ki he ngāue fakaefakamoʻoní.
Hiva 56 mo e lotu tuku.