Ngaahi Fakataha Ngāue ki Nōvema

Uike Kamata Nōvema 2

Hiva 120

10 min: Ngaahi fanongonongo fakalotofonua. Fanongonongo kuo filifili mei he ʻEtau Ngāue Fakafaifekau ʻo e Puleʻanga. Fakamatala ki he līpooti ngāue fakamalanga ʻi ʻAokosi ʻa e fonuá mo e fakatahaʻanga fakalotofonuá.

15 min: “ʻOku Tau Maʻu ʻa e ʻAonga mei he Ngaahi Fakataha-Lahi ‘Founga ʻa e ʻOtuá ki he Moʻuí.’” Fehuʻi mo e tali. Fakahāhā ʻa e tohi mo e polosiua foʻou faka-Pilitāniá, pea fakahaaʻi ʻa e ngaahi founga ʻe lava ke tau ngāueleleiʻaki ai ʻa e tohí.

20 min: “ʻOku Ou Fiemaʻu ha Ako Tohitapu!” Fetalanoaʻaki mo e kau fanongó ʻo fai ʻe he ʻovasia ngāué. Fakamatalaʻi ʻa e founga ʻe fokotuʻutuʻu maau fakalotofonua ai ʻa e feinga fakataha ko eni ke fai ʻa e ngaahi toe ʻaʻahí. Ki he lahi taha ʻe ala lavá, ʻe ngāue nai ai ʻa e kau malanga taukeí mo e faʻahinga foʻou angé. ʻOku totonu ke tauhi ke siʻisiʻi ʻa e ngaahi kulupu ʻi he kaá koeʻuhi ke lava ʻo fai ha ngaahi ʻaʻahi lahi ange. Fakamanatu ʻa e ngaahi fokotuʻu ʻi he fakalahi ʻo ʻEtau Ngāue Fakafaifekau ʻo e Puleʻanga, ʻi ʻEpeleli 1998, palakalafi 12-15. ʻAi ha tokotaha malanga taukei ke ne fakahāhā ʻa e founga ʻo hono tuʻuaki ʻo ha ako ʻi ha toe ʻaʻahi. Fakalototoʻaʻi ʻa e tokotaha kotoa pē ke feinga ke kamata ha ako foʻou.

Hiva 163 mo e lotu tuku.

Uike Kamata Nōvema 9

Hiva 195

13 min: Ngaahi fanongonongo fakalotofonua. Fakamatala paʻangá. Puha Fehuʻi.

15 min: Ngaahi fiemaʻu fakalotofonua.

17 min: “Felangahakeʻaki ʻAki ʻa e Tali ʻi he Ngaahi Fakatahá.” Fehuʻi mo e tali. Fakamatalaʻi ʻa e hoko ʻetau talí ʻo tānaki atu ki heʻetau laka ki muʻa fakalaumālié. (Sio ki he School Guidebook, ako 38, palakalafi 4.) Fakaafeʻi ha niʻihi ke nau fakamatala ki he founga naʻa nau ikuʻi ai ha toumoua ke fai ha ngaahi tali, pea mo e founga naʻe tāpuakiʻi ai kinautolu ʻi he kau ki he ngaahi fakatahá.

Hiva 51 mo e lotu tuku.

Uike Kamata Nōvema 16

Hiva 172

8 min: Ngaahi fanongonongo fakalotofonua. Fakamatala ki he ngaahi meʻa naʻe hokosia ʻi hono kamata ha ngaahi ako Tohitapu fakalotofonua.

20 min: “Takimuʻa ʻa e Kau ʻOvasiá​—Ko e ʻOvasia ʻo e Akoʻanga Fakafaifekau Fakateokalatí.” Malanga ke fai ʻe he ʻovasia ʻo e akó. Fakamanatu ʻa e School Guidebook, peesi 10-​11, palakalafi 6-12.

17 min: “Hoko ʻo Ola Lelei ʻi Hoʻo Ngāue Fakafaifekaú.” Fetalanoaʻaki fehuʻi mo e tali ʻi he palakalafi 1-7 ʻo e fakalahí. Fakahanga ki he ngaahi poini ʻe ngāueʻaki nai tautefito ki he feituʻu fakalotofonuá.

Hiva 212 mo e lotu tuku.

Uike Kamata Nōvema 23

Hiva 163

5 min: Ngaahi fanongonongo fakalotofonua.

20 min: “Hoko ʻo Ola Lelei ʻi Hoʻo Ngāue Fakafaifekaú.” Fetalanoaʻaki fehuʻi mo e tali ʻi he palakalafi 8-21 ʻo e fakalahí. Fakahanga ki he ngaahi poini ʻe ngāueʻaki nai tautefito ki he feituʻu fakalotofonuá.

20 min: Ngaahi Fokotuʻu ke Fakaleleiʻiʻaki ʻa Hoʻo Lau Tohitapú. Malanga makatuʻunga ʻi he Watchtower ʻo Mē 1, 1995, peesi 16-17. Fakaeʻa ʻa e ngaahi ʻaonga fakalaumālie naʻe maʻu mei he lau Tohitapu fakaʻahó. Fakamanatu ʻa e ngaahi fokotuʻu naʻe faí, pea lāulea ki he founga ke ngāueʻaki ai kinautolú. ʻAi ha kau malanga ʻe toko ua pe tolu ke nau fakamatala ki he founga ʻo ʻenau maʻu ʻaonga mei hono lau tuʻumaʻu ʻa e Folofola ʻa e ʻOtuá.

Hiva 135 mo e lotu tuku.

Uike Kamata Nōvema 30

Hiva 98

15 min: Ngaahi Fanongonongo fakalotofonua. Fokotuʻutuʻu ha ngaahi fokotuʻutuʻu ngāue fakamalanga makehe ki he ʻaho mālōlō fakapuleʻanga ʻi Tīsema 4. Fakamanatu ki he taha kotoa ke ʻomai ʻenau ngaahi līpooti ngāue fakamalangá. Fakamatala nounou ki he tuʻuaki ʻi Tīsemá, ko e tohi Ko Hono ʻAi Hoʻo Moʻui Fakafāmilí ke Fiefia, pea mo e ngaahi poini ʻe fakahāhā nai mei he tohí. Fakalototoʻaʻi ha taha pē naʻe ʻikai te ne kamata ha ako he lolotonga ʻo Nōvemá ke hokohoko atu ʻene ngaahi feingá ke aʻu ki Tīsema ʻi he foki ki ha feituʻu pē naʻe tuku ai ʻa e tohi ʻIlo. ʻAi ha tokotaha malanga taukei ke ne fakatātaaʻi ha toe ʻaʻahi ʻo ngāueʻaki ʻa e puha he peesi 19 ʻo e tohi ʻIlo; ke fakamatalaʻi ʻe he tokotaha malangá ʻa e founga ʻe lava ke ngāueʻaki ai ʻa e tohí ke maʻu ha mahino fekauʻaki mo e ngaahi akonaki ʻa e Tohitapú pea kamata ha ako.

15 min: Ngāueleleiʻaki ʻa e Tohimāhina he 1999 ʻa e Kau Fakamoʻoni ʻa Sihová. Ko ha malanga. Fakamanatu ʻa e ngaahi tafaʻaki ʻo e tohimāhiná: (1) ko e ngaahi fakatātā mataʻāʻā ʻokú ne fakamatalaʻi ʻa e ngaahi meʻa naʻe hoko mo e ngaahi akonaki ʻiloa ʻi he Tohitapú, (2) taimi-tēpile lau Tohitapu fakauike ki he Akoʻanga Fakafaifekau Fakateokalatí, (3) taimi-tēpile lau Tohitapu fakataʻu ki he uike ki muʻa ʻi he Fakamanatú, (4) fakatokanga fekauʻaki mo e ngaahi fakamanatu tohinima ka hoko maí, mo e (5) ngaahi fakamanatu ke kau tuʻumaʻu ʻi he ngāue makasiní. Lāulea ki he ngaahi founga ke ngāueʻaki ai ʻa e sipeisi ʻoku ala maʻú ke fokotuʻutuʻu ai ha taimi-tēpile ngāue fakamalanga, ke hikiʻi hifo ai ʻa e ngaahi līpooti mo e ʻapoinimeni ngāue ke ngāue ai mo e niʻihi kehé, ke fokotuʻu ai ʻa e ngaahi konga kuo vaheʻi ki he fakatahá, ke hiki ai ʻa e ngaahi fakamanatu fekauʻaki mo e ngaahi ʻaʻahi ʻa e ʻovasia fakafeituʻú mo e ngaahi ʻasemipilī ka hoko maí. Ko hono fakaʻaliʻali ʻa e tohimāhiná ʻi ha feituʻu ʻilongofua ʻi ʻapi pe ʻi he feituʻu ngāueʻangá ʻe fakalanga nai ai ha ngaahi faingamālie ke kamata ai ha ngaahi fetalanoaʻaki Fakatohitapu. Lave ki ha meʻa naʻe hokosia ʻi he 1988 Yearbook, peesi 8.

15 min: Maʻu ʻAonga mei he Polosiua Foʻou, What Happens to Us When We Die? Fakamanatu ʻa e ngaahi meʻa mahuʻinga ʻoku ʻi aí. ʻOkú ne fakatotoloʻi ʻa e ngaahi tupuʻanga ʻo e akonaki fekauʻaki mo e taʻefaʻamate ʻa e soulú pea kumi ki he founga kuo hoko ai ko e konga tefito ʻa e tuí ni ki he meimei ngaahi lotu kotoa ʻi he māmaní. ʻOkú ne fakamatalaʻi ʻi ha founga fakamānako ʻa e meʻa ʻoku leaʻaki ʻe he Tohitapú fekauʻaki mo e soulú, ʻuhinga ʻoku tau mate aí, ko e tuʻunga ʻo e kau maté, ko e ʻamanaki ʻoku ʻi ai ki he moʻui hili ʻa e maté, pea mo e ʻuhinga ʻoku fiemaʻu ai ke tau ʻiloʻi ʻa e moʻoni fekauʻaki mo e ngaahi meʻá ni. Ko e faʻahinga kotoa ʻi he fakatahaʻangá ʻoku mahino kiate kinautolu ʻa e lea faka-Pilitāniá ʻoku totonu ke nau lau ʻa e polosiuá ni. Fakahaaʻi ʻa e niʻihi ʻo e ngaahi fakatātā ʻe 40 pea pehē ki he ngaahi lave ki ai ʻoku hā ʻi he kamata ʻo e konga taki taha, ʻa ia ʻe lava ke ngāueʻaki ke langaʻi ʻa e mahuʻingaʻia ʻa e kakaí. Fakahaaʻi ʻa e founga ʻe lava ke fakaʻaliʻali ai ʻa e konga fakaʻosí ʻi he taimi ʻoku tuʻuaki ai ha ako Tohitapu ʻi ʻapi ki he faʻahinga ko ia ʻoku nau lautohi faka-Pilitāniá. Fakaafeʻi ʻa e kau malangá ke fakamatala ki he anga ʻo ʻenau palani ke ngāueʻaki ʻa e polosiua foʻoú ʻi he ngāue fakafaifekaú.

Hiva 14 mo e lotu tuku.